Litanga 37:4 - KITABU KITAKATIFU

⁴ Lwa avamwavo veve valora ndi baba wavo yayanza Josefu kuvavita, vaamudunyira ligali kali si vamoloma naye nu mwoyo gwu vuyanzi mba.

Litanga 37:4 Iomraidhean Croise

Litanga 27:41

Maku Esau yaduunyira Yakobo amwavo weve, kigira baba weve yaali naamugasizi. Yaganagana ndi, “Ing'inga yu kusiomera likuza lia baba wange eveeye ahimbi; maku inzi ndakiti Yakobo.”

Litanga 37:11

Avamwavo va Josefu vamulolera embodoka, navuzwa baba weve yaazizagilira kuganangana ku makuva yaga.

Litanga 37:5

Lidiku lilala Josefu yalota, na lwa yavolera avamwavo veve, vaamudunyira ligali.

Litanga 4:5

navuzwa yasura Kaini harara ni isadaka yeeye. Kaini yaali nu vutima uvululu ligali, kandi navihilirwa ligali.

Litanga 49:23

Avasigu veve vamwingilira nu vululu, kandi vamulondelera nukumulasa ni mivano ju vuta vwavo.

Zaburi 38:19

Avasigu vange vaveeye avalamu kandi vizingulu, vaveeye avanyingi avandunyira vugira kivuni.

Zaburi 69:4

Yavo avandunyira vugira kivuni, vaveeye avanyingi ligali kali kuvita liisu liu kumutwi gwange. Avasigu vange vavoola ovovehi ku inzi; vaveeye ni zinguru ligali kandi venya kunzita. Vamali konomba kali kwilanyia ivindu viandavula kwiva.

Jeremia 12:6

Kali avamwavo vovo, avandu vinyumba yooyo yene, vamali kukuzaama; vasanga mulingililwa liilio. Utavasuvira mba kali niiva vamoloma amakuva malahi.”

Marko 3:25

Niiva vandu vinyumba valavukana mu vidieli ivielwaanaa iviene ku viene, inyumba yeyo si inyala kuhindira mba.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

1 Yohana 2:11

Navuzwa oyo udunyiraa amwavo weve aveeye mu kisundi; vagenda mukisundi na sivamanyi wa vazizaa mba, kigira kisundi kimali kuvakola vavoku.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.

1 Yohana 3:12

Kutava kuli Kaini; wasanga harara nu Mudamanu oyo, ma ni yita amwavo weve Habili. Kaini yamwita kigira ki? Yamwita kigira vikolwa vivie viali vidamanu, na via amwavo weve Habili viali vilungi.

1 Yohana 4:20

Niiva umundu woosi avoora, “Nyanza Nyasaye,” navuzwa adunyiraa amwavo weve, aveeye mugaadi. Niiva avula kuyaanza amwavo weve wa alolaa, anyala kuyaanza ndi Nyasaye wa atalolaa?

1 Samweli 17:28

Eliabu, amwavo Daudi munene, yahulira Daudi naavoleranaa navandu. Yasinyikira Daudi ligali navoora, “Uzi hano kigira ki? Olekeeye vwaha magondi mu changalangwe? Inzi manya luyaayi lulwo kandi kuli mwoyo gugwo goveeye mudamanu; Uzi hano kolola vuzwa uvulwani.”