Litanga 4:10 - KITABU KITAKATIFU

¹⁰ Maku Yahova yateva, “Kigira ki umali kokora kindu kidamanu yiki? Amasahi ga amwavo woovo gwaniraa ku inzi kutura kumalova kuli mwoyo gulangiliraa kutunga kisaalia.

Litanga 4:10 Iomraidhean Croise

Litanga 18:20

Maku Yahova yavoola, “Aburahamu, inzi mali kuhulira ndi avandu va Sodoma na Gomora vakolaa uvudamanu vwizing'ano ziosi.

Litanga 3:13

Maku Yahova Nyasaye yateva mukali, “Ni kindiki cha ivi umali kokora?” Mukali yativura, “Enzoka yaangada ma nindia likuyu.”

Litanga 9:5

Niiva umundu woosi aliita wundi, alakahevwe mageri. Inzi ndakahaane mageri gi likuza ku inyama yoosi iyiita umundu.

2 Avami 9:26

‘Ndoli liitwa lia Nabozi na vayaayi veve mugolova, na ligali ngusuuvirizaa ndi ndakoheera amageri hano mu mulimi mulala mwere yigu.’ Kunangwa vugula muviri gwa Joramu, na ugusiuvi mu mulimi gwaali gwa Nabozi, kunangwa lisuuviriza lia Yahova liduuki kuduukizwa.”

2 Kyetsinyinga 28:9

Haali ho nu muporofeti wa Yahova, uwalangwa Odedi wamenyaa mu lidaala linene lia Samaria. Yagana ni liihi lia Isiraeli liali nivirana na vahambe kutura Ivuyuda lwa vaali nivaveeye ahimbi kwingira mu lidaala linene ma navavoolera, “Yahova Nyasaye wa vaguuga vinyu yavihilirwa na vandu vi Ivuyuda ma naleka munyi muvaguuti; navuzwa kalunu umali kuhulira kuli munyi mu vasinzi mu vutima vonene vugira livelererwa, kali yaga goosi gaduuki mwigulu.

Ayubu 16:18

O, Munyi avandu vi lirova, mutavisa vudamanu vwange mba! Kandi mutaleka lianira liange lie likalaga lirungi livuli kuhulilika mba!

Ayubu 24:12

Likenya lia avandu vakuza lihulirika kutura mu lidaala linene, linene, kandi avatumitiywi vanira vokonyi navuzwa Nyasaye siahulirizaa lisaala liavo mba.

Zaburi 50:21

Munyi mwakora yaga goosi, na inzi si ndavoora kindu ku munyi mba, mwaganagana ndi inzi ndaali kuli munyi. Navuzwa kalunu, inzi mugondokeraa, kandi nu kuhaana likalaga imbiri winyu.

Zaburi 72:14

Mwami avahonyiaa kutura mu lidambizwa kandi lisalirizwa; kigira livamwoyo liavo liveeye liuvuguli vudinyu ligali imbiri weve.

Zaburi 9:12

Uyu uvanzaa kisaalia ku aviiti yizuliza yavo avadambizwa, ahaanaa mageri kuyavo avavadambizaa.

Zaburi 9:13

O, Yahova! Ombere zimbavasi, lola uvusaliri vwa avasigu vange valeta ku inzi! O, Yahova, osoore kutura mu kivi chi likuza,

Kutwula 3:7

Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Livalidza 35:33

Niiva mukoraa yaga mulonogonyia kivala cha mumenyi mu. Vulumindi vwonogonyia kivala, nihataveeyeho nelikuza liu mulumindi sihaveeye ho ninzira yindi yokokola mwima gwu kutakasa kivala hu mundu amali kwitirwa mba.

Vikolwa 5:3

Petero yamuteeva, “Anania, kigira ki oleki Setani akwamihi mu mwoyo gugwo uduuki kovoolera Roho Mutakatifu ovovehi, mu livaasa kedonye cha mabese gonyooye ku mulimi?

Vikolwa 5:9

Navuzwa Petero ya muvooleraa, “Kigira ki ivi numusaza woovo mutovooye kogeriza Roho wu Mwami? Henza! Avandu vaziyi kuyavira musaza woovo vaveeye ha kiliango, navo valakuginga nu kukuhira ichova.”

Kwidzulitsa 21:1

“Niiva mundu alanyooleka mbulimu niyitiiywi mu kivala cha Yahova Nyasaye winyu amuhezaa na kandi sigamanyikani nivwaha umwiti,

Vahebraina 11:4

Kigira lisuuvira, Habili yahaana ku Nyasaye kisiuviriru kilahi kuvita cha Kaini. Kuvitira mu lisuuvira yanyoora livugilirwa lia Nyasaye kuli mundu mulungi kigira Nyasaye mwene yavugilira vihaanwa vivie. Kuvitira mu lisuuvira lilie, Habili kali niyakuza, akikiri mwoyo.

Vahebraina 12:24

Mumali kuuza ku Yeso umuhambanyi wililagana lihia, kandi ku masahi guufa agasuuvirizaa vindu vilahi ligali kuvita masahi ga Habili.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.

Joshua 7:19

Joshua yamuvolera, “Mwana wange, mbolera agiligali, hano imbiri wa Yahova, Nyasaye wa Isiraeli, kandi wiganiri. Mbolera kalunu icha umali kokora. Utageriza kukivisa kutura ku inzi mba.”

1 Samweli 13:11

navuzwa Samweli yamuvolera, “Okoli ki?” Saolo yamutivulira, “Avandu vaali nivaanzirukaa, na ivi waali nukikiri kuuza kuli wavoola; komeeda ku agene yago, avandu va Filisitia vavunga ha Mikimashi.