Litanga 22:11 - KITABU KITAKATIFU

¹¹ Navuzwa engelosi wa Yahova yamoloma nu mwoyo munene kutura mu ligulu, “Aburahamu, Aburahamu!” Yativura, “Yee, inzi mbeeye hano.”

Litanga 22:11 Iomraidhean Croise

Litanga 16:7

Engelosi wa Yahova yanyoora Hagari ha kisinukiru cha mazi mwigendanyama kunzira izizaa Shuri

Litanga 21:17

Lwa Nyasaye yahulira muyaayi nalira, engelosi wa Nyasaye yalanga Hagari kutura mu ligulu kandi navoora, “Hagari kigira ki ohenda mwoyo? Utatia mba. Inzi mali kuhulira muyaayi woovo nalira.

Litanga 21:18

Singira uzie ma umuvuguli, kigira inzi ndakamukole kuva baba wi ihiiri enene.”

Litanga 22:1

Inyima wa yaga Nyasaye yageliza Aburahamu; yamulanga, “Aburahamu!” Kandi Aburahamu yativura, “Yee, inzi mbeeye hano!”

Litanga 22:10

Maku yavugula muvano niyetegeka kusinza Isaka muyaayi weve.

Litanga 22:12

Yavoola, “Utasaliriza muyaayi anoho kokora kindu kuye mba. Kalunu inzi manya ndi ivi ohezaa Nyasaye luyali kandi utizaa Nyasaye, kigira umali kumanyia ndi uvugilira kuhaana muyaayi woovo wengine kuli kisiuviriru kuye.”

Litanga 22:16

“Inzi Yahova, nzisuha kulieta liange mwene ndi ndakugasiza ligali. Nomba liesuha yili kigira ivi watia inzi kandi wavugilira kuhaana muyaayi woovo weng'ine ku inzi.

Litanga 24:7

Yahova, Nyasaye wu Mwigulu yaanduliza hango ha baba wange kandi mukivala cha viko vange, ma niyisuha kovora ndi, alamba kivala yiki kali kuduuka ku visukululwi viange. Alatuma engelosi yeeye imbiri woovo, kunangwa uduuki konyoore lamuyaayi wange mukali.

Litanga 31:11

Maku engelosi wa Nyasaye yamoloma na inzi mu maloto nevoola, ‘Yakobo!’ Ndaativura, ‘Mbeeye hano.’

Litanga 37:13

Yakobo yavolera Josefu, “Inzi nyenya ivi uzie Shekemu uwa avamwavo vovo vaayizi mitugu.” Josefu yativura, “Yee ndazia.”

Litanga 46:2

Nyasaye yamoloma kuye mu malola vudiku kandi naalanga, “Yakobo, Yakobo!” “Yavoola yee inzi mbeeye hano.”

Litanga 48:16

Engelosi yasoola kutura ku vudamanu vwosi, yaanza uvagaasizi! Lieta liange harara na mita ga vaguuga vange, Aburahamu na Isaka gagulikwi avayaayi yava! Vave ni zinzivulu zia vana vanyingi kandi visukululwi vinyingi!”

Kutwula 3:2

Uwene yeyo, engelosi wa Yahova yaloleka ku Musa kuli lomemo lwu muliru nilutulaa hagati hi kisaka. Musa yahenza naalora kisaka yikio chaduuka umuliru, navuzwa sichahiizaa mba.

Kutwula 3:4

Lwa Yahova yalora ndi Musa yisunda ahimbi alole, yamulanga kutura hagati hikisaka navoora, “Musa, Musa!” Naye yahugira “Mbeeye hano.”

Isaya 6:8

Maku ndahulira Yahova navoora, “Nivwaha wanyala kutuma? Kandi nivwaha unyala kuva mutumwa wiitu?” Maku ndavoora, “Inzi mbeeye hano nduma!”

Vikolwa 26:14

Kunyi kwosi kwagwa hasi. Ndaahulira mwoyo nigombolera mu lulimi lwu Luheburaina: ‘Saolo, Saolo! Kigira ki undambizaa? Ivi mwene wisaliriza vuzwa niiva ulasa luvasi kuli igiriki ilasaa luvasi ku vwugi vwi imbimbu yu mwene wagituga.’

Vikolwa 9:4

Yagwa hasi naahulira mwoyo nigumuvoolera, “Saolo, Saolo! Kigira ki undambizaa?”

Vakalagi 2:1

Engelosi wa Yahova yatura Giligali kuzia Bokimu, kandi navolera avandu va Isiraeli: “Ndaamutuliza Egebeti nimuleeta mukivala chandaalagira avababa vinyu. Ndavoora, sindivunanyia lilagana liange ni munyi mba.

1 Samweli 3:10

Yahova yaza nasingira ho, naalanga kuli lwa imbiri, “Samweli! Samweli!” Samweli yativura, “Moloma; mutumikiri woovo mbulirizaa.”

1 Samweli 3:4

Yahova yalanga, “Samweli! Samweli!” Samweli yativura, “Yee, Mwami mbeeye hano!”