Litanga 37:27 - KITABU KITAKATIFU

²⁷ Leki kumugulizi ku avandu va Ishimaeli yava; maku kuvuli kumusaliriza. Kali ndio aveeye amwavo wiitu wa masahi giitu.” Avamwavo veve vavugilira.

Litanga 37:27 Iomraidhean Croise

Litanga 29:14

Labani yavoola, “Ligali ivi oveeye mwana wu mukaana wiitu kandi oveeye kuli mulala uwi ihiiri yange.” Yakobo yamenya yo mweli mulala.

Litanga 37:22

Rubeni yavoola, “Mutatahizi masahi mba, navuzwa mumusiuvi mu liliina yili mwigendanyama, navuzwa mutamusalirizi mba.” Yavoola yaga nalohiza kohonyia Josefu kutura kuvo na kumwiranyia ku baba weve.

Litanga 42:21

kandi ni vavolerana aveene ku aveene, “Yee, kalunu kusalira kigira mahiolo ga kwakolera amwavo wiitu; kunyi kwalola ikivi kenene chayalimu lwa yenya vokonyi, navuzwa si kwahulira mba. Yiki nicho kivuni kigira nikuva mu vudinyu yivu kalunu.”

Litanga 50:20

Munyi mwandohizira muvwivisu zing'anagani ziu vudamanu, navuzwa Nyasaye yazigirung'anyia kugwa uvulahi, kunangwa aduuki kohonyia avandu vanyingi kalunu kigira agekoleka.

2 Samweli 12:9

Kigira ki nuchaya amalago gange? Kigira ki nokora inguuva ndamanu yiyi? Ivi walaga Uria yiitirwi muvulwani. Waleka vandu va Amoni vamwiti; ma nuvugula mukali weve!

Nehemia 5:5

Koveeye avihiiri ndala nzere na Avayuda vache viitu. Avana viitu sivaveeye avalahi kuli avana vaavo? Navuzwa kunyi kumali kokora avana viitu avatugwa. Valala ku vakana viitu vamali kugulizwa ku muvutugwa. Sikoveeye niliekonya mba kigira milimi jietu ni milimi ja mazabibu jiitu jamala kuvugulwa na avandu vandi.”

Nehemia 5:8

Ndavavolera, “Kunyi lwa kunyaliza, kwiranyia avamwavo viitu Avayuda avaari niviguliza aveene kuvageni. Navuzwa kalunu munyi munigaa aviiko vinyu ukwiiguliza aveene ku munyi, Avayuda vache vaavo!” Aviimiliri zana vachiring'ana makiriri kigira vamanya ndi amakuva yaga gaveeye agiligali.

Kutwula 21:16

“Mundu woosi uvugura mundu wundi kuzinguru kulwu kumuguliza anoho kumukola mutugwa weve, kuduuka yiitwi.

Kutwula 21:21

Navuzwa niiva mutugwa oyo alava mwoyo ku lidiku lilala anoho gaviri, munene weve sialahevwa amageri mba. Ligotiza lie miandu jije liladuukana nilihevwa amageri.

Matayo 16:26

Mundu alanyoola vukala ki niiva alavugula uvutugi vwosi vwi lirova, navuzwa agotizi livamwoyo lilie? Anoho, umundu alahaana ki keve mu uvwiyangu vwi livamwoyo lilie?

Matayo 26:15

navateeva, “Mulaamba ki ninzaama Yeso ku munyi?” Vaamuvalizira ividonye salasini viefeza ni vamuha.

Likunula 18:13

ni viomudalasini, ni vie iliki, ni viekimuli, ni viamaguta, ni viuvubani, ni iwaini, ni via maguta, ni viuvusie uvunyuki, ni via ingano, ni viezing'ombe, ni viamagondi, ni viezibarasi, ni viamagare gu uvulwani, ni via avatugwa, ni vie mioyo ja avandu.

1 Samweli 18:17

Maku Saolo yavolera Daudi, “Mukaana wange munene Merabu aveeye hano. Ndamuhaana ku ivi kuli mukali woovo ku livugilirizana ndi undumikiri kuli musikari muluviliri kandi musuuvirifu kandi ulwaane uvulwani vwa Yahova.” Saolo yaali naganagana ndi, munzira yiyi avandu va Filisitia valiita Daudi, vugira oyo kumwita.