Litanga 37:8 - KITABU KITAKATIFU

⁸ Avamwavo veve vateva, “Ivi uganagana ulava mwami ma ukwamihi?” Kunangwa vaamudunyira ligali kigira maloto geege kandi agayavoola kuvo.

Litanga 37:8 Iomraidhean Croise

Litanga 27:41

Maku Esau yaduunyira Yakobo amwavo weve, kigira baba weve yaali naamugasizi. Yaganagana ndi, “Ing'inga yu kusiomera likuza lia baba wange eveeye ahimbi; maku inzi ndakiti Yakobo.”

Litanga 37:4

Lwa avamwavo veve valora ndi baba wavo yayanza Josefu kuvavita, vaamudunyira ligali kali si vamoloma naye nu mwoyo gwu vuyanzi mba.

Litanga 37:9

Maku Josefu yaali na maloto gandi kandi navolera avamwavo veve, “Inzi ndaali na maloto gandi, na ndaalora liuva, mweli kandi zing'ereng'ani 11 niziisigamira.”

Litanga 42:10

Vaativura, “Awa mwami wiitu. Kunyi avatumikiri vovo kuzi kugura viukulia.

Litanga 44:18

Yuda yazia ku Josefu namuvolera, “Mwaza, yaanza umbugiliri molome na ivi, utava nu vutima na inzi mba. Ivi oveeye kuli mwami mwene.

Litanga 49:26

Uvugasu vwa baba woovo voveeye ovonene ligali kuvita uvugasu vwi vigulu vie mihiga ni mihiga, kandi voveeye ovonene ligali kuvita vindu tugulu twi mihiga ni mihiga. Uvugasu yivu vove ku Josefu, vove ku itaji yu mutwi gwa uyu wahulwa ku avamwavo veve.

Litanga 50:18

Maku avamwavo veve vaza ma nivasigama imbiri weve, nivavoora, “Kunyi koveeye hano imbiri woovo kuli avatugwa vovo.”

Zaburi 118:22

Ligina liavumbaki vasuura, limali gugwa ligina linene liu mukoona.

Kutwula 2:14

Mundu zana yativura, “Nivwaha wakokola kuva mwamihi nu mukalagi ku kunyi? Wenyaa kunzita kuli wita Umwegebeti?” Na Musa yatia navoora, “Ng'ani makuva yaga gamanyikani ligali.”

Luka 19:14

Navuzwa avandu veve vamudunyira mbitilira nivatuma avandu inyima weve kumulondelera ni vavoolera Mwami Munene: ‘Sikwenyi mundu uyu ave mwamihi wiitu mba.’

Luka 20:17

Yeso yavuumika ma navateeva, “Amang'oda yaga gang'odwa ku kivuni ki? ‘Ligina liavumbaki vasuura kalunu likoleywe kuva ligina linene ligali liu musingi.’

Vikolwa 7:35

“Musa uyu niyie wa avandu va Isiraeli vasuura lwa vavoola: ‘Nivwaha wakuviika ove mwimiliri kandi mukalagi wiitu?’ Kuvitira mu engelosi waloleka kuye mu kisaka chaali ni chaadukaa muliru, Nyasaye yatuma Musa uyu ave mwimiliri nu muvohololi wavo.

Kwidzulitsa 33:16

Kivala chavo chizuli vindu viosi viveeye vilahi. Ikigaasiziywi nu vugasu vulahi vwa Yahova Nyasaye uwamoloma kutura mu kisaka chaadukaa muliru. Uvugasu yivu vuduuki ku ihiiri ya Josefu. Kigira yaali mwimiliri hagati ha avamwavo veve.

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

1 Samweli 10:27

Navuzwa vandu valala avikivihiri vavoola, “Mundu uyu anyala kokokolera malahi ki?” Vachaaya Saolo kandi si vamuleetera ku kihanwa choosi mba. Navuzwa Saolo yakiring'ana.

1 Samweli 17:28

Eliabu, amwavo Daudi munene, yahulira Daudi naavoleranaa navandu. Yasinyikira Daudi ligali navoora, “Uzi hano kigira ki? Olekeeye vwaha magondi mu changalangwe? Inzi manya luyaayi lulwo kandi kuli mwoyo gugwo goveeye mudamanu; Uzi hano kolola vuzwa uvulwani.”

1 Samweli 18:8

Saolo siyayaanzilira livoora yili mba, kandi yavihilirwa ligali. Yavoola, “Ku Daudi vamutaliraa makomi gi zielefu, navuzwa ku inzi zielefu zieng'ine vuzwa. Kitigaye vuzwa na vamukole mwami.”