Litanga 9:16 - KITABU KITAKATIFU

¹⁶ Lwa kisaahi kililoleka mu malesi, inzi ndakakelole kandi ndakizulizi lilagana lihindira mihiga ni mihiga hagati ha inzi nivindu viosi viveeye mwoyo ku lirova.

Litanga 9:16 Iomraidhean Croise

Litanga 17:13

Vuli mulala kuduuka akevwe, kandi yiki kilava kelolero chu muviri kumanyia ndi lilagana liange ni munyi liveeye limihiga ni mihiga.

Litanga 17:19

Navuzwa Nyasaye yavoola, “Awa. Mukali woovo Sara alakwivulira mwana muyaayi kandi ivi ulamugulika Isaka. Inzi ndalinda lilagana liange harara naye kandi ni visukululwi vivie mihiga ni mihiga. Liveeye lilagana litaveeye ne keheri.

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Litanga 9:17

Yicho nicho kelolero chi lilagana lianomba ku vindu viosi viveeye mwoyo.”

2 Samweli 23:5

Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

Ezekieli 34:26

“Ndakagagasizi kandi ndakagaleke gamenye ahimbi ku kiguru change kitakatifu. Wene yeyo ndakagagasizi niimbura lwa nagave ni lienya.

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.