Litanga 32:31 - KITABU KITAKATIFU

³¹ Yakobo yatura Penieli liuva nilikiri kutura. Yagenda nasegera kigira ivazwa yeeye.

Litanga 32:31 Iomraidhean Croise

Litanga 16:13

Hagari yalanga Yahova uwamoloma kuye navoora, “Ivi oveeye Nyasaye ololaa? Gaveeye giligali inzi mali kolola Nyasaye, kandi mbeeye mwoyo inyima wamali kumulora?”

Litanga 19:15

Lwa vwacha mugambazuri, zingelosi yava vageriza kovoolera Loti avakolera vwangu. Vavoola, “Koli vwangu! Vugula mukali woovo harara na vakana vovo vaviri ma muturi havundu hano, gase mulakuza lwa Yahova adiviza lidaala yili.”

Litanga 19:23

Lwi liuva liali nilitura, Loti yaduuka Zohari.

Litanga 32:25

Lwu mundu uyu yalora ndi siaveeye unyala kuguuta Yakobo, yamuduya ku ivazwa yeeye. Hene yaho, iviungu vie ivazwa ya Yakobo viatula mu vogono vwa vio.

Litanga 32:32

Kali kuduuka na kalunu ndi avandu va Isiraeli si vanyara kulia inyama yi viungu vie ivazwa mba, kigira yaali inyama yu kuvazwa humundu yaduya Yakobo.

1 Avami 12:25

Mwami Jeroboamu wa Isiraeli yumbaka imbinga kukumbiriza lidaala lia Shekemu mu kivala chi vigulu cha Efuraimu. Kandi namenya yo ku ing'inga ngekeeke. Maku yatura mu niyumbaka imbinga yi lidaala lia Penueli.

1 Avami 18:26

Vaavugura igiriki ya valeetelwa, nivagelomba, kandi nivasaara ku Baali kutura mugambazuri kuduuka mbasu hagati. Vahanzuka nivavoora, “Kutivuliri Baali!” Kandi nivazizagilira kuvina nivavodong'ana vwali vwa vaali nivumbaki. Navuzwa litivuli kali lilala siliaza mba.

Zaburi 38:17

Mbeeye ahimbi kugwa kandi mbeeye mu vuzunu vuli ing'inga.

Kutwula 24:10

na valora Nyasaye wa Isiraeli. Isi wi virenge vivie haali ho nikindu chafwanana amagina gaalwa hasi gi kibiriti, gi langi ya bulu kandi enengeru kuli ligulu.

Kutwula 24:11

Nyasaye siyasaliriza vimiliri va Isiraeli yava mba; valora Nyasaye, na valia nivanwa harara.

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

2 Vakorintho 12:7

Navuzwa konomba mburi kwigingira nu vwelori kigira vindu viokogenyia via Nyasaye yamanyia, ndaahevwa vulwaye vululu ligali ku muviri, ovoveeye kuli umutumwa wa Setani, aduuki kuundambiza kunangwa uvwelori vwange vogehe.

2 Vakorintho 12:9

Navuzwa litivuli lilie liali, “Zimbavasi ziange nizio zia wenyaa, kigira zinguru ziange ziveeye zindukiru ligali lwa oveeye mudedekere.” Kunangwa, mbeeye nu vuyanzi ligali kwekonya kigira ovodedekere vwange, kunangwa nduuki konyoora likingwa lie zinguru zia Kristo.

Kwidzulitsa 5:24

nivavoora, ‘Yahova Nyasaye wiitu yakumanyia ovonene vwivwe novukumi vwivwe, lwa kwamuhulira namolomaa kutura hagati humuliru! Kalunu kumali kulola ndi mundu anyala kuzizagilira komenya, kali niiva Nyasaye umali komoloma naye.

Kwidzulitsa 5:26

Ni mundu ki uwamanya alava mwoyo niyakamara kuhulira Nyasaye oveeye mwoyo namolomaa kutura hagati hu muliru, kuli kunyi?

Vakalagi 6:22

Maku Gidioni yaamanyiriza ndi uyu yaali engelosi wa Yahova; na Gidioni yavoola, “Oh, Yahova Nyasaye, Inzi mali kolola engelosi moni na moni.”

Vakalagi 6:23

Navuzwa Yahova yamuvolera, “Umurembe gove harara nivi; utatia, kigira siulakuza mba.”

Vakalagi 8:8

Gidioni yazia kandi Penueli nateeva ovokonyi vulala vwere kutura ku vandu yavo, navuzwa avandu va Penueli vaahana amativuli malala kuli aga vandu va Sukozi vaali nivahaani.