Litanga 4:4 - KITABU KITAKATIFU

⁴ Habili yavugula kememe chu kutanga kwivulwa ku magondi geege naasinza ma navugura inyama indahi ligali nahaana ku Yahova kuli isadaka. Yahova yaavugilira kandi nayanza Habili ni sadaka yeeye,

Litanga 4:4 Iomraidhean Croise

Litanga 15:17

Lwa liuva liayera, kisundi chaliho; inyingu yu muliru gwu mwochi kandi ulumuli lwi kiyayi nonoho viavitira hagati hi vidonye vie zinyama.

Litanga 4:3

Lwa vaali ni vakamenya ku ing'inga, Kaini yavugula ku ligesa lilie ma nahaana ku Yahova kuli Isadaka.

1 Avami 18:24

Maku muleke vaporofeti va Baali vasaale ku nyasaye wavo, na inzi ndasaara ku Yahova, kandi oyo oleeta mativuli go koleta muliru, oyo niyie Nyasaye.” Avandu vahanzuka nu mwoyo munene mu livugilira makuva yago.

1 Avami 18:38

Yahova yaleeta muliru ni gusambaa kisiuviriru, zingu, magina, gwuminya malova kandi gukaminyaa mazi mu mumitalo.

1 Kyetsinyinga 21:26

Yumbakira Yahova vwali hene yaho kandi nahaanira ku vihaanwa viu kusambwa kandi vihaanwa vie mirembe. Yasaala, na Yahova yamutivulira natuma muliru kutura mwigulu ukusamba visiuviliru ku vwali.

2 Kyetsinyinga 7:1

Lwa mwami Solomoni yaali niyakamara lisaala lilie, umuliru gwiika kutura mwigulu nigusamba vihaanwa viukusambwa beyi kandi visiuviliru viali nivihaaniywi viosi; na ovong'ereng'anu vwu vukumi vwa Yahova vwizula Litembeli.

Zaburi 20:3

Avugiliri vihaanwa vivio viosi kandi aduuki kuyaanzizwa ni visiuviliru vivio viosi.

Kutwula 13:12

kuduuka muhaane vuli kindu ikisaaza chukutanga kwivulwa ku Yahova. Vuli chukutanga kwivulwa keveeye cha Yahova,

Tsing'ano 3:9

Uhaane luyali ku Yahova nu kumuhaanira kihanwa kilahi kutura kuviamo viosi viu mulimi gwugwo

Kohelethu 4:4

Maku ndaalora ndi, vuyinziri vwosi vudinyu kandi limanya lie miyinzi litulana niliegomba lie minyinzi ju mutende. Yaga goosi kandi gaveeye vuzwa kandi gaveeye vuzwa kuli kudidikana no kolonda imbuza.

Kyavalevi 9:24

Nonoho Yahova yatuma muliru kandi gwasamba kihanwa chukusambwa, ni zitinya ziali ku uvwali. Lwa vandu vosi vagolola, vahanzuka lwanga nivagwa hasi mamumama.

Livalidza 16:15

Musa yaali nu vutima na yavolera Yahova, “Utavugilira vihaanwa via vandu yava valeta mba. Inzi ngikiri kwonelaku mundu woosi kuvo mba; kali ngikiri kuvugura ku kali ndala ku zibunda ziavo mba.”

Livalidza 16:35

Maku Yahova yatuma muliru ma nigusamba vandu 250 avaari nivahaani kimuli ku vwali.

Livalidza 18:12

“Mbana kuivi vindu viosi vilahi viukutanga muligesa lia avandu va Isiraeli vahaana ku inzi vuli muhiga: amaguta ga muzeituni, iwaini kandi vuswage.

Livalidza 18:17

Navuzwa zing'ombe ziukutanga anoho amagondi ni zimburi siulilana kuvigula kandi mba. Yivi viosi viveeye viange kuduuka vihanwe kuli kisiuviriru. Uvisinzi na wuhi masahi gazio ku vwali ma usambe zitinya ziavio kuli kihanwa chi viukulia, kiveeye lifunya liu mwayu kuinzi.

Vahebraina 11:4

Kigira lisuuvira, Habili yahaana ku Nyasaye kisiuviriru kilahi kuvita cha Kaini. Kuvitira mu lisuuvira yanyoora livugilirwa lia Nyasaye kuli mundu mulungi kigira Nyasaye mwene yavugilira vihaanwa vivie. Kuvitira mu lisuuvira lilie, Habili kali niyakuza, akikiri mwoyo.

Vahebraina 9:22

Kolondekana ni Lilaga, ahimbi vindu viosi vitakaswa na masahi, kandi uvwoni vusamiifwa vuzwa niiva masahi gasunduliywi.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Vakalagi 6:21

Maku engelosi wa Yahova yavugula imbimbu nadiira esonga yayo kuviukulia zana; ulwene yilwo umuliru gwaaduka kutura mulwanda, nigusamba ivukulia zana viosi. Maku engelosi wa Yahova yamuleka vugira kumanya.

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.