Litanga 22:9 - KITABU KITAKATIFU

⁹ Lwa vaduuka havundu ha Nyasaye yaali namuvooleye, Aburahamu yumbaka vwali kandi nalohiza zingu. Yavoha muyaayi weve kandi namuviika ku vwali, igulu ku zingu.

Litanga 22:9 Iomraidhean Croise

Litanga 12:7

Maku Yahova yaloleka ku Aburamu namuvolera, “Yiki nicho kivala cha nziza kuhaana ku visukululwi vivio.” Maku Aburamu yumbakira Yahova uvwali naloleki kuye ahene yaho.

Litanga 12:8

Inyima wa yaga, Aburamu yazia Isavaalu ku kiguru keveeye Ivugwi wi Lidaala lia Bezeli. Yumbaka lihema Imadioli wa Bezeli na Ivugwi wa Ayi. Hene yaho kandi, yumbaka uvwali ma nasigamira Yahova.

Litanga 13:18

Kunangwa Aburamu yaginga mahima geege kandi nazia komenya ahimbi ni misaala mitakatifu ja Mamure ha Heburoni, uwa yumbakira Yahova uvwali.

Litanga 22:10

Maku yavugula muvano niyetegeka kusinza Isaka muyaayi weve.

Litanga 22:8

Aburahamu yavoola, “Muyaayi wange, Nyasaye mwene alahaana kememe chi ligondi kuli kihanwa chu kusambwa.” Kunangwa vazia vombi harara.

Litanga 8:20

Nuhu yumbakira Yahova uvwali. Yavugula inyama indala inifu ku vuli zinyama ziosi, kandi linyonyi lilala lilahi ku vuli amanyonyi goosi, ma nasambira ku vwali kuli kihanwa ku Yahova.

1 Avami 18:33

Maku yavika zingu ku vwali kandi, natemanyia igiriki muvidonye nagiviika ku zingu. Yavoola, “Mwizurizi amazi mu zisiongo zine na mugasunduli ku kihanwa kandi ku zingu” vaakora ndio.

Zaburi 118:27

Yahova aveeye Nyasaye, ahaanaa vulavu ku kunyi, mutange lisavo ku ligenda kovodong'ana uvwali; mugiingi amatu ga makindu mu makono ginyu.

Matayo 27:2

Vaamuvoha ni minyororo, nivamwimiriza nu kumuhaana ku Pilato, uwaali mwamihi wa Varumi.

Marko 15:1

Lwa vwaduuka mugambazuri, avasaalisi vanene harara navakulundu na avigizi vi Lilaga harara ni kiyaalo choosi, vateevana icha vanyara kokora. Kunangwa vavoha Yeso ni vaatura naye, kandi nivamuhila ku Pilato.

Vikolwa 8:32

Kunangwa zimbaso zia Mang'oda Matakatifu zia yaali nasomaa ziali yizi: “Yaali kuli ligondi lihilwaa kwitwa kuli Mwana wi Ligondi akiring'ani Lwa kalagangwa uvwoya naye kandi si yakunura munwa gwigwe kali hakuzu mba.

Vagalatia 3:13

Kristo yakohonyia kutura mu kilaamo chi Lilaga lwa yagwa kilaamo kigira kunyi; kuli Mang'oda Matakatifu gavoora, “Mundu woosi usungwa ku musaala Nyasaye amulaami.”

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

Yakobo 2:21

Aburahamu guuga wiitu, yakolwa ndi umulungi ku Nyasaye? Gaali kuvitira mu vikolwa vivie lwa yahaana Isaka umwana weve ku vwali?

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.