Litanga 3:18 - KITABU KITAKATIFU

¹⁸ Amafwa kandi matagalo galamera mu mulimi kandi ulalia visara viu mu vulimu.

Litanga 3:18 Iomraidhean Croise

Litanga 3:17

Yahova Nyasaye yavolera musaza, “Ndalaama lirova kigira umali kuvugilira makuva gu mukali woovo, kandi umali kulia ku makuyu gu musaala gwa ndakulaga uvuli kulia. Ulayinzira vudinyu mu madiku gi limenya liilio liosi kunangwa onyoore cha ulia.

Litanga 3:19

Ivi ulayinzira vudinyu nukutura ologeri kunangwa uduuki konyoora chulia. Ivi walombwa kutura kumalova kandi ulakilane kumalova.”

Ayubu 1:21

Yavoola, “Inzi ndiivulwa vugira kindu, kandi ndakuza vugira kindu. Yahova yahaana kandi Yahova uvuguyi. Lieta lia Yahova lizominywi.”

Ayubu 31:40

hene yaho, leka amafwa gaviruki mu muvogono vwi ingano, na indiva emeraa mu mulimi yigu mu vogono vwi ishairi.” Makuva ga Ayubu gaheri hano.

Ayubu 5:5

Avandu viinzala valalia ligesa lia vasiru, kali valavugula vuswage vuvilukiraa hagati ha mafwa; kandi avuvuluhu valakendekera vutugi vwivwe.

Zaburi 104:2

Ivi wikunikaa nu vulavu kuli inguvu, Waavambula ligulu kuli lihema;

Zaburi 90:3

Ivi ulaga mundu yirane ku luguchi, umugirung'anyiaa ukwirana ku luguchi ukwa yatura.

Tsing'ano 22:5

Amafwa kandi mitego viveeye munzira yavandu vachamu, uyu wilindaa yeleha kuvio.

Tsing'ano 24:31

viali ni viayumba kandi vizura vuzwa mulitu gwa mafwa. Lidiji lia magina lia gukumberizaa liali ni liagwa.

Isaya 32:13

Visaka viamafwa kandi nivigunzanguvu vimera mu kivala cha vandu vange. Musiome kigira zinyumba ziosi zia vandu vaali nu vusangali kandi musiome kigira lidaala linene iliali liovomenyo vuduukiru.

Isaya 5:6

Ndakeleka keve hazwa, kandi ndaleka indiva emere mu, sindakesemberera mba. Si ndahalurira zisia zie mizabibu mba, anoho si ndalima mu kandi mba. Navuzwa ndaleka amafwa kandi zindavati zimere mu nu kukunika kizabibu choosi! Kali ndigalila amalesi gavuli kukubiza imbura ku cho.”

Isaya 7:23

“Lwa ing'inga yeyo iliduuka, vuli mulimi gwi vizabibu vilahi, vuli mulala ni mizabibu elefu ndala, iviali nuvuguli vwi vidonye viefeza elefu ndala, vuli kilala kilakunikwa nulutavati kandi na mafwa givigunzanguva.

Isaya 7:24

Avandu valazie kuhiiza yo nuvuhingu nu vuta. Yee kivala choosi kilizula visaka via mafwa ni vigunzanguva.

Jeremia 12:13

Avandu vange vaamiza ingano, navuzwa valakagese livaanze; vamali kuyinzira vudinyu, navuzwa sivanyoyeku kindu mba. Kigira vutima vwange vululu vitagwa viavo sivilakora vulahi mba.”

Jeremia 4:3

Yahova avooreraa avandu vi Ivuyuda na Jerusalemi, “Mulimi imirimi jinyu ijikikiri kulimwa; mutamiiza uvuguza vwinyu mumafa mba.

Matayo 13:7

Uvundi vwagwa mu mafa na amafwa gaviruka ni gavumiina.

Varumi 14:2

Lisuuvira lia vandu valala livugilira kulia vindu viosi; navuzwa mundu oveeye mudedekere mu lisuuvira alizaa vuzwa zinguza.

Vahebraina 6:8

Navuzwa niiva lilamera amafa ni ikayongo anoho indiva ya matagalu siliveeye novokoonyi, kandi liveeye ahimbi kulaamwa na Nyasaye. Mu keheri chalio lilakasambwe nu muliru.

Joshua 23:13

muve nilimanya ndi, Yahova Nyasaye winyu sialazizagilira kukunga zihiiri yizi ziituli lwa muvingilira mba. Nitali, valava uvuhiimwa ku munyi kuli mutego, anoho ovogo kandi vuzunu kuli kevogo cho lokova, ku migongo jinyu anoho amafwa mu zimoni zienyu. Vindu viukutihiza yivi vilazizagilira kwekoleka ku munyi kuduuka lwa mudiva kutura mu kivala kilahi yiki cha Yahova Nyasaye winyu yamuha.