Litanga 32:26 - KITABU KITAKATIFU

²⁶ Maku mundu oyo yavoola, “Leka inzi nzie kigira vucheye.” Yakobo yamuvolera, “Inzi si ndakuvugilira uzie mba, kuduuka lwa ungasiza.”

Litanga 32:26 Iomraidhean Croise

Litanga 32:25

Lwu mundu uyu yalora ndi siaveeye unyala kuguuta Yakobo, yamuduya ku ivazwa yeeye. Hene yaho, iviungu vie ivazwa ya Yakobo viatula mu vogono vwa vio.

Litanga 32:27

Mundu oyo yateeva Yakobo, “Ivi ulangwa vwaha?” Yativura, “Yakobo.”

1 Kyetsinyinga 4:10

Jabezi yasaala ku lieta lia Nyasaye wa Isiraeli, navoora, “Ungasize, O, Nyasaye, ma ombe kivala kinyingi. Ove ninzi harara ma umbiki ihale kutura ku vindu viosi vidamanu ivinyala kongola mbe nu vuzunu.” Na Nyasaye yamukolera goosi ga yateeva.

Zaburi 67:1

O, Nyasaye, okoveere zimbavasi kandi ukugasize. Okohenze nuvulahi vwosi.

Kutwula 32:10

Kalunu, utageriza kungaya mba. Mbeeye nu vutima navo ligali kandi nziza kuvadiviza. Maku ndaakola ivi harara ni visukululwi vivio kuva ihiiri enene.”

Lwimbu lwa Solomoni 3:4

Nonoho lwa kwavukana navo, ndaamunyoora. Ndamugumira kandi sindenya mulakuli mba, kuduuka lwa ndamuhila munyumba ya mama wange, mukengoze chandivulilwa mu.

Lwimbu lwa Solomoni 7:5

Mutwi gugwo gwa singira vulungi kuli kiguru cha Karimeli. Liisu liilio lia sitwa ling'ereng'anaa kuli inguvu indahi, vulahi vwalio vunyala kuviika mwami muvuhambe.

Isaya 45:11

Yahova, Mutakatifu wa avandu va Isiraeli kandi mulombi wavo avoora, “Munyi simuveeye nuvunyari koteeva amateeva kigira avana vange mba, anoho simunyala kombolera aganyala kokora mba!

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Hosea 12:4

Yalwana nengelosi kandi naguuta. Yalira kandi nateeva ligasizwa. Nyasaye yaza ku guuga wiitu Yakobo ha Bezeli kandi namoloma naye.

Varumi 8:37

Awa, mu vindu yivi viosi, koveeye vaguuti ligali, kuvitira mu uyu wakuyanza!

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

Kwidzulitsa 9:14

Utageriza kuuzingalira mba. Ng'anagana kuvadiviza kunangwa avuli kuva ho nu mundu unyala kuvizuriza kali hakuzu. Maku ndakokola ivi ove baba wihiiri enene kandi yizingulu ligali hakuzu. Maku ndakokola ove baba wihiiri enene kandi yizingulu ligali kuvavita.’

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.