Litanga 27:28 - KITABU KITAKATIFU

²⁸ Nyasaye ayaanze ahaane ku ivi imbura kutura mu ligulu, kokora mulimi gugwo kuva munolu! Ahaane liama linyingi liu vuswage kandi makuyu manyingi iwaini.

Litanga 27:28 Iomraidhean Croise

Litanga 27:37

Isaka yativulira Esau, “Inzi mali kumukola ave munene ku ivi, kandi mali kokora aviiko veve vosi kuva avatugwa kuye. Mali kumuha uvuswage kandi iwaini. Kalunu simbeeye ni kindu kindi chanyala kokokolera mba!”

Litanga 27:39

“Vomenyo vuvwo vulava ihale kutura mu lirova linolu, kandi si ulanyora imbura kutura mu ligulu mba.

Litanga 45:18

Kandi vavuguli baba wavo harara na vandu vinyumba yeeye nimiandu jaavo josi, ma vaze ku inzi, kandi ndamuha kivala kilahi cha Egebeti. Kandi mulalia viukulia vinyingi ligali.

Litanga 49:20

“Mulimi gwa Asheri gulava ni ligesa linyingi. Alahaana viukulia viduukana nu mwami.

Litanga 49:25

Nyasaye wa vaguuga vovo yakoonya ivi, Nyasaye Wuvunyali ugasizaa ivi nu vugasu vwi imbura kutura mu ligulu. Kandi agasizaa ivi na mazi gu mululiva lwi inyanza. Agasizaa ivi zinzivulu zinyingi zia vana nimitugu.

2 Samweli 1:21

“Imbura anoho iliime vitakuba ku vigulu via Giliboa mba, Milimi javio jive vugira viamo kazozo kigira zinguva zia avaluviriri ziigoni yo hasi mu zisoni, inguva ya Saolo si ivakiywi na maguta kandi mba.

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 5:11

na Solomoni naye yaaha Huramu magunia 20,000 ge nganu kandi zilita 20,000 zia maguta malahi ga muzeituni vuli muhiga kulihiza avandu veve.

2 Kyetsinyinga 2:10

Ndahaana viukulia zitani 2,000 zie ingano, zitani 2,000 zie Shairi, na iziliita 400,000 zie iwaini kandi 400,000 zia maguta ga muzeituni. Ku vasaza vovo vokotema nokokenga misaala.”

Zaburi 104:15

kandi kuhaana iwaini kolomba avandu kuva nu vuyanzi, na amaguta ga mizeituni kolomba avandu kuva nu vusangali, kandi ingano na maveere kuhaana zinguru mu miviri.

Zaburi 133:3

Gaveeye kuli iliime ku kiguru cha Herimoni, iligwizaa ku tugulu twa Ziyoni. Hene yaho niho ha Yahova amali kusuuviriza uvugasu vwivwe vwi livamwoyo ilitahera mba.

Zaburi 36:8

Kulizaa viukulia vilahi vinyingi via uhaanaa kuli mugera gwiturukaa. Kandi ivi olekaa kunwi kutura mu mugera gwu vulahi vuvwo.

Tsing'ano 19:12

Vutima vwu mwami voveeye kuli lifuuma lie isimba, navuzwa liyaanza lilie liveeye kuli liza lie imbura.

Tsing'ano 3:20

Vogeri vwivwe vwakola migera nigigenda kandi malesi nigaleeta imbura ku kivala.

Isaya 45:8

Inzi ndaleta liguuta kutura mu ligulu kuli imbura; avandu valetegeka konyoora liguuta yili kandi ovohonyi harara nilikalaga lirungi viduuki konyooleka mu lirova. Inzi, Yahova, ndakora yaga kokoleka.”

Jeremia 14:22

Siviveeye ho ni vifananyi vie zihiiri vinyala koleta imbura mba; Ligulu ku vwalio si linyala koleta lunyilira mba. Kunyi kwaavika lisuuvira lietu mu ivi, O, Yahova Nyasaye wiitu, kigira ivi niye okolaa vindu yivi.

Joeli 2:19

Yavativulira: “Kalunu ndamuha vuswage, iwaini na maguta ga muzeituni, na muliigutizwa ligali. Zihiiri zindi siziramulegeriza kandi mba.

Mika 5:7

Avandu va Isiraeli avalitigala valakave kuli lime litulaa ku Yahova, kuli ulunyilira ku vitagwa vivirukaa. Valeeleda ku Nyasaye, sivalakelede ku mundu mba.

Zekaria 8:12

Valakatage vitagwa viavo mu mirembe, mizabibu jaavo jilakame makuyu, kivala kilakave ni vitagwa kandi imbura ilakakubi inyingi. Ndakahaane vugasu yivu ku vandu avikivala change valiva nivahononoki.

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

Livalidza 13:20

Mulole niiva kivala yiki keveeye na malova manolu noho madamanu, kandi niiva keveeye kivala chi misaala noho kivala kitaveeye ni misaala. Muve avaluviriri kandi muleete ku makuyu malala agaveeye mu kivala yiki.” Yiki yaali ing'inga ya makuyu gaali nigatangi kwenga.

Livalidza 18:12

“Mbana kuivi vindu viosi vilahi viukutanga muligesa lia avandu va Isiraeli vahaana ku inzi vuli muhiga: amaguta ga muzeituni, iwaini kandi vuswage.

Varumi 11:17

Yee, zindala ku zisia ziu muzeituni gwu mulimi gwa vasembeleraa zimali kuvunagwa, na mu vwiyangu vwazio, munyi iziisia zia muzeituni gwu mu mulitu zimali kuhambanywa kugwo, munyi avandu vi zihiiri zindi ni munyi avaveeye kuli iziisia zia muzeituni gwu mulitu, na kalunu musangaa harara na Vayuda livamwoyo liumu Roho lie zinguru.

Kwidzulitsa 32:2

Amigizu gange galakuba kuli zingelegeliza ziembula kandi limoloma liange litonyatonye ku lirova kuli lime, Makuva gange galaaza kuli lunyilira ku vitagwa vidoto, kuli ulunyilira ku uvunyasi vodotodoto.

Kwidzulitsa 33:13

Yavoola ku ihiiri ya Josefu: “Yahova agaasizi kivala chavo niimbura Kandi na mazi gaturaa isi wi lirova.

Kwidzulitsa 33:28

Kunangwa visukululwi via Yakobo viamenya mu mirembe vilava nu vweremerizi mu kivala ichizula uvuswage ni iwaini, lime kutura muvwerefu liletaa amazi ku lirova!

Kwidzulitsa 7:13

Alamuyaanza kandi alamugasiza, kunangwa mu meedeke mu vunyingi vwi livaliza lienyu kandi mulivula avana avanyingi. Alagasiza milimi jinyu, kandi mulagesa vuswage, iwaini na maguta ga muzeituni. Alamugasiza ni limeedeka kulimuha zing'ombe zinyingi na magondi Alamuha vugasu yivu vwosi mu kivala cha yasuuviriza avaguuga vinyu ndi alamuha.

Vahebraina 11:20

Kigira lisuuvira Isaka yagasiza Yakobo na Esau, kali mu vindu viliza.

Joshua 5:6

Avandu va Isiraeli vagendagenda mu changalangwe ku mihiga arubaini, kuduuka lwa vasaza vosi, avilikula liu kuzia muvulwani lwa vaatura Egebeti, vaali nivakakuza, kigira vavura kuhulira Yahova. Kuli Yahova yaali niyisuuhi, sivavugilirwa kolola kivala cha malova magunamu icha yaali niyamala kusuuviriza ndi alahaana kuvaguuga vaavo mba.