Luka 1:15 - KITABU KITAKATIFU

¹⁵ Alakave munene imbiri wu Mwami. Si alinwa iwaini anoho amalwa mba, naye aliizula Roho Mutakatifu kutura munda mwa mama weve.

Luka 1:15 Iomraidhean Croise

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 48:19

Navuzwa baba weve yasura navoora, “Muyaayi wange, inzi manyia ichangola. Visukululwi via Manase vilakave zihiiri zinyingi ligali. Efuraimu amwavo weve mukekeeke alakave munene kuye na visukululwi vivie vilakave zihiiri zinene ligali.”

1 Kyetsinyinga 17:8

Ndaaveyange harara nivi havundu hoosi ha waziyange, kandi mali kuguuta avasigu vovo vosi lwa waziyange imbiri kuvaguuta. Ndakokola umanyikane kuli aviimiliri vanene ligali mu lirova.

1 Kyetsinyinga 29:12

Vutugi vwosi nu vuhinda vuturaa ku ivi; kandi vamiiha vindu viosi mu zinguru harara nu vunyali vuvwo; kandi uveeye nu vunyali kokora mulala kuvo munene kandi wi zinguru.

Zaburi 22:9

Yaali ivi, Nyasaye, uwaandeeta nimirembe kutura munda mwa mama wange. Kandi waandenda vulahi lwa ndaali mwana mudoto.

Jeremia 1:5

“Ndaakotovola imbiri wa ndaali ningikiri kokolomba munda mwa mama woovo, kandi ndaaku takasa imbiri wa waali nukikiri kwivulwa. Ndaakotovola kuva muporofeti kuzihiiri.”

Jeremia 35:6

Navuzwa vaativura, “Kunwezaku iwaini mba. Jonadabu mwana wa Rekabu, baba wiitu yakulaga navoora, ‘Munyi anoho mutanwa iwaini, munyi avana vinyu mutakanywi iwaini mulimenyalinyu liosi mba;

Kyavalevi 10:9

“Utanwa iwaini anoho choosi chukuhambikiza ivi na vayaayi vovo, lwa muva nimwingira mu Lihema mba, gase mulakuza. Lilaga yili lidukanaa lilondwe mihiga ni mihiga, ni visukululwi vivio viosi.

Zekaria 9:15

Yahova Wuvunyali alakakingi avandu veve, kandi alakadivizi avasigu vaavo. Valakahanzuki mu liihi kuli vahambiku, kandi valakatahizi avasigu vaavo masahi, galakidoleke kuli masahi gi visiuviliru, gasundulwa ku vwali kutura ku ibakuli.

Luka 1:14

Ulakave nuvusangali kandi nuvuyanzi, na avandu vanyingi valakasangala ku liivulwa lilie.

Luka 7:28

Yeso yameda kovora, “Muvooleraa, ku avandu vosi va vakali viivula, si haali ho nu munene kuvita Yohana; navuzwa oveeye mukekeeke mu Vwami vwa Nyasaye, aviti Yohana.”

Luka 7:33

Yohana Mubatizi yaza naahonga lilia kandi natanwezaa iwaini navuzwa mwavoora ‘Aveeye ni lidemoni!’

Yohana 5:35

Yohana yaali kuli itaya yaduuka kandi eng'ereng'anaa, na munyi ku ing'inga ngekeeke mwavugilira kusangalira uvulavu vwivwe.

Vikolwa 2:4

Vosi vizura Roho Mutakatifu, kandi ni vatanga komoloma mu zinimi zindi, kuli Roho yavaha livoora.

Vagalatia 1:15

Navuzwa zimbavasi zia Nyasaye zizie, yandovola kali ningikiri kwivulwa, kandi yananga kuvitira mu zimbavasi zizie nduuki kumutumikira. Kandi lwa yatovola

Vafeso 5:18

Mutahambika iwaini mba kigira imanya imudivizi; navuzwa mwizuli Roho du.

Joshua 3:7

Yahova yavolera Joshua, “Aga ngola kalunu galakola avandu vosi va Isiraeli vatange kuhaana luyali ku ivi kuli musaza munene, kandi valamanya ndi Inzi mbeeye harara niivi kuli ndaali harara na Musa.

Joshua 4:14

Ku lidiku yilio Yahova yanenehiza Joshua imbiri wi zimoni zia vandu va Isiraeli. Vamuha uluyali madiku gi livamwoyo lilie liosi, kuli yahaana ku Musa uluyali.