Litanga 22:17 - KITABU KITAKATIFU

¹⁷ Inzi ndagaa ndi ndakakohe visukululwi vinyingi kuli zing'ereng'ani ziu muligulu anoho muyeke gwu kunyanza. Visukululwi vivio vilakaguuti nukuvugula miandu ja madaala ga vasigu vaavo.

Litanga 22:17 Iomraidhean Croise

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 13:16

Inzi ndakuha visukululwi vinyingi kali mundu sianyala kuvaliza mba. Kunangwa niiva umundu yakavalizi luguchi, visukululwi vivio viaakavaliziywi.

Litanga 15:5

Yahova yavugula Aburamu naamuhira ichova namuvolera, “Henza mu ligulu ma uvalizi zing'ereng'ani niiva unyala. Ivi ulakave ni visukululwi vinyingi kuli zing'ereng'ani.”

Litanga 17:6

Inzi ndakuha visukululwi vinyingi, kandi valala kuvo valakave avami. Ivi ulakave ni visukululwi vinyingi kandi mu madiku gaaza valakave zihiiri.

Litanga 24:60

Maku vaagasiza Rabeka nivavoora, “Mukaana wiitu, uzie kwaganira zingavi, wivuli avandu avanyingi! Visukululwi vivio viguuti nukuvugula miandu ja amadara ga vasigu vaavo!”

Litanga 25:11

Inyima wilikuza lia Aburahamu, Nyasaye yagasiza Isaka uwamenya ahimbi ni, kidaho kilangwa Beeri Lahai Roi.

Litanga 26:24

Ku vudiku yivwo Yahova yaloleka kuye kandi navoora, “Inzi mbeeye Nyasaye wa baba woovo Aburahamu. Utatia mba. Mbeeye harara nivi. Ndakugasiza kandi ndakuha visukululwi vinyingi kigira lilagana liange kumutumikiri wange Aburahamu.”

Litanga 26:4

Ndakuha visukululwi vinyingi kuli zing'ereng'ani ziu mwigulu, kandi ndakavahe kivala yiki choosi. Zihiiri ziosi zilakateeve inzi kuzigasiza kuli mali kugasiza visukululwi vivio.

Litanga 28:3

Nyasaye Wuvunyali ayaanze akugasizi kandi wivuli avana vanyingi, kunangwa uduuki kuva baba wi zihiiri zinyingi!

Litanga 28:4

Nyasaye ayaanze akugasizi harara ni visukululwi vivio, kuli yagasiza Aburahamu. Uvuguli miandu ji kivala yiki, icha ivi omenyi mu, kandi icha Nyasaye yahaana ku Aburahamu!”

Litanga 32:12

Wizulizi ndi, ivi walaga ulakola vuli kindu choosi kuva kilahi ku inzi. Kandi walaga ulangola kuva baba wi visukululwi vinyingi ligali, kuli muyeke gwu munyanza kali gutanyala kuvalizwa mba.”

Litanga 32:13

Kunangwa Yakobo yagona ahene yaho vudiku vwene yivwo. Maku yavugula ku mitugu ja yaali najo naha Esau kuli kihanwa;

2 Samweli 17:11

Livoora lie zing'anagani ziange liveeye ndi oleete avandu vosi va Isiraeli harara, kutura ku lwako lulala kuduuka ku lundi, avanyingi kuli muyeke ku lujinga lwi inyanza, kandi uviimiliri ivi mwene mu vulwani.

1 Avami 4:20

Avandu vi Ivuyuda na Isiraeli vaali vanyingi kuli muyeke ku luginga lwi nyanza; valia nivanwa kandi nivasangala.

1 Avami 9:26

Mwami Solomoni yalomba kandi zimeri zinyingi zia mahi ha Ezionigeberi, iliveeye ahimbi Elazi, kuluginga lwi Inyanza ya Agaba mu kivala cha Edomu.

1 Kyetsinyinga 27:23

Mwami Daudi si yavaliza avandu vaavo avaari haasi hi mihiga sirini mba, kigira Yahova yaali niyasuuviriza kokora Isiraeli kuva vanyingi kuli zing'ereng'ana ziu mwigulu.

2 Kyetsinyinga 1:9

O, Yahova Nyasaye dukiza lisuuviriza lia walomba ku baba wange. Ivi umali kongola mbe mwami ku vandu avanyingi ligali kali sivanyala kuvalizwa mba.

Nehemia 9:23

Ivi wavaha avana vanyingi kuli zing'ereng'ani mu vwerefu. Kandi noleka vaguute nokomenya mu kivala icha waali nuwasuuviriza avaguuga vaavo ndi ulavaha.

Kutwula 32:13

Wizulizi Lilagana lia walomba na avatumikiri vovo Aburahamu, Isaka na Yakobo. Wizulizi lisuuviriza lia walomba navo ndi ulavaha visukululwi vinyingi kuli zing'ereng'ani ziu mwigulu, kandi kuvaha kivala chawavasuuviriza kuva miandu jaavo mihiga ni mihiga.”

Isaya 48:19

Zinzivulu zienyu ziakaveeye kuli muyeka, kandi visukululwi vienyu viakaveeye kuli zinzaro ziu muyeke, kandi ngano sindaamuvika ku lidivizwa mba.”

Jeremia 32:22

Ivi wavaha kivala yiki kuli waali ni wisuhira avaguuga vaavo kuvaha kivala cha malova magunamu.

Jeremia 33:22

Visukululwi via Daudi mutumikiri wange kandi avasaalisi kutura mu ihiiri ya vandu va Levi valamedeka, kunangwa vaduuki kuva avanyingi ligali kuli zing'ereng'ani ziveeye mu ligulu anoho kuli zinzaro ziu muyeke mu inyanza.”

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Hosea 2:1

Kunangwa, muvoolere avamwavo vinyu ndi “Avandu va Nyasaye” kandi avavozo vinyu “Yahova yavayanza.”

Mika 1:9

Zingwago zia vandu vi lidaala linene lia Samaria sizilahona mba, kandi kivala cha vandu vi Ivuyuda keveeye ahimbi konyoora maduywa kuli ge lidaala linene lia Samaria; lidivizwa liduuki ku virivwa vie lidaala linene lia Jerusalemi liene, wa vandu vange vamenyi.”

Varumi 4:13

Nyasaye yasuuviriza Aburahamu harara ni visukululwi vivie ndi, lirova lilava liavo. Lisuuvirizwa yilio siliahaanwa kigira Aburahamu yatia Lilaga mba, navuzwa kuvitira mu vulungi vwi lisuuvira lilie yili iliavugilirwa na Nyasaye kuva uvulungi.

Varumi 9:27

Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa;

1 Vakorintho 15:57

Navuzwa lisandiza live ku Nyasaye okohezaa liguuta kuvitira mu Mwami wiitu Yeso Kristo.

Vafeso 1:3

Lizominywa live ku Nyasaye Baba wu Mwami wiitu Yeso Kristo, uwagasiza kunyi nuvugasu vwosi vwu mu Roho uvutulaa mwigulu kuvitira mu Kristo.

Kwidzulitsa 1:10

Yahova Nyasaye winyu umali kokora munyi kuva avanyingi. Kalunu mumali kuva avanyingi ligali kuli zing'ereng'ani ziu mwigulu.

Kwidzulitsa 1:11

Yahova, Nyasaye wavaguuga vinyu, amukole mumedeke haali elefu kuvita kuli muveeye, kandi amugasizi kuli yamusuuviriza.

Kwidzulitsa 10:22

Lwa avaguuga vinyu vazia Egebeti, vaali vuzwa avandu sabwini. Navuzwa kalunu, Yahova Nyasaye winyu yamukola kuva avanyingi kuli zing'ereng'ani mu vwerefu.

Kwidzulitsa 13:17

Kilala ku vindu viakalagirwa kudivizwa vitanyoleka ku mu makono ginyu mba, ma kandi Yahova agirung'ana kutura mu vutima vwivwe vululu; alamuveera zimbavasi, kandi alamukola muve avandu vanyingi kuli yasuuviriza avaguuga vinyu,

Kwidzulitsa 13:18

niiva muhulira malago geege goosi aga Inzi mali kuhaana ku munyi kalunu, kandi ni mukora aga yenya.

Kwidzulitsa 21:19

hene yaho aviivuli veve valamugumira na vamuhili imbiri wa vakulundu vi lidaala ku luhia ayaalwi.

Vahebraina 11:12

Kali niiva Aburahamu yaali niyakuza, kutura ku mundu mulala uyu, vianyooleka visukululwi vinyingi kuli zing'ereng'ani mwigulu, kuli muyeke gutanyala kuvalizwa ku lujinga lwinyanza.

Vahebraina 6:14

Yavoola, “Ngusuuvirizaa ligali ndi, ndakugasiza kandi ndakuha visukululwi vinyingi.”

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”