Litanga 6:2 - KITABU KITAKATIFU

² Vilala ku virombe viu mwigulu vialola ndi avakaana yavo vaali valahi viligondo lilahi ligali, kunangwa vaavugura yavo avavayaanzaa.

Litanga 6:2 Iomraidhean Croise

Litanga 12:11

Lwa yaali naveeye ahimbi kuduuka Egebeti, yavolera Sarai mukali weve, “Ivi oveeye mukali wi ligondo lilahi ligali.

Litanga 24:3

Nyenya wisuhi ku Yahova, Nyasaye wu mwigulu kandi wi lirova, ndi si ulatovolera muyaayi wange mukali kutura mu vakana va Kanaani ava inzi menyaa hagati haavo mba.

Litanga 26:35

Vaakora limenya lia Isaka na Rabeka kuva lio vovereri.

Litanga 27:46

Rabeka yavolera Isaka, “Inzi mbihirirwa na vakali avageni vi kivala cha Hiti. Niiva Yakobo alaleeta mukali mulala ku vakali yava, vwakaveeye vulahi inzi kukuza.”

Litanga 3:6

Kunangwa lwu mukali yalora ndi makuyu gu musaala yigu gaali amalahi gu kulia, kandi gaali gwu kumuyanziza, kandi musaala gwaali gwokokola mundu kuva mugeri, yavugula ku makuyu gu musaala yigu ma nalia. Kandi yavugula makuyu gandi naha musaza weve, kandi naye nalia.

Litanga 4:26

Sezu yivula mwana muyaayi na yamugulika lieta lilie Enosi. Kutura ing'inga yene yeyo, avandu vatanga lisigamira lieta litakatifu lia Yahova.

Litanga 6:1

Lwa avandu vameedeka ku lirova, viivula kandi avana vakana.

Litanga 6:3

Maku Yahova yavoola, “Inzi si ndavugilira avandu komenya mihiga ni mihiga mba kigira vaveeye vandu vakuza. Kutura kalunu si valahindira kuvita mihiga 120 mba.”

2 Samweli 11:2

Lidiku lilala hamugorova ligali, Daudi yavuka kutura mu lisosa lilie nazia kwigulu kwi inyumba yu vwami. Lwa yaali nagenda igulu wene yeyo, yalora mukali niyisinga. Mukali oyo yaali wi ligondo lilahi ligali.

Ezara 9:12

Vaakovolera kuvuli kuhaana vakana viitu ku vayaayi vi zihiiri zindi kuva vakali vaavo, anoho kuvuli kuvugura vakana vaavo kuva vakali va vayaayi viitu. Vaakovolera kuvuli kwenya mirembe jukuvugilizana kutura kuvo, kunangwa kuduuki kuva ni zinguru kandi kuduuki konyoora ivindu vilahi mu kivala yiki; kandi vakovolera kuvuli kuva imiandu ku visukululwi vietu mihiga ni mihiga.

Ayubu 1:6

Lwa lidiku liaduuka lie zingelosi va Nyasaye vazia kwimanyia imbiri wa Yahova, Setani naye kandi yazia harara navo.

Ayubu 31:1

Inzi mali kolomba lilagana ndi, sindaheenza mukaana nu kumwegomba mba.

Kutwula 34:16

Avayaayi vinyu vanyara koleta avakali vageni, avanyala kuvakola vavuli kuva avasuuvirifu ku Inzi, kandi vasigamiri avanyasaye vaavo.

Isaya 63:16

Ivi oveeye baba wiitu. Avaguuga viitu, Aburahamu na Yakobo, sivavugilira kunyi mba, navuzwa ivi, Yahova, oveeye baba wiitu kandi muhonyi wiitu, kutura kale.

Malaki 2:11

Avandu vi Ivuyuda vamali kuvunaga lilagana lia Nyasaye kandi vakora vudamanu ligali mu Jerusalemi kandi mu kivala choosi. Vayonogonyia litembeli lia Yahova ya yaanza. Avasaza valeta vakali vasigamira vanyasaye avageni.

Malaki 2:15

Nyasaye yalomba munyi vosi kuva muviri mulala kandi Roho mulala. Lienya lilie liali ndi muduuki konyoora avana vaveeye vandu va giligali va Nyasaye. Kunangwa mulole ndi mutavunaga lilagana lienyu na vakali vienyu mba. Vuli mundu agumili lilagana lilie nu mukali weve.

1 Vakorintho 7:39

Mukali waletwa siaveeye muvoholore kuzia lukali lundi ing'inga yoosi yu musaza weve aveeye mwoyo mba. Navuzwa niiva musaza weve alakuza, aveeye muvoholore koleetwa nu musaza wundi woosi wu mwene ayaanza; navuzwa niiva musaza zana aveeye Mukristayo

2 Vakorintho 6:18

Inzi ndava Baba winyu, namunyi mulava avana vange, avayaayi na vakana.” Mwami Wanyala Viosi avoora.

Kwidzulitsa 14:1

“Munyi muveeye avandu va Yahova Nyasaye winyu. Kunangwa lwa musiomeraa avakuzu, mutisalaga miviri jinyu aveene anoho kovega amasu imbiri wi mitwi jinyu kuli avandu vandi vakora mba.

2 Petro 2:14

Sivenyaa vaheenze ku kindu kindi mba, navuzwa avakali vaheyi venyine; kandi liegamba liavo ku likora uvwoni siliveeye ne keheri mba. Vagoonya nu kwimilira avandu vadedekere kwingira mu mutego gwu uvwoni. Imioyo jaavo jaanalizwa kuva mu vuhuvaali. Nyasaye yavalaama!

1 Yohana 2:16

Vindu viosi viveeye vielirova, viveeye liiva liu muviri likayirwa ne zimoni kandi liegingira lie livamwoyo sivitulaa ku Baba mba navuzwa viveeye vie lirova.