Luka 1:13 - KITABU KITAKATIFU

¹³ Navuzwa engelosi yamuvolera, “Utatia mba, Zakaria, kigira Nyasaye ahuliyi lisaala liilio. Mukali woovo Sabeti alakwivulira mwana muyaayi, na ulamugulika Yohana.

Luka 1:13 Iomraidhean Croise

Litanga 17:10

Ivi kandi visukululwi vivio kuduuka mwosi muvugiliri kokeva musaza woosi oveeye hagati hinyu.

Litanga 17:19

Navuzwa Nyasaye yavoola, “Awa. Mukali woovo Sara alakwivulira mwana muyaayi kandi ivi ulamugulika Isaka. Inzi ndalinda lilagana liange harara naye kandi ni visukululwi vivie mihiga ni mihiga. Liveeye lilagana litaveeye ne keheri.

Litanga 18:14

Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

Litanga 25:21

Isaka yasaalira Rabeka ku Yahova kigira yaali mugumba. Yahova yahaana mativuli ku lisaala lilie kandi Rabeka yavereka.

Zaburi 113:9

Aheezaa mukali mugumba uluyali hango hehe. Amukolaa asangale ku linyola avana; Mwizominye Yahova.

Zaburi 118:21

O, Yahova nzizominyaa ivi kigira umali kuhulira lianira liange, kandi umali kumba liguuta.

Isaya 8:3

Lwinyima, ndaali harara nu mukali wange muporofeti, na yavereka. Yivula mwana muyaayi. Maku Yahova yambolera, “Umuguriki lieta lilie ‘Maheri-shalali-hashibazi.’

Danyeli 10:12

Maku yambolera, “Danieli, utatia mba Nyasaye umali kuhulira lisaala liilio kutura ing'inga yu kutanga lwa watovola kwegehiza kunangwa onyoore limanyiriza. Inzi mali kuduuka kigira gi lisaala liilio.

Hosea 1:4

Yahova yavolera Hosea, “Umuguriki ‘Jezireeli’ kigira ku ing'inga engekeeke ndahaana mageri ku avandu vinyumba ya Jehu kigira uvulumindi vwa yakola aha Jezireeli. Ndaheriza uvwami vwa avandu va Isiraeli.

Hosea 1:6

Gomeri yavereka kandi, niyivura mwana mukaana. Yahova yavolera Hosea, “Umuguriki utayaanzwa, kigira Inzi si ndamanyia vuyanzi vwange ku avandu va Isiraeli mba anoho si ndavasamiiha mba.

Matayo 1:21

Aliivula umwana muyaayi, na ulamugulika lieta lilie Yeso, kigira uyu nivie ulihonvia avandu veve kutura muuvwoni vwavo.”

Matayo 14:27

Nonoho Yeso yamoloma kuvo navoora “Muleme mwoyo! Ninzi! Mutatia mba!”

Matayo 28:5

Engelosi yavolera avakali yavo, “Mutatia mba! Manyi ndi mwenya Yeso wavambwa.

Marko 16:6

Umusoleri oyo yavavolera, “Mutagenya mba. Inzi manyi vuzwa mwenya Yeso wa Nazareti uwaavambwa. Umali kusimuguka! Siaveeye hano mba. Heenzi havundu ahavamuta.

Luka 1:14

Ulakave nuvusangali kandi nuvuyanzi, na avandu vanyingi valakasangala ku liivulwa lilie.

Luka 1:30

Engelosi yamuvolera, “Utatia mba, Maria, kigira Nyasaye akovereye zimbavasi.

Luka 2:21

Inyima wa madiku munane, ing'inga yokokevwa kwu mwana yaduuka, yagulikwa Yeso kuli engelosi yamugulika lieta nakiri koverekwa.

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

Vakalagi 6:23

Navuzwa Yahova yamuvolera, “Umurembe gove harara nivi; utatia, kigira siulakuza mba.”

1 Samweli 2:21

Yahova yagasiza Hana ligali, kandi yivula avayaayi vandi vavaga na vakana vaviri. Musoleri Samweli yaviruka mu vutumiki vwa Yahova