Litanga 47:19 - KITABU KITAKATIFU

¹⁹ Utaleka kukuzi mba. Okole ku kindu! Utaleka milimi jiitu jitigale miere mba. Uguli kunyi ni kivala chiitu kigira viukulia. Kunyi kulava avatugwa vu mwami, kandi alavugula kivala chiitu. Okohe vuswage kandi vuguza kutage mumilimi jiitu kunangwa kove mwoyo.”

Litanga 47:19 Iomraidhean Croise

Litanga 41:36

Viukulia yivi vilaviikwa halovega mukivala cha Egebeti mu ing'inga yi mihiga gi inzara enene yiza mukivala. Mu likora ndio, avandu si valakadivi kigira inzara mba.”

Litanga 47:15

Lwa mabese goosi mu Egebeti na Kanaani gaatumika, avandu va Egebeti vaza ku Josefu nivavoora, “Okohe viukulia! Utaleka kukuzi mba. Okoleku kindu! Mabese giitu goosi gafeeye.”

Litanga 47:18

Muhiga gwalondaku vaza kuye nivavoora, “Mwami, kunyi si kulakuvisa makuva mba, mabese giitu goosi gaatumika kandi mitugu jiitu ni jijo. Kindu kivulaho chakukuha nitali miviri jiitu kandi ni milimi jiitu.

Litanga 47:20

Josefu yaagula mwami kivala choosi cha Egebeti. Vuli umundu wa Egebeti yanigwa kuguliza mulimi gwigwe kigira inzara yaali inyingi muno. Kivala choosi chaagwa imiandu ju mwami.

Ayubu 2:4

Setani yativura, “Ligodo ku ligodo! Mundu alahaana viosi via aveeye navio kunangwa aduuki kohonyia livamwoyo lilie umwene.

Lisyoma lya Jeremia 1:11

Avandu vosi vi lidaala linene vakenya lwa venya chukulia, chukulia, vakenyanga, vakiranyaa mavikiru gaavo kigira viukulia, kunangwa vaduuki kuva mwoyo. Avandu va Jerusalemi vavoola, “O, Yahova, henza ku kunyi, kigira kumali kolegerizwa.”

Lisyoma lya Jeremia 5:6

Kuziiza kusava avandu va Egebeti na vandu va Siria, okonyora chukulia kidukiru ku kove mwoyo.

Lisyoma lya Jeremia 5:9

Aviiti vavoyavoya muligendanyama; koveeye muvuhimwa lwa kwenya chukulia.

Matayo 16:26

Mundu alanyoola vukala ki niiva alavugula uvutugi vwosi vwi lirova, navuzwa agotizi livamwoyo lilie? Anoho, umundu alahaana ki keve mu uvwiyangu vwi livamwoyo lilie?