Litanga 39:9 - KITABU KITAKATIFU

⁹ Inzi mbeeye nuvunyari munyumba yiyi kuli oyo. Si keveeye ho ni kindu choosi cha yaavisa kutura ku inzi mba, nitaveeye ivi, kigira oveeye mukali weve. Inzi nyara ndi kokora uvudamanu ovonene kuli yivu kandi ukwonera Nyasaye?”

Litanga 39:9 Iomraidhean Croise

Litanga 13:13

uwa vandu valio vaali avachamu kandi vakora uvwoni ku Yahova.

Litanga 20:3

Navuzwa Nyasaye yaloleka kuye mu maloto namuvolera, “Ivi ulakuza kigira umali kuvugura mukali uyu oveeye wu musaza wundi.”

Litanga 20:6

Maku Nyasaye yamuvolera mu maloto ndi, “Yee, Inzi manya ndi ivi wakola yaga mu vulungi vwu mwoyo gwugwo; kunangwa inzi ndaakugaya uvuli kokora uvwoni, kandi ndaakwigalira kuva harara naye.

Litanga 20:9

Maku Abimeleki yalanga Aburahamu namuteeva, “Kindiki cha ivi umali kokokolera yiki? Kindiki kidamanu cha inzi mali kokolera ivi kigira ondeeteye kivi harara nu uvwamihi vwange? Ivi ongoleeye kekolwa kitaduukana kali hakuzu.

Litanga 24:2

Yavolera mutumikiri weve muhindira, uwaali mulindi wi vindu vivie viosi, “Viika mukono gwugwo hagati ha matango gange.

Litanga 39:10

Kali niiva mukali uyu yahongera komoloma na Josefu vuli lidiku, Josefu si yenya kumuhuliriza mba, kinga si yenya kogona naye mba.

Litanga 41:40

Inzi ndakokola wamihi kivala change, kandi vandu vange vosi valatia malago googo. Navuzwa ndava munene kukuvita.

Litanga 42:18

Ku lidiku lia kavaga Josefu yavavolera, “Inzi mbeeye umundu watia Nyasaye, kandi ndamuhonyia ku kivuni kilala.

2 Samweli 11:27

Lwi ing'inga yilisioma yamalirika, Daudi yaamutumana yaaze munyumba yu vwami; yamanya naagwa mukali weve kandi namwivulira mwana muyaayi. Navuzwa Yahova siyayaanzizwa nicha Daudi yaali naakori mba.

2 Samweli 12:13

Daudi yavolera Nazani, “Mali kwonera Yahova.” Nazani yativura, “Yahova ukusamihi; si ulakuza mba.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Nehemia 6:11

Navuzwa ndamutivulira, “Inzi simbeeye mundu uwirukaa nukuzia kwivisa mba. Uganaganaa ndagerizi kohonyia livamwoyo liange ku lievisa mu Litembeli? Sindakola ndio mba!”

Ayubu 31:23

Kigira ndatia konyoora mageri kutura ku Nyasaye, sindaali nyara kokora vindu kuli yivi mba.

Zaburi 51:4

Inzi mali kukwonera ivi - ivi weng'ine. Inzi mali kokora agaveeye madamanu imbiri woovo kunangwa ivi oveeye vulungi mu likalagira inzi. Ivi ungalagira nuvulungi lwa ombezaa mageri.

Kutwula 20:14

“Mutaheya mba.

Tsing'ano 6:29

Yaga gaveeye vuzwa madamanu kuli musaza okolaa ovoheyi nu mukali wu musaza wundi. Oyo okolaa yaga, alakahevwe mageri.

Tsing'ano 6:32

Mundu okolaa ovoheyi siaveeye novogeri mba. Oyo okolaa yaga yidivizaa mwene.

Kohelethu 7:26

Ndanyoora mukali kuva mudamanu ligali kuvita likuza; vuyanzi vwaveeye navwo kuivi vulakugumila kuli mutego anaho kuli muluvu; kandi makono geege galakugumila kuli munyororo. Mundu uyanziza Nyasaye alahononoka, navuzwa alagumila mwoni.

Jeremia 28:16

Kunangwa, Yahova mwene avoora ndi, alakutuliza ku kivala muhiga gunu nigukiri kufwa, ulakuza kigira umali kovoolera vandu kwibaala ku Yahova.”

Jeremia 50:7

Vosi avavanyooraa vavingilira. Vasigu vaavo vavoola, ‘Vaakolera Yahova uvwoni, kandi ndio, agakumali kokora sigaveeye amadamanu mba. Avaguuga vaavo vaasuuvira mu Yahova, na yavo aveene ngano vaali vasuuviri muye.’

Kyavalevi 20:10

Niiva umundu aheyaa nu mukali wu mutende weve, avaheyi vombi, musaza nu mukali, kuduuka viitwi.

Kyavalevi 6:2

Niiva mundu woosi alakola uvwoni kandi avuli kuva musuuvirifu ku Yahova, mu ligaada mutende weve, kigira kindu cha yahevwa kulinda, anoho chaalekwa mu vulindi vulahi, anoho ku limwivila, anoho kudambiza mutende weve.

Livalidza 32:23

Navuzwa ni mutakola kuli mwalaga, mwiganihizaa ndi, mulava ni mukoraa vwoni ku Yahova. Mutakola vudamanu kigira yaga mba; mutahevwa mageri kigira vwoni vwinyu mba.

Luka 12:48

Navuzwa uyu uwavula kumanya aga yenyeka akole, ma akola agadukanaa lihevwa amageri, alakuywa hakekeke. Ku vosi uwahevwa vinyingi, alateevwa kuhaana vinyingi ligali. Na ku vosi uwa avandu vaheza kulinda vinyingi, kandi ndio alateevwa kuhaana vinyingi.

1 Vakorintho 4:2

Kindu kilala chenyekaa ku mutumikiri kuli uyu keveeye ndi, kuduuka ave umusuuvirifu ku munene weve.

Tito 2:10

vatiiva kutura kuvo, navuzwa vamanyie uvusuuvirifu, kunangwa vaduuki kuhaana luyali ku amigizu ga Nyasaye Muhonyi wiitu ku vindu viosi.

Vahebraina 13:4

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.

1 Yohana 3:9

Mundu woosi oveeye Mwana wa Nyasaye, sianyala kuzizagilira kokora uvwoni mba, kigira liiva lia Nyasaye limenya muye; kandi sianyala kokora uvwoni mba, kigira aveeye mwana wa Nyasaye.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.