Litanga 3:12 - KITABU KITAKATIFU

¹² Musaza yativura, “Mukali wa ivi waleeta kuva harara na inzi, yamba makuyu gu musaala, ma nindia.”

Litanga 3:12 Iomraidhean Croise

Litanga 2:18

Maku Yahova Nyasaye yavoola, “Si voveeye vulahi umundu komenya yeng'ine mba. Inzi ndamulombera mukonyi udukana naye.”

Litanga 2:20

Kunangwa mundu yagulika zinyama ziosi ziu ku lirova amita. Kandi naagulika manyonyi goosi gu muligulu amita. Navuzwa ku vilombe yivi viosi si chaali ho kali kilala chaduukana kuva mukonyi wu mundu mba.

Litanga 2:22

Yalomba mukali kutura ku ruvalu kandi naamuletela.

Litanga 3:11

Nyasaye yamuteeva, “Nivwaha okovooleye ndi oveeye chahonyo? Uliiyi amakuyu gu musaala gwa ndakulaga ndi uvuli kulia ku?”

Ayubu 31:33

“Avandu vandi vageriza kuvisa uvwoni vwavo, navuzwa inzi ngikiri kuvisa uvwoni vwange kali hakuzu mba.

Tsing'ano 19:3

Avandu valala vidivizaa nivikolwa viavo visiru maku vadula Yahova.

Tsing'ano 28:13

Mundu uvisaa vwoni vwivwe si alagasizwa mba, navuzwa oyo wiyama no koleka vwoni alanyoola zimbavasi kutura ku Nyasaye.

Luka 10:29

Navuzwa mwigizi wi Lilaga oyo, yenya kwisuuviriza ndi oveeye mulungi, yateeva Yeso, “Nivwaha oveeye mutende wange?”

Varumi 10:3

Sivamanya kuli Nyasaye akolaa vandu kuva valungi imbiri weve mba, kandi vamali kogerizaa kwiyumbakira uvulungi liiva liavo veene. Nandio sivihaana vene kuliiva lia Nyasaye liu kulungikiza vandu mba.

1 Samweli 15:15

Saolo yativura, “Avasikari vange vi liihi vazivugula kutura ku vandu va Maleki. Vavugura magondi malahi ligali kandi zing'ombe zindahi ligali kuhaana kuli visiuviliru ku Yahova Nyasaye woovo; na kumali kwononyia ligali ivindu vindi viosi.”