Litanga 47:13 - KITABU KITAKATIFU

¹³ Inzara yaali inyingi muno kali viukulia siviali ku havundu hoosi mba, kandi avandu va Egebeti na Kanaani vaali avang'aha kigira inzara.

Litanga 47:13 Iomraidhean Croise

Litanga 41:36

Viukulia yivi vilaviikwa halovega mukivala cha Egebeti mu ing'inga yi mihiga gi inzara enene yiza mukivala. Mu likora ndio, avandu si valakadivi kigira inzara mba.”

1 Avami 18:5

Ahabu yavolera Obadia, “Genda kuzie kohenza ha vuli kidaho mu vuli lwaalo lwu mugera mu kivala kinu kolole niiva kunyala konyoora vunyasi vuduukira kulihiza zibarasi nizisukiri mbula zilava mwoyo, mbula kuvulikwita ndala ku zinyama zietu.”

Jeremia 9:12

Inzi ndaateva, “Yahova, kigira ki kivala chasambwa kandi chayumba kuli changalangwi, kunangwa umundu kali mulala sianyala kuvitiramu mba? Nivwaha oveeye umugeri kumanyiriza yaga? Nivwaha wawavoolera yaga kunangwa aduuki kovoolera avandi?”

Lisyoma lya Jeremia 4:9

Yavo aviitirwa mu vulwani vaali vulahi ligali kuvita yavo avakuza kigira inzara; vaang'aha kandi nivakuza kigira si vaali ni viukulia kutura mu mulimi mba.

Vikolwa 7:11

“Maku inzara yaali mu kivala cha Egebeti choosi kandi mu Kanaani. Inzara yiyi yaleeta uvusaliri vonene ligali. Avauuga viitu si vaali vanyara konyoora chukulia choosi mba.