Litanga 24:12 - KITABU KITAKATIFU

¹² Yasaala navoora, “O, Yahova Nyasaye wa Aburahamu, ombe ingavi indahi kalunu inzi saala ku ivi, kandi umanyie munene wange Aburahamu vuyanzi vutaveeye ne keheri.

Litanga 24:12 Iomraidhean Croise

Litanga 15:1

Inyima wi vindu yivi viosi, Yahova yaloleka ku Aburamu mu malola namuvolera, “Aburamu, utatia mba. Inzi ndakukinga kutura ku vuhimwa vwosi kandi ndakuha madanyi manene ligali.”

Litanga 24:21

Mutumikiri uyu yahenza mukaana uyu galaha, alole niiva Yahova agaasizi logendo lwilwe.

Litanga 24:27

Yavoola, “Yahova yizominywe, Nyasaye wu munene wange Aburahamu, umali kuduukiza lilagana yili ku munene wange. Yahova umali kunzimilira vulungi kuduuka ku viko vu munene wange.”

Litanga 24:42

“Lwa nduuki ha kidaho kalunu, saaye nimbora, ‘O, Yahova Nyasaye wu munene wange Aburahamu, yaanza ungasizi mu goosi agangolaa.

Litanga 24:48

Maku ndinama nukusigamira Yahova. Ndizominya Yahova, Nyasaye wu munene wange Aburahamu, uwaanzimilira vwangu kuzia ku viko vu munene wange, uwa ndanyoora mukaana kuva mukali wu muyaayi wu munene wange.

Litanga 26:24

Ku vudiku yivwo Yahova yaloleka kuye kandi navoora, “Inzi mbeeye Nyasaye wa baba woovo Aburahamu. Utatia mba. Mbeeye harara nivi. Ndakugasiza kandi ndakuha visukululwi vinyingi kigira lilagana liange kumutumikiri wange Aburahamu.”

Litanga 27:10

Ulavugula chukulia yiki uhiliri baba woovo alie kunangwa aduuki kukugasiza nakikiri kukuza.”

Litanga 27:20

Navuzwa Isaka yavoola, “Gaali ndi ivi onyooye inyama vwangu, mwana wange?” Yakobo yativura, “Yahova Nyasaye woovo yaangonyi konyoora vwangu.”

Litanga 28:13

Havundu hene yaho, yalora Yahova nasingiyi halovega. Yavoola, “Inzi mbeeye Yahova, Nyasaye wa Aburahamu kandi Nyasaye wa Isaka. Ndakahaane ku ivi kivala chogoniku yiki, harara ni visukululwi vivio.

Litanga 31:42

Nyasaye wa baba wange, Nyasaye wa Aburahamu kandi Nyasaye wa Isaka alavula kuva harara ninzi, ngano wangunga vugira kindu choosi. Navuzwa Nyasaye umali kolola uvudinyu vwange kandi linyang'ana lie miyinzi jange. Uvudiku vwa mugolova, uhaani likalaga lilie lirungi.”

Litanga 32:10

Inzi si mbeeye kali kindu kekekeeke ku vuyanzi vwosi vutaveeye ne keheri, kandi uvusuuvirifu vwosi vwa umali kumanyia ku inzi, mutumikiri woovo mba. Inzi ndaambuka mugera gwa Jorodani ni imbimbu yange yeng'ine. Kalunu mali kwirana ni viduma viviri yivi vandu ni viayo.

Litanga 32:9

Maku Yakobo yasaala, “Nyasaye wa guuga wange Aburahamu, Nyasaye wa Isaka, hulira lisaala liange! Ivi wambolera, O, Yahova, nzirane mukivala change kandi ku viko vange, na ulangolera vulahi.

Litanga 43:14

Nyasaye Wuvunyali okole umundu oyo ave nizimbavasi ku munyi, kunangwa amwiranyiri Benjamini na amwavo winyu wundi. Kulwa inzi, Niiva ndagotiza avana vange, kuduuka mbagotizi.”

1 Avami 18:36

Ku ing'inga yukuhaana kisiuviriru cha mbasu, muporofeti Elija yisunda himbi ku vwali nasaara navoora, “O, Yahova, Nyasaye wa Aburahamu, Isaka, na Yakobo, lolekiza kalunu ndi ivi oveeye Nyasaye wa Isiraeli, kandi inzi mbeeye mutumikiri woovo kandi mali kokora yaga goosi kolondekana ku lilaga liilio.

2 Avami 2:14

Yakuya amazi ni inguvu ya Elija, navoora, “Yahova, Nyasaye wa Elija uveeye haliha?” Yakuya amazi kandi nago gavukana yiyi ni yiyi, kandi naye yambuka.

Nehemia 1:11

O, Yahova, hulira lisaala liange kandi lisaala lia vatumikiri vovo vosi avenyaa kuhaana luyali ku ivi. Yaanza ungasize kalunu, inzi mutumikiri woovo, okole mwami ambeere zimbavasi.” Mu madiku yago ndaali musingiliri wi iwaini yu mwami.

Nehemia 2:4

Mwami yandeva, “Ni kindu ki cha wenyaa?” Maku ndaasaara ku Nyasaye wu mwigulu,

Zaburi 118:25

O, Yahova, yaanza okohonyie! O, Yahova okohe liguuta.

Zaburi 122:6

Musaale Nyasaye aduuki kuhaana mirembe ku Jerusalemi, “Leka yavo vosi avayaanzaa ivi vagasizwe.

Zaburi 127:1

Yahova navula kwumbaka inyumba, yavo avumbaka vanyang'ana vuzwa. Yahova navula kulinda lidaala linene, avalindi vanyang'ana vuzwa nivalinda.

Zaburi 37:5

Wenye uvulariri vwa Yahova, usuuviri muye, naye alakokoonya.

Kutwula 3:15

Volera vandu va Isiraeli ndi inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo undumi kuvo. Yili ni lieta liange mihiga ni mihiga; kandi nilio lidukanaa makura na makura gaaza goosi ganange.

Kutwula 3:6

Inzi mbeeye Nyasaye wa avaguuga vinyu, Nyasaye wa Aburahamu, Isaka na Yakobo.” Kunangwa Musa yafuma mumoni mwimwe, kigira yatia kohenza Nyasaye.

Tsing'ano 3:6

Wizulizi Yahova mu vindu viosi viokolaa, kandi alakumanyia inzira inungi.

Matayo 22:32

‘Inzi mbeeye Nyasaye wa Aburahamu, Isaka Nyasaye wa Yakobo?’ Ku, siaveeye Nyasaye wa avakuzu, navuzwa aveeye Nyasaye wa avaveeye mwoyo.”

Vafilipi 4:6

Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.