Litanga 30:1 - KITABU KITAKATIFU

¹ Lwa Raheli yalora ndi siyivulila Yakobo avana mba, yamanya nakendekera mukaana wavo. Kunangwa yavolera Yakobo, “Unzivulizi avana anoho inzi ndakuza.”

Litanga 30:1 Iomraidhean Croise

Litanga 29:31

Lwa Yahova yalora ndi Yakobo yayanza Raheli kuvita Lea, yakola Lea konyoora avana, na Raheli naava mugumba.

Litanga 37:11

Avamwavo va Josefu vamulolera embodoka, navuzwa baba weve yaazizagilira kuganangana ku makuva yaga.

1 Avami 19:4

Elija yagenda logendo lwi lilala liosi kuduuka mwigendanyama. Yazia niyikara hasi mu chiriri chumusaala kandi yegomba akuzi. Yasaala navoora, “Gaduuki, O, Yahova. Vugula livamwoyo liange. Vwakaveeye vulahi inzi nguzi.”

Ayubu 13:19

Nivwaha oveeye ho unyala kuhing'ana na inzi, niiva ni ndio, inzi ndachiring'ana machiriri nu kukuza.

Ayubu 3:11

Kigira ki inzi niimbura kukuza ningikiri munda mwa mama wange? Anoho niimbura kukuza ing'inga ndivulwa?

Ayubu 5:2

Uvutima vululu vwitaa musiru, kandi embodoka yitaa avayingu.

Zaburi 106:16

Vakendekera Musa mu changalangwe, kandi nivakendekera Haruni mutumikiri mutakatifu wa Yahova.

Tsing'ano 14:30

Lilemeriza likora muviri kuva nu vulamu, navuzwa likendeka likora vigumba kuguunda.

Tsing'ano 30:16

Kivala cha vakuzu, mukali mugumba lirova liumu lienya imbura kandi muliru gwaduukaa gutasimaa.

Kohelethu 4:4

Maku ndaalora ndi, vuyinziri vwosi vudinyu kandi limanya lie miyinzi litulana niliegomba lie minyinzi ju mutende. Yaga goosi kandi gaveeye vuzwa kandi gaveeye vuzwa kuli kudidikana no kolonda imbuza.

Livalidza 11:15

Niiva ulangolera kuli ndio, ndakayanzi unziti kalunu ndi, kunangwa uvuli kongolera uvudamanu kandi mba.”

Livalidza 11:29

Musa yativura, “Oveeye nilikendeka kigira inzi? Ndakayanzi niiva Yahova yakaviiki Roho weve ku vandu veve vosi nukuvakola vosi avaporofeti!”

Yohana 4:3

Lwa Yeso yahulira amakuva ga avandu vavoola kuye, yatura Ivuyuda nazia Galilaya.

Yohana 4:8

Ing'inga yeyo, aviigi veve vaali nivaziiyi mu lidaala kugura viukulia.

1 Vakorintho 3:3

kigira mukemenyi kuli avandu vi lirova yili vamenya. Lwe embodoka ni lirembana vikikiri hagati hinyu, vindu yivi vimanyia ndi munyi mukikiri vandu vi kivala, kandi mumenyaa kuli avandu vatamanyi Nyasaye.

2 Vakorintho 7:10

Vovereri vwa Nyasaye voletaa lieganira liu mwoyo kuduuka kovohonyi, navuzwa sivoleetaa liverera mba! Navuzwa ovovereri vwu mundu, voleta ilikuza.

Vagalatia 5:21

likendeka, vwiti, uvuhambiku, uvuhuvaali vwi zing'ano ziosi, ni vindu kuli yivio; ndanga kumwiganihiza lero kuli lwa ndaamwiganihiza maziambiri. Yava avakolaa vindu kuli yivi sivanyala konyoora vwami vwa Nyasaye mba.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

Yakobo 3:14

Navuzwa ni muva ni muveeye nembodoka, uvululu, uvwimani ni likayirwa mu mioyo jinyu, mutakola uvwoni ku agiligali ku liekonya kigira ovogeri kandi mutaveha ovovehi ku agiligali mba.

Yakobo 4:5

Muganaganaa agiligali sigaveeye mu Mang'oda Matakatifu gavoora ndi, “Roho wa Nyasaye yavika amenye mu kunyi, yizuuyi likayirwa lilulu.”

1 Samweli 1:10

Hana yaali novovereri vululu ligali muno, na yasaala nuvuzunu ligali ku Yahova.