Litanga 41:8 - KITABU KITAKATIFU

⁸ Mugambazuri Lidiku lialondaku, mwami yahenda mwoyo. Kunangwa yatumana avakumu vosi kandi vandu vovogeri vosi kutura Egebeti. Yavavolera maloto geege, navuzwa si yaali ho kali mulala waali anyala kwivaalira mwami kivuni cha maloto yaga mba.

Litanga 41:8 Iomraidhean Croise

Litanga 40:6

Lwa Josefu yaazaa kuvo mu zisa zia mugamba, yanyoora nivaveeye ni no vovereri.

Litanga 40:8

Vamuvolera, “Vuli mulala ku kunyi yaali na maloto, na si aveeyeho mundu unyala kwivaala kivuni cha maloto yaga mba.” Josefu yavoola, “Nyasaye niyie ololekizaa kivuni cha maloto, mboleri maloto ginyu.”

Litanga 41:15

Mwami yavolera Josefu, “Inzi mali kolota maloto, na siaveeye ho nu mundu kali mulala unyala kwivaala maloto yaga mba. Mali kuhulira ndi ivi unyala kwivaala kivuni cha maloto yaga.”

Litanga 41:24

Viangala viali ving'erere, viamira viangala viali vikomeru. Ndalanga avakumu vosi kandi vandu vovogeri vosi kutura mukivala cha Egebeti, nimbavolera maloto yaga, navuzwa si yaliho kali mulala waali anyala kunzivaalira kivuni cha maloto yaga mba.”

Litanga 41:7

Viangala viali ving'erere viamira viangala viali vikomeru. Hene yaho, mwami yavuka kutura mu zindolo, na yamanya ndi yaali mu maloto.

Zaburi 25:14

Yahova aveeye mulina wa yavo avamuhulira; kandi adinyirizaa lilagana lilie navo.

Kutwula 7:11

Maku mwami yalanga avandu veve avageri na vasigitiri. Kandi navo vaakora kindu kilala chere.

Kutwula 7:22

Maku vakumu vu Mwami vaakora malala mere ku vukumu, vwavo nu Mwami yaali mudinyu kuli kazozo. Kuli Yahova yaali navooye, Mwami yasura kuhulira Musa na Haruni.

Kutwula 8:7

Navuzwa vakumu vaakora vukumu kuli ndio kandi vatuliza amakere ku kivala.

Kutwula 9:11

Avakumu sivali vanyara kololeka imbiri wa Musa mba, kigira amavimba gaali nigavamaliyi kuli vandu va Egebeti vandi.

Isaya 19:3

Ndagoyanyia lilohiza lia vandu va Egebeti, kandi ndononyia amakuva gaavo. Valazia kwenya ovokonyi kutura ku vifananyi viavo, kandi valazia ku valaguli na vakumu kwenya zing'anagani kutura ku vakuzu.

Isaya 29:14

Kunangwa ndagosa avandu yava na maduywa galondekanaa vugira yavo kumanya. Yavo avaveeye vageri valagirung'ana kuva avasiru, na ovogeri vwavo vwosi vulava uvutakoonya kindu kali hakuzu.”

Isaya 8:19

Navuzwa avandu valakovolera oteeve amakuva kutura ku vasigitiri, na valaguli kandi visohoro ni viganda. Valavoora, “Kali ndio avandu gavadukiraa vateeve amakuva kutura ku miroho midamanu kandi veenye zing'anagani kutura ku vakuzu muvogono vwayavo avaveeye mwoyo.”

Danyeli 1:20

Ku makuva goosi gu mwami yateeva, anoho vudinyu vwosi vwu mwami yaleeta, avayaayi vane yava vamanya haali 10 kuvita muvuuli anoho mukumu wundi woosi munyumba yeeye yu vwami vwosi.

Danyeli 4:18

Mwami Nebukadineza yavoola, “Yaga nigo maloto ga ndalora. Kalunu Beliteshaza mbolera cha maloto yaga gavoora avulaho kali mulala ku vageri vuluyali vange waali unyala kombolera mba, navuzwa yivi unyala kombolera kigira Roho gwa vayasaye vatakatifu vaveeye mu ivi.”

Danyeli 4:19

Maku Danieli, walangwa Beliteshaza yaali niligenya kandi siyavoola kindu mba. Mwami yavoola “Beliteshaza utaleka maloto ni livaala lia go gakogenyie mba.” Beliteshaza yamutivulira, “Mwami wange vwakaveeye vulahi maloto yaga ni livaala liago gave ku vasigu vovo vakudunyira.

Danyeli 4:5

Navuzwa ndaali na maloto gu kutihiza kandi ndaalora malola gu kutihiza ligali lwa ndaali ning'onaa.

Danyeli 4:6

Ndaalanga vahaani vi zing'anagani vosi vu vwamihi mu Babiloni valetwe imbiri wange kunangwa vaduuki kombolera cha maloto yaga gavoora.

Danyeli 4:7

Maku vasigitiri, valaguli, valogi harara na vageri vi zing'ereng'ani vosi valetwa kandi nimbavolera maloto gene yago, navuzwa si vaali vanyara kunzivaalira mba.

Danyeli 5:11

Aveeye ho nu mundu mu vwamihi vuvwo oveeye na roho gwa vanyasaye. Lwa baba woovo yaali mwami, mundu uyu ya muha ovogeri, limanya kandi vogeri kuli vwa Nyasaye. Mwami Nebukadineza yamukola kuva munene wa valoli, avakumu, avalogi kandi avageri vi zing'ereng'ani.

Danyeli 7:28

Yiki nicho keheri cha makuva ga ndang'oda. Ndaali nu vuti vonene, kali ligondo liange liagirung'ana, kandi ndaviika makuva yaga mu mwoyo gwange.

Danyeli 8:27

Ndaaluha ligali kandi nindwala ku madiku manyingi. Maku ndasingira ninzirana ku miyinzi ju mwami, navuzwa ndagenya kigira malola yaga; kandi si ndagamanya mba.

Kyavalevi 19:31

“Mutateevi zing'anagani kutura ku avandu vaveeye nilihambana na roho midamanu ja vakuzu mba. Niiva mulakola ndio, mulava vadamanu kolondekana ni miima. Inzi mbeeye Yahova winyu.

Kyavalevi 20:6

“Niiva mundu agirung'ana nu kuzia kwenya zing'anagani kutura ku avakumu, Inzi ndagirung'ana kuva musigu weve, na sindamuvaliza kuva mulala ku avandu vange kandi mba.

Habakuk 3:16

Lwa mbulira yaga goosi, ndegeraa ligali, minwa jange jidegeraa nu vuti. Muviri gwange gwatanga kuguunda kandi ndikigitara vilenge viange. Ndaalindilira galaha ku ing'inga iduuki, lwa Nyasaye ahaanaa mageri ku vandu vakwingilira.

Matayo 2:1

Ing'inga Yeso yiivulwa mu lidaala lia Bezelehemu, mu kivala chi Vuyuda, mu madiku ga Herodi yaali mwami, henza, avageri avukutunyiriza zing'ereng'ani vaatura Ivugwi, ni vaduuka Jerusalemi.

Vikolwa 17:18

Avalala ku vigizi vageri va Epikura na vigizi va Sitoiki, vahangalizana naye. Avalala vavoola, “Mudemanyi uyu yenya kovora ki?” Kigira Paolo yaali niyilwaza amakuva ga Yeso na gi lisimuguka, avandi vavoola, “Aveeye kuli wilwazaa makuva ga avanyasaye avageni.”

Vikolwa 7:22

Musa yigizwa amakuva goosi govogeri vwa vandu va Egebeti, kandi yaali wi zinguru mu litivula lilie kandi mu vikolwa vivie.

1 Vakorintho 1:19

Amang'oda Matakatifu gavoora, “Ndadiviza ovogeri vwa vageri, kandi ndaviika halovega limanyiriza lia yavo vi lisoma linyingi.”

1 Samweli 6:2

Avafilisitia valanga avasaalisi na vasigitiri nivavateeva, “Kulakola ki ni Lisandugu lie Lilagana lia Yahova? Niiva kulalituma lirane havundu ha lialange, kulaliiranyia naki?”