Litanga 46:3 - KITABU KITAKATIFU

³ Yavoola, “Inzi mbeeye Nyasaye, Nyasaye wa baba woovo. Utatia kuzia Egebeti mba. Inzi ndakalombe kisukururwi chicho kuva ihiiri enene wene yeyo.

Litanga 46:3 Iomraidhean Croise

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Litanga 15:13

Maku Yahova yavolera Aburamu, “Visukululwi vivio vilava vigeni mu kivala kegeni; vilava vatumwa wene yeyo kandi viladambizwa ku mihiga 400.

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 18:18

Visukululwi vivie vilakave ihiiri enene kandi yi zinguru. Kuvitira muye, inzi ndakagasizi zihiiri ziosi.

Litanga 22:17

Inzi ndagaa ndi ndakakohe visukululwi vinyingi kuli zing'ereng'ani ziu muligulu anoho muyeke gwu kunyanza. Visukululwi vivio vilakaguuti nukuvugula miandu ja madaala ga vasigu vaavo.

Litanga 35:11

Nyasaye yavolera Yakobo, “Inzi mbeeye Nyasaye Wuvunyali; ove nu lwivulu lunyingi. Zihiiri zilanyooleka kutura ku ivi, kandi avami valanyooleka kutura ku ivi.

Litanga 47:27

Avandu va Isiraeli vamenya mu Egebeti mukivala cha Gosheni uwa vamanya nivagwa avatugi kandi nivanyoora avana vanyingi.

Litanga 48:16

Engelosi yasoola kutura ku vudamanu vwosi, yaanza uvagaasizi! Lieta liange harara na mita ga vaguuga vange, Aburahamu na Isaka gagulikwi avayaayi yava! Vave ni zinzivulu zia vana vanyingi kandi visukululwi vinyingi!”

Litanga 48:19

Navuzwa baba weve yasura navoora, “Muyaayi wange, inzi manyia ichangola. Visukululwi via Manase vilakave zihiiri zinyingi ligali. Efuraimu amwavo weve mukekeeke alakave munene kuye na visukululwi vivie vilakave zihiiri zinene ligali.”

Kutwula 1:12

Navuzwa kali niiva vandu va Egebeti vameeda kudambiza vandu va Isiraeli, nilwo lwa vandu va Isiraeli vameedeka kuva vanyingi mu kivala. Kunangwa vandu va Egebeti vaatia vandu va Isiraeli ligali.

Kutwula 14:13

Musa yavativulira navoora, “Mutatia mba! Musingiri vudinyu, na mulalora icha Yahova akolaa kumuhonyia: lidiku linu simulalola vandu va Egebeti yava kandi mba.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Jeremia 40:9

Gedalia yavavolera, “Inzi muvooleraa ndi, ikivuni kivulaho kigira mutie kwihana ku avandu va Babiloni mba. Mumenye mukivala yiki, mutumikiri mwami wa Babiloni na goosi galava malahi ku munyi.

Vikolwa 27:24

Yamboleeye, ‘Paolo, utatia mba! Gakuduukiraa kusingira imbiri wa Kaisari; kandi Nyasaye, mu vulahi vwivwe ku ivi, umali kukuha yava vosi oveeye harara navo uvahonyie.’

Vikolwa 7:17

“Lwi ing'inga yaduuka, Nyasaye aduukizi lilagana lia yalagana na Aburahamu, livaliza lia avandu vaali mu Egebeti liali ni limali komeedeka ligali.

Kwidzulitsa 1:10

Yahova Nyasaye winyu umali kokora munyi kuva avanyingi. Kalunu mumali kuva avanyingi ligali kuli zing'ereng'ani ziu mwigulu.

Kwidzulitsa 10:22

Lwa avaguuga vinyu vazia Egebeti, vaali vuzwa avandu sabwini. Navuzwa kalunu, Yahova Nyasaye winyu yamukola kuva avanyingi kuli zing'ereng'ani mu vwerefu.

Kwidzulitsa 26:5

Kunangwa imbiri wa Yahova mulavoola makuva yaga, ‘Guuga wiitu yaali mugendagendi vuzwa, uwahila vandu vinyumba yeeye Egebeti vamenye yo. Vaali vakekeeke lwa vazia yo, navuzwa vaagwa ihiiri enene kandi yi zinguru ligali.