Litanga 32:10 - KITABU KITAKATIFU

¹⁰ Inzi si mbeeye kali kindu kekekeeke ku vuyanzi vwosi vutaveeye ne keheri, kandi uvusuuvirifu vwosi vwa umali kumanyia ku inzi, mutumikiri woovo mba. Inzi ndaambuka mugera gwa Jorodani ni imbimbu yange yeng'ine. Kalunu mali kwirana ni viduma viviri yivi vandu ni viayo.

Litanga 32:10 Iomraidhean Croise

Litanga 18:27

Aburahamu yativura, “Inzi mbeeye vuzwa kuli ligoke kandi luguchi lwi lirova. Yahova, yaanza ombere komoloma ku ivi kuli ndi.

Litanga 24:12

Yasaala navoora, “O, Yahova Nyasaye wa Aburahamu, ombe ingavi indahi kalunu inzi saala ku ivi, kandi umanyie munene wange Aburahamu vuyanzi vutaveeye ne keheri.

Litanga 24:27

Yavoola, “Yahova yizominywe, Nyasaye wu munene wange Aburahamu, umali kuduukiza lilagana yili ku munene wange. Yahova umali kunzimilira vulungi kuduuka ku viko vu munene wange.”

Litanga 28:13

Havundu hene yaho, yalora Yahova nasingiyi halovega. Yavoola, “Inzi mbeeye Yahova, Nyasaye wa Aburahamu kandi Nyasaye wa Isaka. Ndakahaane ku ivi kivala chogoniku yiki, harara ni visukululwi vivio.

Litanga 28:15

Wizulizi, Inzi ndava harara na ivi kandi ndakukukingi havundu hoosi ha uzia; kandi ndakakwiranye mukivala yiki. Si ndakakoleke mba, kuduuka lwa ndakaduukizi goosi aga mali kukulaga.”

Litanga 30:43

Yakobo yagwa mutugi ligali munzira kuli yiyi. Yaali niviayo vinyingi, vatumikiri vakali na vasaza, zing'amia kandi zibunda.

Litanga 31:3

Maku Yahova yamuvolera, “Wirane mukivala cha vaguuga vovo kandi aviiko vovo. Inzi ndava harara na ivi.”

Litanga 32:5

Mbeeye ni viayo vie zing'ombe, zibunda amagondi, zimburi, kandi vatumikiri avasaza na vatumikiri avakali. Nduma makuva ku ivi mwami wange, uduuki kombera zimbavasi.”

Litanga 32:7

Maku Yakobo yaali nuvuti vonene ligali, kandi yahenda mwoyo nagavuranya avandu va yaali navo mu viduma viviri; Kandi yaagavuranya viayo vie zing'ombe, magondi, zimburi kandi zing'amia mu viduma viviri.

2 Samweli 17:24

Daudi yaali naduuki mu lidaala lia Mahanaimu ku ing'inga ya Abisolomu na vandu va Isiraeli vaali nivakambuka mugera gwa Jorodani.

2 Samweli 7:18

Maku mwami Daudi yazia mu Lihema liukuvuganira mu na Yahova, niyikara kandi nasaara, “Yahova Nyasaye Wuvunyali inzi kali vandu avinyumba yange sikuduukanaa nayaga ga umali kokokolera.

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Ayubu 8:7

Kali niiva litanga liilio liali likekeeke, amadiku googo gukumaliriza galava guvugaasu ligali.

Zaburi 16:2

Mbolera Yahova, “Ivi oveeye Yahova wange; vindu viosi vilahi via mbeeye navio vituraa ku ivi.”

Zaburi 18:35

Ivi ombeeye inguva yo vohonyi vuvwo, kandi zinguru zizio ziniindi.

Zaburi 61:7

O, Nyasaye, leka yaamihi mihiga ni mihiga imbiri woovo, umukiingi nuvuyanzi vuvwo vutali nekeheri kandi nu vusuuvirifu vuvwo.

Zaburi 8:5

Nitali walomba mundu kuva mukekeeke ku ivi Nyasaye, wamuvika itaji yu vukumi kandi yu luyali.

Zaburi 84:7

Avandu yava lwa vavitira mu livona lia Baka, zinguru ziavo zimedekaa vuli kazozo, kandi valalola Nyasaye wa avanyasaye.

Zaburi 85:10

Uvuyanzi vutaveeye nekeheri nu vusuuvirifu vilagana harara; uvulungi nimirembe vilakumbelana.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Isaya 6:5

Inzi ndavoora, “O, vayaayi, kivi keveeye ku inzi! Choosi cha mboraa keveeye chu vwoni, kandi menyaa hagati havandu va vuli likuva liavo liveeye liuvwoni. Navuzwa mali kolola mwami, Yahova Wuvunyali!”

Isaya 63:7

Ndavolera avandu amakuva gu vuyanzi vwa Yahova uvutali ne kegero. Ndamwizominya kolondekana ku goosi aga Yahova amali kokolera kunyi. Yee, umali kokora ivindu vinyingi ku vandu va Isiraeli; kolondekana ni livererera lilie kandi kuli zimbavasi zizie zitahera.

Mika 7:20

Ivi ulamanyia uvusuuvirifu kandi uvuyanzi vuvwo uvutaveeye nekeheri ku avandu vovo, ivisukulurwi via Aburahamu na Yakobo, kuli wasuuviriza avaguuga viitu zing'inga zia kale.

Luka 17:10

Kandi munyi ndio, lwa muva ni mwakakola ivindu viosi via mwalagwa kokora muvoore, ‘Kunyi koveeye avatugwa avataveeye nuvukara, kokoli vuzwa agakuduukiraa kokole.’ ”

Luka 5:8

Lwa Simoni Petero yalora ndio, yagwa hasi mam'mama imbiri wa Yeso navoora, “Tula ku inzi, kigira inzi mbeeye umwoni, O, Mwami!”

2 Vakorintho 12:11

Mbeeye kuli musiru! Navuzwa munyi nivo avanigaa kuva kuli ndio. Munyi nivo avaadukana munzizominyi kigira, kali niiva simbeeye kindu, simbeeye mukekeeke ligali kuvita “avatumwa vaduukiru” vinyu yavo mba.

Kwidzulitsa 8:18

Mwizurizi ndi Yahova Nyasaye winyu niyie umuhezaa zinguru ziukuva avatugi. Akolaa ndio kigira akikiri vuzwa musuuvirifu kalunu ku lilagana lia yalomba na avaguuga vinyu.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”