Litanga 24:7 - KITABU KITAKATIFU

⁷ Yahova, Nyasaye wu Mwigulu yaanduliza hango ha baba wange kandi mukivala cha viko vange, ma niyisuha kovora ndi, alamba kivala yiki kali kuduuka ku visukululwi viange. Alatuma engelosi yeeye imbiri woovo, kunangwa uduuki konyoore lamuyaayi wange mukali.

Litanga 24:7 Iomraidhean Croise

Litanga 13:15

Inzi ndakuha harara nivisukululwi vivio kivala cha ololaa yiki choosi, kandi kilakave chicho mihiga ni mihiga.

Litanga 15:18

Ku lidiku liene yilio, Yahova yalomba lilagana na Aburamu; Yavoola, “Inzi ndagaa kuhaana ku visukululwi vivio kivala yiki choosi kutura ku lwako lwu mugera gwa Egebeti kuduuka ku mugera gwa Efurate,

Litanga 16:7

Engelosi wa Yahova yanyoora Hagari ha kisinukiru cha mazi mwigendanyama kunzira izizaa Shuri

Litanga 17:8

Inzi ndakakohe harara nivisukululwi vivio kivala yiki cha oveeye mu mugeni. Kivala choosi cha Kanaani kilakave chi visukululwi vivio mihiga ni mihiga, kandi inzi ndakave Nyasaye wavo.”

Litanga 21:17

Lwa Nyasaye yahulira muyaayi nalira, engelosi wa Nyasaye yalanga Hagari kutura mu ligulu kandi navoora, “Hagari kigira ki ohenda mwoyo? Utatia mba. Inzi mali kuhulira muyaayi woovo nalira.

Litanga 22:11

Navuzwa engelosi wa Yahova yamoloma nu mwoyo munene kutura mu ligulu, “Aburahamu, Aburahamu!” Yativura, “Yee, inzi mbeeye hano.”

Litanga 24:3

Nyenya wisuhi ku Yahova, Nyasaye wu mwigulu kandi wi lirova, ndi si ulatovolera muyaayi wange mukali kutura mu vakana va Kanaani ava inzi menyaa hagati haavo mba.

Litanga 24:40

Munene wange yativura, ‘Yahova, wa inzi ndiza kazozo, alatuma engelosi yeeye kuzia harara na ivi na alagasiza ologendo lulwo. Ulanyoolela muyaayi wange mukali kutura mu vandu vi inyumba ya baba wange, kandi kutura mu viko vange.

Litanga 26:24

Ku vudiku yivwo Yahova yaloleka kuye kandi navoora, “Inzi mbeeye Nyasaye wa baba woovo Aburahamu. Utatia mba. Mbeeye harara nivi. Ndakugasiza kandi ndakuha visukululwi vinyingi kigira lilagana liange kumutumikiri wange Aburahamu.”

Ezara 1:2

“Yili ni lilaga lia Sairasi, mwami wa Pasia. Yahova, Nyasaye wu mwigulu, umali kokora inzi mwamihi wi lirova liosi kandi umali kuhaana ku inzi uvunyali vwu kumwumbakira Litembeli mu Jerusalemi, lidaala liveeye mu Ivuyuda.

Zaburi 103:20

Mwizominyi Yahova, O, munyi zingelosi vizingulu kandi vuvunyali, avahulira amalago geege, kandi avahulirizaa aga avoolaa.

Zaburi 136:26

Muhaane lisandiza ku Nyasaye wu mwigulu; kigira uvuyanzi vwivwe vuhindiraa mihiga ni mihiga.

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Zaburi 34:7

Engelosi va Yahova asolaa yavo avamutizaa, kandi avahonyia ku vasigu vaavo vosi.

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Kutwula 13:5

Yahova yasuuviriza ku liesuuha avaguuga vinyu kuha munyi kivala cha vandu va Kanaani, Mori, Hiti, Muhivi, kandi na Jebusi. Lwa amuleeta mukivala chu vutugi, kandi kenoru, kuduuka kenoru, mulindi nukwizuliza lidiku lie Lipasaka ku mweli gwukutanga vuli muhiga.

Kutwula 32:13

Wizulizi Lilagana lia walomba na avatumikiri vovo Aburahamu, Isaka na Yakobo. Wizulizi lisuuviriza lia walomba navo ndi ulavaha visukululwi vinyingi kuli zing'ereng'ani ziu mwigulu, kandi kuvaha kivala chawavasuuviriza kuva miandu jaavo mihiga ni mihiga.”

Kutwula 33:2

Ndatuma engelosi kumwimilira, kandi ndakunga vandu va Kanaani, Amori, Hiti, Perizi, Hivi, na Jebusi.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Jona 1:9

Jona yativura, “Inzi mbeeye Muheburaina. Sigamira Yahova Nyasaye wu mwigulu, uwalomba lirova kandi inyanza.”

Livalidza 11:12

Inzi sindavalomba noho sindavivula mba! Kigira ki omboleraa mbagingi mu makono gange kuli avana vadoto; nukuvahila mu kivala cha wisuhira avaguuga vaavo?

Livalidza 14:16

ndi, ivi umali kwitira vandu vovo mu changalangwi kigira siwanyala ku valeta mu kivala cha walaga ulahaana kuvo mba.

Livalidza 14:30

Ndaamulaga komenya mucho, navuzwa siaveeyeho kali mulala ulimenya mucho nitali Kalebu muyaayi wa Jefune na Joshua muyaayi wa Nuni.

Livalidza 32:11

‘Nzisuha ndi kigira sivambulila mba, si halava ho na vasaza vi mihiga sirini anaho kuzizagilira avaatura Egebeti kwingira mukivala cha ndalaga Aburahamu, Isaka, na Yakobo mba.’

Vikolwa 7:5

Nyasaye siyaamuha ku ekedonye chi kivala yiki keve umwandu gwigwe; mba, navuzwa yamulaga alamuha kivala yiki keve chiche kandi chi ikisukulwi chiche. Ing'inga yene yeyo Aburahamu si yaali nu mwana mba.

Kwidzulitsa 1:8

Kivala yiki choosi nicho kivala cha Inzi, Yahova, ndasuuviriza kuhaana ku avaguuga vinyiu, Aburahamu, Isaka na Yakobo, kandi ku visukululwi viavo. Muzie mukivuguli.’ ”

Kwidzulitsa 34:4

Maku Yahova yavolera Musa, “Yiki ni kivala cha ndaasuuviriza Aburahamu, Isaka na Yakobo ndi ndahaana ku visukululwi viavo. Umali kokelola, navuzwa sindaleka uzie yo mba.”

Vahebraina 1:14

Kunangwa zingelosi nivwaha? Vaveeye vatumwa vatumikira Nyasaye, kandi vatumwa na Nyasaye, kuzia kokonya avandu vaadukana vanyoore vohonyi.

Vahebraina 11:9

Kigira lisuuvira Aburahamu yamenya kuli mugeni mu kivala cha Nyasaye yaali niyamusuuviriza. Yamenya mu mahema kuli Isaka na Yakobo yanyoora lisuuvirizwa lilala liere kutura ku Nyasaye,

Joshua 1:6

Ove mugulu kandi muluviliri, kigira ivi ulava mwimiliri wa vandu yava lwa vava nivavugura kivala yiki icha ndasuuviriza avaguuga vaavo ndi ndavaha.

Joshua 24:3

Ahene yaho, ndavugura Aburahamu, guuga winyu, kutura mu kivala engereka wa Efurate nimwimilira kuvitira mu kivala choosi cha Kanaani. Ndamuha muyaayi weve Isaka, kandi kuvitira mu Isaka, ndamuha visukululwi vinyingi.

Likunula 11:13

Ku ing'inga yene yeyo, liali ho ni lidegera linene ligali lie lirova. Ikidieli kilala ku likomi chi lidaala chaagwa hasi, kandi avandu 7,000 viitwa ni lidegera lie lirova yilio. Avandu vatigara, vaali nu vuti ovonene ligali; kandi vakuminya Nyasaye wu mwigulu.

Vakalagi 2:1

Engelosi wa Yahova yatura Giligali kuzia Bokimu, kandi navolera avandu va Isiraeli: “Ndaamutuliza Egebeti nimuleeta mukivala chandaalagira avababa vinyu. Ndavoora, sindivunanyia lilagana liange ni munyi mba.