Litanga 47:22 - KITABU KITAKATIFU

²² Milimi ja yavula kugulizwa; gwaali gwavasaalisi. Sivali vanyara kuguliza milimi jaavo mba kigira mwami yavavugilira komenya mu.

Litanga 47:22 Iomraidhean Croise

Litanga 14:18

Melikizedeki, uwaali mwami wa Salemi kandi musaalisi wa Nyasaye oveeye igulu ligali, yaleetera Aburamu mugadi kandi iwaini.

Litanga 41:45

Mwami yagulika Josefu lieta lia Vaegebeti Zafenazi Panea, kandi yaamuserera mukali walangwaa Asenazi, mukaana wa Potifera, musaalisi mu lidaala lia Heliopolisi. Kunangwa Josefu yagenda mukivala choosi cha Egebeti.

Litanga 41:50

Imbiri wi mihiga ji inzara jaali nijikiri kuduuka, Josefu yivula vayaayi vaviri nu mukali weve Asenazi, mukaana wa Potifera, musaalisi wi lidaala lia Heliopolisi.

Litanga 47:21

Josefu yakola avandu vosi va Egebeti kuva avatugwa.

Litanga 47:23

Josefu yavolera avandu, “Heenzi, inzi mali kugura munyi ni milimi jiinyu kuva ju mwami. Vuguza mbuvu mutage mumilimi.

Litanga 47:26

Kunangwa Josefu yaalikola ligwa lilaga mukivala cha Egebeti ndi kidieli kilala kutura ku vitano chi ligesa kilava chu mwami. Lilaga yili likili nizinguru kuduuka kalunu. Milimi ja vasaalisi jeng'ine nijo javuula kugwa imiandu ju mwami mba.

2 Samweli 8:18

Benaia muyaayi wa Jehoyada yaali musingiliri wa vakerezi na vaperezi, na avayaayi va Daudi vaali avasaalisi.

Ezara 7:24

Munyi simuveeye nuvunyari kosolola vusuuru vwosi kutura ku avasaalisi, avandu va Levi, avimbi vi zinyimbu, avalindi viviliango, avayinziri vumu Litembeli anoho umundu woosi oveeye ahimbi ku Litembeli yili mba.

Nehemia 13:10

Kandi ndamanya ndi avimbi vu Mulitembeli na va Levi vandi vaali nivatuli Jerusalemi, kandi nivirani mu milimi jaavo, kigira avandu sivali nivahevwa iviukulia vivaduuka mba.

Matayo 10:10

Mutaginga umusigo gwu kusaavira mu ku logendo lwinyu, anoho amakooti gaviri, ivilato, anoho imbimbu mba. Kigira kuduuka umuyinziri anyoore ivia adukanaa atumikiri.

1 Vakorintho 9:13

Suuviraa mwamanya ndi vandu vayinziraa mu Litembeli vanyoola viukulia viavo kutura mu Litembeli; Kandi yavo avatumikaa kuhaana visiuviliru ku vwali vanyoola kidieli chavo kutura ku visiuviliru zana.

Vagalatia 6:6

Mundu wigizwa likuva liu Vukristayo kuduuka asaange ku vindu viosi vilahi viaveeye navio nu mwigizi weve.

Kwidzulitsa 12:19

Muhenze vulahi ligali, gase mulaleka vandu vinyumba ya Levi mu madiku goosi ga mumenya mu kivala chienyu.

2 Vatesalonike 3:10

Lwa kwaali harara ni munyi, kwamenya ni kumuvolera ndi uyu utayinzira, atavugilirwa kulia ichukulia mba.