Litanga 41:42 - KITABU KITAKATIFU

⁴² Maku mwami yaatuliza imingiri yu muhuri kutura ku kedete chiche, ma naviika ku kedete cha Josefu. Yamuvika zinguvu zindahi zie katani; Kandi yamuvika munyororo gwi zahabu mwigoti mwimwe.

Litanga 41:42 Iomraidhean Croise

Litanga 38:18

Yateva, “Inzi nyara kukuha kindiki cha ngumira?” Yativura, “Imingiri numuhuri kandi nimbimbu eveeye mu mukono gugwo.” Yamanya nahaana vindu viene yivi. Maku yaali harara naye ma naavereka.

Litanga 41:43

Yamuvika ku ligare lilie lia kaviri lio vwami. Avasikari vuluyali vagenda imbiri weve, vahanzuka nivavoora, “Lungikizi inzira! Lungikizi inzira!” Kunangwa mwami yatovola Josefu kuva mwamihi wi kivala choosi cha Egebeti.

Esther 10:3

Modekai Umuyuda, yaali wu kutanga mu vwamihi vwu mwami Ahasuero. Yaali wu luyali kandi ya yaanzwa ligali na Avayuda vache. Yakola miyinzi kwenyeleriza uvugasu vwa avandu veve kandi yenyeleriza nokoleta mirembe ku avandu veve vosi harara ni visukululwi viavo viosi.

Esther 3:10

Umwami yaatuliza imingiri yeeye ku kedete, iyaatumikirwa kuli umuhuri kumanyia ndi amang'oda yago gaveeye nu vunyali vwivwe, nagihaana ku Hamani, muyaayi wa Hamedaza, kisukururwi cha Agagi uwaali umusigu wa Avayuda.

Esther 3:12

Maku lidiku lia komi na tatu liu mweli gwukutanga, Hamani yalanga avang'odi vu mwami kandi nasoma lilaga yili ligirung'anywi mu vuli lulimi lwa avandu kolondekana ni lilohiza lia mang'oda agatumikaa mu vwamihi nukutumwa ku avamihi vosi lilandizu lielilaga liu mwami yili liatulizwa mu lieta liu mwami Ahasuero kandi niliduywa ku muhuri gwi mingiri yeeye.

Esther 8:10

Modekai yang'oda amalago yaga mu lieta liu mwami Ahasuero, kandi gaaduywa ku muhuri nimingiri yu mwami. Zibarwa ziatumwa na vatumwa vanina ku zibarasi zindahi kandi zie zimbiru ligali ziatumikaa mu vutumwa vwu mwami, iziavirukizilwa mu lugala lwu vwami lwi zibarasi zie zimbiru.

Esther 8:15

Modekai yatura munyumba yu vwami, niyiviichi zinguvu zia bulu nu vulavu, kandi nitaji enene yi zahabu ku mutwi gwigwe, harara ni inguvu yu kwigulu yikatani indahi yu muzambarao. Maku avandu vosi mu lidaala linene lia Susa vasangala ni vayaanza ligali.

Esther 8:2

Umwami yavugula imingiri yeeye yo kokedete iyaali ku nu muhuri gwigwe ya yanyaga Hamani ma naha Modekai. Esiteri yatovola Modekai kulinda miandu jaali ja Hamani.

Esther 8:8

Navuzwa lilaga limali kulandizwa mu lieta liu mwami nu kuduywa ku umuhuri gwu vwami, silinyala kugirung'anywa mba. Nitali, munyala kung'odera Avayuda goosi aga mwenya mu lieta liange nu kuduya ku muhuri gwange.”

Zaburi 73:6

Ku lwa yago, vaveeye niliegingira kandi luyaayi lwavo loveeye kuli amadongolo mu magoti gaavo, kandi vaveeye ni liegingira lie kirage kuli iganza.

Tsing'ano 1:9

Amigizu gaavo galakokola ove mulahi kuli igudwa ku mutwi gugwo kandi amadongolo mu ligoti liilio gakokola kuva ni ligondo lilahi.

Tsing'ano 31:22

Alombaa zisuka zievidali nokwiviika zinguvu zindahi zie mizambarao.

Tsing'ano 31:24

Alombaa zinguvu kandi misibi, ma aziguliza ku vakiranyi.

Lwimbu lwa Solomoni 1:10

Zisaya zizio ziveeye zindahi ligali ni midindi ji liisu liilio; jayelera ku ligoti liilio kuli magina guvuguli.

Lwimbu lwa Solomoni 4:9

Uyanziza mwoyo gwange mbozo wange, mwiha wange, uyanzizi mwoyo gwange ni lihenza liezimoni zizio. Kandi munyororo mulala gwi ligina liu vuguli ogoveeye mwigoti mumwo.

Isaya 3:23

kandi ni vielolero, ni zikatani zindahi, kandi ni zinguvu zindambi zinzasasu ziavevohaa ku mitwi jaavo.

Jeremia 52:33

Kunangwa Jehoyakini yaavugilirwa kugirung'ana kutura mu zinguvu zizie ziu vuhambe kandi kuzia kulia harara nu mwami kazozo mu livamwoyo lilie liatigala liosi.

Ezekieli 27:7

Zimeri zienyu zialombwa ni zinguvu zie ikatani, mangirinya kutura Egebeti, zialoleka mukumanyikana kali nizive ihale. Zikatani zienyu zialombwa kutura ku zinguvu, zindahi, zie mizambarao kutura mu kisulu cha Saipurasi.

Danyeli 5:16

Kalunu mali kuhulira ndi ivi unyala kuhaana livaala liago kandi unyala kuvuula makuva gu muvwivisu no gokogenyia. Niiva unyala kosoma mang'oda yaga kandi uhaane livaala liago valakuviika inguvu yi rangi yu musambarao kandi vakuviiki munyororo gwi zahabu mu ligoti liilio kandi ulava mwami wa kavaga mu vwamihi.”

Danyeli 5:29

Nonoho mwami Belishaza yahaana lilago ku vatumikiri veve vaviiki Danieli inguvu yu vwami yi rangi yu musambarao, kandi nivamwavala mu ligoti lilie munyororo gwa lombwa ku izahabu. Yamukola kuva munene wa kavaga mu vwamihi.

Danyeli 5:7

Mwami yalanga mundu amuletele avakumu, avalogi kandi avageri vi zing'ereng'ani. Lwa viingira mugati, mwami yavavolera, “Mundu woosi unyala kosoma mang'oda yaga kandi umbolera cha gavoora alaviikwa iganza yi rangi yu musambarao kandi munyororo gwi zahabu guviikwi mwigoti mwimwe, kandi alava wakavaga mu vwamihi.”

Luka 15:22

Navuzwa baba weve yavolera avatumikiri veve: ‘Koli vwangu! Leeti inguvu indahi mumuviiki kandi muviiki ebede ku kedete chiche ni ivilatu mu virenge vivie.

1 Samweli 18:4

Jonazani yanavuula iganza ya yaali niyiviiki, nagihaana ku Daudi harara nisalamba yeeye kandi kali nikivavi, nuvuta kandi numusibi gwigwe.