Litanga 48:4 - KITABU KITAKATIFU

⁴ Yambolera, ‘Inzi ndakuha lwivulu lwa vana vanyingi, kunangwa visukululwi vivio navive zihiiri zinyingi. Ndahaana kivala yiki ku visukululwi vivio keve miandu jaavo mihiga ni mihiga.’ ”

Litanga 48:4 Iomraidhean Croise

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 17:13

Vuli mulala kuduuka akevwe, kandi yiki kilava kelolero chu muviri kumanyia ndi lilagana liange ni munyi liveeye limihiga ni mihiga.

Litanga 17:6

Inzi ndakuha visukululwi vinyingi, kandi valala kuvo valakave avami. Ivi ulakave ni visukululwi vinyingi kandi mu madiku gaaza valakave zihiiri.

Litanga 17:8

Inzi ndakakohe harara nivisukululwi vivio kivala yiki cha oveeye mu mugeni. Kivala choosi cha Kanaani kilakave chi visukululwi vivio mihiga ni mihiga, kandi inzi ndakave Nyasaye wavo.”

Litanga 22:17

Inzi ndagaa ndi ndakakohe visukululwi vinyingi kuli zing'ereng'ani ziu muligulu anoho muyeke gwu kunyanza. Visukululwi vivio vilakaguuti nukuvugula miandu ja madaala ga vasigu vaavo.

Litanga 26:4

Ndakuha visukululwi vinyingi kuli zing'ereng'ani ziu mwigulu, kandi ndakavahe kivala yiki choosi. Zihiiri ziosi zilakateeve inzi kuzigasiza kuli mali kugasiza visukululwi vivio.

Litanga 28:3

Nyasaye Wuvunyali ayaanze akugasizi kandi wivuli avana vanyingi, kunangwa uduuki kuva baba wi zihiiri zinyingi!

Litanga 32:12

Wizulizi ndi, ivi walaga ulakola vuli kindu choosi kuva kilahi ku inzi. Kandi walaga ulangola kuva baba wi visukululwi vinyingi ligali, kuli muyeke gwu munyanza kali gutanyala kuvalizwa mba.”

Litanga 35:11

Nyasaye yavolera Yakobo, “Inzi mbeeye Nyasaye Wuvunyali; ove nu lwivulu lunyingi. Zihiiri zilanyooleka kutura ku ivi, kandi avami valanyooleka kutura ku ivi.

Litanga 46:3

Yavoola, “Inzi mbeeye Nyasaye, Nyasaye wa baba woovo. Utatia kuzia Egebeti mba. Inzi ndakalombe kisukururwi chicho kuva ihiiri enene wene yeyo.

Litanga 47:27

Avandu va Isiraeli vamenya mu Egebeti mukivala cha Gosheni uwa vamanya nivagwa avatugi kandi nivanyoora avana vanyingi.

Zaburi 127:3

Avana vaveeye kihanwa kutura ku Yahova; vaveeye ligasizwa lieligali.

Kutwula 1:11

Kunangwa vandu va Egebeti vaviika vimiliri valulu kusaliriza vandu va Isiraeli ni miyinzi midinyu. Avandu va Isiraeli vumbakira Mwami amadara manene ga Pitihomu na Ramesesi gatumiki kuli havundu hi videera vwu mwami.

Kutwula 1:7

Navuzwa vandu va Isiraeli viivulana nivagwa avanyingi ligali, kandi vizingulu ligali ma niviizura mu kivala cha Egebeti.

Ezekieli 37:25

Valakamenye mu kivala cha ndahaana ku mutumikiri wange Yakobo, kivala cha vaguuga vaavo vamenyamu. Valakamenyeyo mihiga ni mihiga harara na vana vaavo kandi ni visukululwi viavo viosi. Mwami kuli mutumikiri wange Daudi alakavamiihi mihiga ni mihiga.

Kyavalevi 26:9

Ndamugasiza kandi ndamuha avana avanyingi. Ndasingiliza nokudinyiliza lilagana liange lia ndalomba nimunyi.

Kwidzulitsa 32:8

Oveeye Igulu Ligali kuvita yahaana zihiiri milimi jaavo. Yavukanyia avandu vosi, yavavikira zinzako ziavo kolondekana nilivaliza lia avandu va Isiraeli.