Litanga 21:12 - KITABU KITAKATIFU

¹² Navuzwa Nyasaye yavolera Aburahamu ndi, “Utahenda mwoyo kigira muyaayi nu mutugwa woovo Hagari mba. Okole aga Sara akovoleraa, kigira ulakanyore visukululwi via inzi ndaakulaga kuvitira mu Isaka.

Litanga 21:12 Iomraidhean Croise

Litanga 17:19

Navuzwa Nyasaye yavoola, “Awa. Mukali woovo Sara alakwivulira mwana muyaayi kandi ivi ulamugulika Isaka. Inzi ndalinda lilagana liange harara naye kandi ni visukululwi vivie mihiga ni mihiga. Liveeye lilagana litaveeye ne keheri.

Litanga 17:21

Navuzwa inzi ndalinda lilagana liange nu muyaayi woovo Isaka, uwa Sara alakivuli mu ing'inga kuli yinu muhiga guzaa.”

Isaya 46:10

Kutura mulitanga, ndalolekizaa agaza gekoleke; kale ligali ndaavura agaali ganyala kwekoleka. Ndavoora ndi, lilohiza liange sililagwa mba, kandi ndakora vuli kindu choosi cha ndasaavira kokora.

Vagalatia 4:30

Navuzwa Mang'oda Matakatifu gavoora ki? Gavoora, “Kunga mukali mutugwa harara nu mwana weve kigira mwana wu mukali mutugwa si alanyoola ku miandu ja baba weve harara nu mwana wu mukali muvoholore mba.”

Vahebraina 11:18

Nyasaye yaali niyavoolera Aburahamu, “Visukululwi vivio vilakanyoleke kuvitira mu Isaka.”

1 Samweli 8:7

na Yahova yavoola, “Uhulirize ku vindu viosi via vandu vakovolera. Siaveeye ivi wa vamali kwambakana, navuzwa inzi niyie wa vamali kwambakana kuli Mwami wavo.

1 Samweli 8:9

Kulwa yaga, uvahulirize, navuzwa uviganihiza ligali ma uvivaaliri kuli avami vaavo vaza vavakolere.”