Litanga 6:18 - KITABU KITAKATIFU

¹⁸ navuzwa inzi ndakalombe lilagana na ivi. Kandi ulakazie muliato nu mukali woovo, navayayi vovo kandi navakari vaavo.

Litanga 6:18 Iomraidhean Croise

Litanga 17:21

Navuzwa inzi ndalinda lilagana liange nu muyaayi woovo Isaka, uwa Sara alakivuli mu ing'inga kuli yinu muhiga guzaa.”

Litanga 17:4

“Inzi nombaa lilagana yili nivi: Ndagaa ndi ivi ulakave guuga wi zihiiri zinyingi.

Litanga 17:7

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

Litanga 7:1

Maku Yahova yavolera Nuhu, “Zia mu Liato harara na vandu vinyumba yooyo vosi, kigira mali kolola ndi ivi oveeye mundu mulungi imbiri wange hagati hi likula yili.

Litanga 7:13

Ku lidiku liene yilio, Nuhu harara nu mukali weve kandi avana veve vavaga: Shemu, Hamu na Jafeza harara na vakali vaavo, viingira mu liato.

Litanga 7:7

Nuhu harara nu mukali weve, harara na vana veve na vakali vaavo, viingira mu liato vaduuki kohononoka ku migelera ja mazi.

Isaya 26:20

Avandu vange, muzie mu zinyumba zienyu, kandi muhaane viliango. Mwivisi ku ing'inga engekeeke kuduuka lwu vutima vwa Nyasaye vovomboloka.

Vahebraina 11:7

Kigira lisuuvira, Nyasaye yiganihiza Nuhu kumakuva gi vindu viza kwekoleka via yaali sianyala kolola mba. Yahulira Nyasaye, ma nalomba liato aduuki kwehonyia harara na vandu vinyumba yeeye; kutura ku gene yago, avilirova vakalagirwa, na Nuhu yanyoora kutura ku Nyasaye uvulungi vuzaa kolondekana ni lisuuvira.

1 Petro 3:20

Yiji jaali mioyo ja yavo avaavura kuhulira Nyasaye lwa yalindilira mu vwikuziri mu madiku ga Nuhu yaali ni yumbaka liato lilie. Avandu munane mu liato venyine nivo avaahona kutura ku likuza lia amazi.

2 Petro 2:5

Nyasaye siyavererera avilirova va kale, navuzwa yaleeta amazi amanene ku vandu vatamanyi avaavura kumutia Nyasaye, navuzwa yahonyia Nuhu, umwilwazi vulungi na vandu vandi saba.