Litanga 35:2 - KITABU KITAKATIFU

² Kunangwa Yakobo yavolera vandu vinyumba yeeye harara na vandi voosi vaali naye, “Muleke avanyasaye avageni avamuveeye navo; mwitakase munyi aveene ma mwiviki zinguvu zi ndahi.

Litanga 35:2 Iomraidhean Croise

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Litanga 31:19

Lwa Labani yaali naziiyi kukalaga vwoya vwa magondi geege, Raheli yiva avanyasaye vi inyumba ya baba weve.

Litanga 31:30

Inzi manyi ndi wiruki kigira waali nuvuha kwirana hango ha baba woovo, navuzwa kigira ki wiva avanyasaye vi inyumba yange?”

Litanga 31:34

Raheli yaali navuguyi avanyasaye va Labani navavisi isi mu vwikaliru vwi ing'amia ma yaali niyikaye kucho. Labani yenyeleriza mu lihema liosi, navuzwa si yavanyoola mba.

Litanga 34:2

Lwa Shekemu muyaayi wa Hamori muhivi waali munene wi kivala, yamulola yamugumira ma namwonogonyia.

Litanga 35:22

Lwa Yakobo yaali na menyi mukivala yiki, Rubeni yaali harara na Biliha, mulala ku vakali vatumikiri vababa weve. Lwa Yakobo yahulira makuva yaga, yavihilirwa ligali. Yakobo yaali na vayaayi 12:

2 Samweli 7:23

Sihaveeye ho ni ihiiri yindi ku lirova kuli Isiraeli, ya ivi wahonyia kutura mu vutugwa mu kivala cha Egebeti, ukuvalomba vave avandu vovo ivi mwene. Vindu vinene kandi viokogenyia via wavakolera vimali kulandiza ulusuma lulwo mu lirova liosi. Ivi wakunga zihiiri zindi na avanyasaye vaavo lwa avandu vovo vazizagilira kuvingilira nukulwana navo, avandu va ivi wavoholola kutura Egebeti kuva avoovo ivi mwene.

2 Avami 17:29

Navuzwa avandu vaza komenya mu Samaria velombera avanyasaye vaavo aveene, ni vavaviika hu kusigamira ha vandu va Isiraeli vaali ni vumbaka. Vuli muganda gwalomba vifananyi lugano mu madaala manene ga gwamenyaa.

2 Avami 5:10

Elisha yatuma mutumikiri mulala ichova kuvolera Naamani azie kwisaava mu mugera gwa Jorodani haali saba, naye alahona vogere vwivwe ligali.

1 Kyetsinyinga 16:26

Kigira avanyasaye vandi vi zihiiri ziosi, vaveeye vifananyi vuzwa; navuzwa Yahova yalomba ligulu.

Ayubu 1:5

Lwa madiku gi lilia gakung'anaa, Ayubu yavatumanaa vaze kuye avatakase. Yavuka mugambazuri Mumavwevwe nukuhaana visiuviliru Viukusambwa kuli livaliza liavo kigira yaganagana, “hawundi avana vange vakoli uvwoni nokonyega Nyasaye mu mioyo jaavo vugira kusaavira.” Ayubu yakola ndio kazozo.

Zaburi 51:2

Onzogize uvudamanu ligali, na undakase kutura muvwoni vwange.

Zaburi 51:7

Tuliza ho uvwoni vwange, na inzi ndava munifu. Onzogize, na inzi ndava mulavu kuvita likonza.

Kutwula 19:10

Yahova yamuvolera, “Zia ku avandu yavo uvavoolere vahonge kalunu na mugamba niviitakasa ku lisigamira. Kuduuka vafuyi zinguvu ziavo

Kutwula 19:14

Maku Musa yasulunguta kutura mu kiguru kuzia ku vandu navavoolera, vetegeke kusigamira Yahova, kunangwa vafuuya zinguvu ziavo.

Kutwula 23:13

“Muhulirizi vindu viosi via inzi, Yahova, mali kovora ku munyi. Mutasaala ku vanyasaye vandi mba; kali mutatala amita gaavo mba.

Kohelethu 5:1

Ohenze vogeri lwa wingira mu Litembeli lia Nyasaye. Voveeye vulahi kwingira mu nu kwiga kuvita kuhaana visiuviliru kuli vandu vasiru vakora, vandu vatamanyi vulungi nu vudamanu.

Isaya 1:16

Mwisaave aveene munihi. Mulekere likora uvudamanu yivu vwosi vwa ndolaa nimukora. Yee, mulekere likora uvudamanu

Isaya 52:11

Muzie! Muzie! Muturi hano; mutadiira kindu kitali kinifu! Muzie mutule hagati ha vandu va Babiloni! Mwitakase munyi avagingaa viju via Yahova.

Jeremia 13:27

Amali kumulora nimukoraa ivindu viu kuvihiliriza. Amali kumulora nimuzizaa ku avanyasaye vu muvigulu kandi anoho kuli ibarasi yenya kutuuma. Avandu va Jerusalemi kivi, keveeye ku munyi! Munyi mulava avadamanu kuduuka ing'inga ki?

Jeremia 16:20

Umundu anyala kolomba avanyasaye veve mwene? Awa, niiva yaakakolindio, sivakaveeye avanyasaye ligali mba.”

Jeremia 5:7

Yahova yateeva, “Kigira ki samiihi uvwoni vwa avandu vange? Vamali kondeka kandi vamali kusigamira avanyasaye vataveeye va agiligali. Ndaavalihiza kuduuka niviguta ligali, navuzwa vaakora ovoheyi, kandi vatumikira vwiyangu vwavo kokora ovoheyi.

Ezekieli 18:31

Muleke uvudamanu vwosi vwa mwakoraa, na muve nu mwoyo muhia kandi Roho muhia. Kigira ki munyi avandu va Isiraeli mwenya kukuza?

Ezekieli 20:7

Ndaavavoolera valeke avanyasaye vukuvihiliriza, avavaali ni vayaanza kandi vavuli kweyononyia na vanyasaye va Egebeti vuvugadi, kigira Inzi mbeeye Yahova Nyasaye wavo.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Danyeli 5:4

Vizominya avanyasaye valombwa ku izahabu, ifeza, magina gu mugasa, vivia, misaala kandi magina.

Kyavalevi 15:5

Mundu, woosi udiira kukidali chiche kuduuka afuuyi zinguvu zizie kandi yisingi namazi, na alava mudamanu kuduuka hamugorova.

Kyavalevi 17:16

Natakola ndio, alanyoola mageri gu vudamanu vwivwe mwene.

Livalidza 31:24

Gamuduukira mufuyi zinguvu zienyu lidiku lia 7. Maku, mulava avatakase, na mulavugilirwa kwingira hokososa.”

Vikolwa 19:26

Kalunu muloraa kandi muhulira ivindu via Paolo akolaa, sihaveeye hano mu Efeso mweng'ine, navuzwa kuduuka mu Asia mwosi. Paolo uyu agonyaa nagirung'anyia avandu vanyingi, na avoora ndi avanyasaye valombwa na avandu si vaveeye avanyasaye kali hakuzu mba.

1 Vakorintho 10:7

kinga kusigamira vifananyi kuli valala kuvo vaali. Kuli Mang'oda Matakatifu gavoora, “Avandu viikara ku lilia kandi iliinwa, liamanya niligirung'ana kuva ilisavo liu kusigamira vifananyi.”

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vagalatia 4:8

Maziambiri, munyi si mwamanya Nyasaye mba, kandi ndio mwaali avatugwa vi vilombe vitaveeye avanyasaye va giligali.

Kwidzulitsa 11:28

navuzwa kilaamo niiva mulavula kuhulira malago ga Yahova Nyasaye winyu; nimugirung'ana nukusigamira avanyasaye vandi, ava mwavura kusigamira maziambiri.

Kwidzulitsa 32:16

Lisigamira vanyasaye vandi liakendekiza Yahova, vudamanu vwavo vwakola Nyasaye kuva nu vutima.

Kwidzulitsa 5:7

“Mutasigamiri avanyasaye vandi, navuzwa inzi nzieng'ine.

Kwidzulitsa 6:14

Mutasigamiri avanyasaye vandi, avanyasaye va avandu vamumenyi navo mba.

Kwidzulitsa 7:25

Musaambe vifananyi viavazwa viosi. Mutakayirwa ifeza anoho izahabu eveeye kuvio mba, anoho kuvivugula vive vienyu mba, Yahova Nyasaye winyu avihilirwa vifananyi.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

Joshua 23:7

kandi mutahambani na vandu vizihiiri yava avatigara hagati hinyu, anoho kutala amita ga vanyasaye vaavo, anoho kutumikira amita yago mu liesuuha mba, mutasigamiri avanyasaye yavo mba. Mutinama imbiri wavo kuvasaala mba.

Joshua 24:14

Joshua yaazizagilira kovora “Kunangwa kalunu; mutie Yahova kandi mumutumikiri. Muve nagiligali kandi nu vusuuvirifu. Mutulizi avanyasaye va vaguuga vinyu vagira kusigamira mu Mesopotamia kandi mu Egebeti; kandi mutumikiri Yahova yeng'ine.

Joshua 24:15

Niiva simwenya kutumikira Yahova, mutovole kalunu ndi ni munyasaye ki wa vanyasaye va avaguuga vinyu vasigamira mu Mesopotamia na vanyasaye va vandu va Amori vasigamira mu kivala cha mumenyi mu kalunu. Navuzwa inzi harara na vandu vinyumba yange, kumali kotovola kutumikira Yahova.”

Joshua 24:2

Maku Joshua yavolera avandu vosi, “Yiki nicho cha Yahova, Nyasaye wa Isiraeli, amuvoleraa: ‘Maziambiri avaguuga vinyu vamenya kolovega lundi lwu mugera gwa Efurate nivasigamira avanyasaye vandi. Mulala ku avaguuga yavo yaali Tera baba wa Aburahamu na Nahoro.

Joshua 24:20

Nimumuleka kuzia kusigamira avanyasaye vageni, alamugirung'ana nukumuha amageri. Alamudiviza, kali ni yaali mulahi ku maziambiri.”

Joshua 24:23

Joshua yavalaga, “Kunangwa muleke avalala ku munyi vakikiri na vanyasaye vageni avamuveeye navo, na musuuviri Yahova, Nyasaye wa Isiraeli.”

Yudasi 1:23

Muhonyie avandi ku livatuliza mu muliru; na ku avandi muvamanyie zimbavasi ziveeye harara nu uvuti. Navuzwa muvihilirwi zinguvu ziavo avamali kwonoganywa ni vikolwa viavo vidamanu.

Vakalagi 10:16

Valeka vanyasaye vaavo vageni, nivasigamira Yahova; naye yanyangana kigira lidambizwa lia vandu va Isiraeli.

Ruth 1:15

Ma Naomi yavolera Ruzi, “Henza uyu muhalikwa woovo yirana ku vandu veve nuku vanyasaye veve. Ivi wirane olonde muhalikwa woovo.”

1 Samweli 16:5

Yativura, “Yee, nziizi kuhaana kisiuviriru ku Yahova. Mwitakase aveene kandi muuze harara niinzi.” Yavolera Jese harara na vayaayi veve vitakase, na vavoolera vaze ku kisiuviriru.

1 Samweli 7:3

Samweli yavolera avandu va Isiraeli, “Niiva mulirana ku Yahova ni mioyo jinyu josi, kuduuka mwononyie avanyasaye vageni vosi kandi vifananyi via Asitarite, munyasaye mukali. Mwihaane aveene ligali ku Yahova kandi mumusigamiri, kandi alamuhonyia munyi kutura kuzinguru zia vandu va Filisitia.”