Litanga 22:12 - KITABU KITAKATIFU

¹² Yavoola, “Utasaliriza muyaayi anoho kokora kindu kuye mba. Kalunu inzi manya ndi ivi ohezaa Nyasaye luyali kandi utizaa Nyasaye, kigira umali kumanyia ndi uvugilira kuhaana muyaayi woovo wengine kuli kisiuviriru kuye.”

Litanga 22:12 Iomraidhean Croise

Litanga 20:11

Aburahamu yativura, “Inzi ngoli ndio kigira ndaaganagana ndi havundu yaaha avulaho mundu watia Nyasaye, na valanzita ma vavuguli mukali wange.

Litanga 22:13

Aburahamu yahenza muzimbega ziosi kandi yalora ligondi likore niligumiliywi muvulimu nizinziga zialio. Yazia naalivugura kandi nalihaana kuli kihanwa chu kusambwa muvogono vwu muyaayi weve.

Litanga 22:16

“Inzi Yahova, nzisuha kulieta liange mwene ndi ndakugasiza ligali. Nomba liesuha yili kigira ivi watia inzi kandi wavugilira kuhaana muyaayi woovo weng'ine ku inzi.

Litanga 22:2

Nyasaye yavoola, “Uvuguli muyaayi woovo weng'ine Isaka, uwa wayanza ligali, kandi uzie mukivala cha Moria. Ivi ulamuhaana wene yira ku kiguru cha inzi manya ngumanyie kuli kisiuviriru ku inzi.”

Litanga 26:5

Ndakagasizi ivi, kigira Aburahamu yatia kandi yalonda malago gange.”

Litanga 42:18

Ku lidiku lia kavaga Josefu yavavolera, “Inzi mbeeye umundu watia Nyasaye, kandi ndamuhonyia ku kivuni kilala.

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Ayubu 1:1

Yaali ho mundu mu kivala cha Uzi, uwalangwa Ayubu. Mundu uyu yaali vugira imbara kandi mulungi, mulala uwatia Nyasaye, nukweleha ku uvudamanu.

Ayubu 28:28

“Maku Nyasaye yavolera mundu, ‘Heenzi! Kutia Yahova nivwo vogeri; na ukweleha kuvudamanu nilio limanya.’ ”

Ayubu 5:19

Alakohonyia kutura mu vudinyu sita. Mu kivi cha saba, uvudamanu sivulakudiira kali hakuzu mba.

Zaburi 1:6

Kigira Yahova akingaa nukulinda valungi; navuzwa inzira ya avadamanu iladiva.

Zaburi 111:10

Kutia Yahova ni litangilira liovogeri. Yavo vosi avalondaa malago geege vavezaa ni limanyiriza lilahi. Yahova yizominywe mihiga ni mihiga. Lizominywa lia Yahova lihindiraa mihiga ni mihiga.

Zaburi 147:11

Navuzwa ayanziliraa yavo avamuhezaa luyali, kandi mu yavo avasuuviraa mu vuyanzi vwivwe vwa kazozo.

Zaburi 2:11

Mutumikiri Yahova nuvuti; mumutumikiri nilidegera;

Zaburi 25:12

Yavo avatiizaa Yahova valiiga kutura kuye zinzira zia vaduukana valonde.

Zaburi 25:14

Yahova aveeye mulina wa yavo avamuhulira; kandi adinyirizaa lilagana lilie navo.

Kutwula 20:20

Musa yavativulira navoora, “Mutatia mba; Nyasaye umali kuuza kumugeriza nukumukola muzizagiliri kumuhulira, kunangwa muvuli kokora uvwoni.”

Tsing'ano 1:7

Liitia Yahova liveeye litanga lio vogeri, navuzwa avasiru vachaya ovogeri kandi vasuura kwiga amigizu.

Kohelethu 12:13

Yivi viosi ni viakavita, koveeyeho ni kindu kilala chokovoora: Utie Nyasaye, kandi olonde malago geege, kigira yiki nicho chagira Nyasaye nalomba mundu.

Jeremia 19:5

kandi vamali kwumbakira Baali uvwali kunangwa vaduuki kusamba avana vaavo numuliru kuli visiuviliru. Inzi sindaavalaga kokora ndio mba; kali sigaaliku mu zing'anagani ziange mba.

Jeremia 32:40

Ndalomba lilagana liange navo lie mihiga ni mihiga. Ndazizagilira kuvakolera vindu vilahi, kandi ndavakora vatie inzi ni mioyo jaavo josi, kunangwa vavuli kugirung'ana kutura ku inzi.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Matayo 16:24

Hene yaho Yeso yavolera aviigi veve, “Mundu ku vosi ni yenya yanonde, gamudukira yigaye umwene, ma avuguli umusalaba gwigwe anonde.

Matayo 19:29

Navuzwa, ku yavo vosi avaleka zinyumba ziavo anoho avamwavo vaavo, anoho avavozo, anoho ava baba anoho avamama vaavo, avana, anoho milimi jaavo kigira inzi, valanyora ivindu haali mia, kandi valanyora imiandu je livamwoyo litahera mba.

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Varumi 5:8

Navuzwa Nyasaye yamanyia ndi yakuyaanza, kigira lwa kwaali nikukiri avoni, Kristo yakukuzira.

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

1 Vakorintho 10:13

Magerizu ga mwanyoola gaveeye ga kazozo ku vandu. Navuzwa Nyasaye aveeye umusuuvirifu kulinda lisuuviriza lilie, naye sialamuleka mugerizwe kuvita zinguru zie liekuzira lienyu mba; ing'inga ya magerizu, alamuha vunyali vwu kwikuzira kugo, kandi inzira yukwilukira mu.

2 Vakorintho 8:12

Niiva mundu aveeye nilienya kuhaana, Nyasaye avugiliraa kihanwa chiche kolondekana ne kegero chanyala kuhaana; sianyala kuhaana chataveeye nacho mba.

Vahebraina 11:19

Aburahamu yasuuvira ndi Nyasaye yaali unyala kusimugukiza Isaka kutura mu likuzu; kandi kovora agiligali, Aburahamu yanyoora mwana weve kutura mu likuzu.

Vahebraina 12:28

Kunangwa, gendi kusandizi kigira konyoora uvwami vutanyala kodengeyizwa. Gendi kusandizi ma kusigamiri Nyasaye munzira yu ku muyaanziza, niliegehiza nuvuti ligali,

Yakobo 2:18

Navuzwa mulala alavoora, “Umundu mulala aveeye ni lisuuvira, nu wundi aveeye ni likora.” Manyia kuli mulala anyala kuva ni lisuuvira vugira ivikolwa, ninzi ndakumanyia lisuuvira liange ku vikolwa viange.

Likunula 19:5

Maku umwoyo gwatura mundeve yu vwami, nigovoora, “Mwizominye Nyasaye wiitu, munyi avatumikiri veve vosi, kandi munyi avandu vamutiizaa, mwombi avakeekeke na vanene.”

1 Samweli 15:22

Samweli yativura, “Ni ki cha Yahova ayaaziliraa kuvita? Kutia anoho vihaanwa viukusambwa kandi visiuviliru? Ni vulahi ligali kuhulira Yahova kuvita kuhaana visiuviliru via magondi malahi ligali kuye.