Litanga 4:1 - KITABU KITAKATIFU

¹ Maku Adamu yaali harara nu mukali weve Hawa. Hawa yavereka ma niyivura mwana muyaayi, ma navoora, “Yahova amali kongonya konyoora mwana muyaayi.” Maku yamugulika lieta lilie “Kaini.”

Litanga 4:1 Iomraidhean Croise

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Litanga 3:24

Maku Yahova Nyasaye yakunga mundu kuzia ihale kutura mu mulimi gwa Edeni, yavika avakerubi ku lovega lwi ivugwi wa Edeni, kandi kivavi kehemahimaa chavodoganaa mu zimbega ziosi. Yakola ndio kwigalira mundu woosi avuli kuzia ahimbi nu musaala gwi livamwoyo.

Litanga 4:2

Lwinyima Hawa yivura kandi mwana wundi muyaayi lieta lilie Habili. Habili yaali mwayi wa magondi, na Kaini yaali umulimi.

Litanga 4:25

Adamu yaali harara nu mukali weve Hawa na viivula mwana wundi muyaayi na yamugulika lieta lilie Sezu kigira mukali weve yavoola, “Nyasaye umali kumba mwana muyaayi wundi havogono vwa Habili, uwa Kaini yita.”

Litanga 5:29

kandi yavoola, “Kutura ku lirova lia Yahova yalaama, mwana uyu alakoletera vosoosi kutura ku miyinzi jiitu midinyu.” Kunangwa yamugulika Nuhu.

Zaburi 127:3

Avana vaveeye kihanwa kutura ku Yahova; vaveeye ligasizwa lieligali.

Livalidza 31:17

Kunangwa kalunu mwiti vuli muyaayi kandi mwiti vuli mukali wagona nu mundu musaza,

1 Yohana 3:12

Kutava kuli Kaini; wasanga harara nu Mudamanu oyo, ma ni yita amwavo weve Habili. Kaini yamwita kigira ki? Yamwita kigira vikolwa vivie viali vidamanu, na via amwavo weve Habili viali vilungi.