Litanga 21:1 - KITABU KITAKATIFU

¹ Yahova yagasiza Sara kuli yaali niyalaga,

Litanga 21:1 Iomraidhean Croise

Litanga 17:16

Inzi ndamugasiza, kandi ndamuha mwana muyaayi. Ndamugasiza kandi alava mama wi zihiiri zinyingi, kandi avami valakatuli mu visukululwi vivie.”

Litanga 17:19

Navuzwa Nyasaye yavoola, “Awa. Mukali woovo Sara alakwivulira mwana muyaayi kandi ivi ulamugulika Isaka. Inzi ndalinda lilagana liange harara naye kandi ni visukululwi vivie mihiga ni mihiga. Liveeye lilagana litaveeye ne keheri.

Litanga 17:21

Navuzwa inzi ndalinda lilagana liange nu muyaayi woovo Isaka, uwa Sara alakivuli mu ing'inga kuli yinu muhiga guzaa.”

Litanga 18:10

Yahova yavoola, “Mieli tisa kutura kalunu inzi ndakirane, kandi mukali woovo Sara alakanyoole mwana muyaayi.” Sara yahulirizila inyima wi kiliango chi lihema.

Litanga 18:14

Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

Litanga 24:36

Sara mukali wu munene wange, yamwivulira mwana muyaayi lwa yaali naveeye musakulu, ma munene wange naamuha miandu jije josi.

Litanga 50:24

Yavolera avamwavo veve, “Inzi mbeeye ahimbi kukuza, navuzwa Nyasaye alamulinda. Alamutuliza mukivala yiki nukumuhira mukivala chayisuhizira Aburahamu, Isaka, kandi Yakobo.”

2 Avami 4:17

Navuzwa kuli Elisha yaali navooye, ahimbi ku ing'inga yeyo muhiga gwalonda ku, mukali oyo yivula mwana muyaayi.

Zaburi 106:4

Unzizulizi O, Yahova, lwa okonyaa avandu vovo; lwa ohonyia avandu vovo, umbalizi harara navo.

Zaburi 12:6

Makuva ga Yahova gaveeye giligali kandi gukusuuvirwa, gaveeye agiligali kuli izahabu isiyirwa mu kisambiru haali saba.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Kutwula 3:16

Uzie uvuganyie harara aviimiliri va Isiraeli vosi uvavoolere ndi, Inzi Yahova, Nyasaye wa vaguuga vinyu, Nyasaye wa Aburahamu, Isaka, na Yakobo, ololeki ku ivi. Uvavoolere ndi, Ligali umali kuuza kuvo kandi mali kolola ga vandu va Egebeti vamukolera.

Kutwula 4:31

Vasuuvira, kandi lwa vahulira ndi Yahova umali kuuza kuvo kandi ololi kuli vadambizwa kivi kenene, vinama hasi nivasigamira Yahova.

Matayo 24:35

Ligulu ni lirova vilavita, navuzwa amakuva gange sigalivita mba.”

Luka 1:68

“Agasizwi Mwami Nyasaye wa Isiraeli, kigira umali kogeniha kandi ohonyi avandu veve.

Luka 19:44

Valamudiviza ligali harara na vana vinyu avaveeye mu madigi ginyu. Sivalileka ligina kali lilala ku lindi mba kigira simwamanyiriza ing'inga yiliiza lia Nyasaye ku munyi mba!”

Vagalatia 4:23

Mwana weve wu mukali mutugwa yiivulwa kolondekana ku liiva liu muviri, navuzwa mwana wu mukali muvoholore yiivulwa kolondekana ku lisuuvirizwa lia Nyasaye.

Vagalatia 4:28

Kalunu munyi avaamitu vange, muveeye avana va Nyasaye kuli mativuli gi lisuuvirizwa lilie, kuli Isaka yaali.

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Ruth 1:6

Lwa Naomi yahulira naveeye mu Moabu ndi, Yahova yaali nagasizi avandu veve kulwu kuvaha ligesa lilahi, yetegeka kutura mu Moabu harara na avanavizara veve.

1 Samweli 1:19

Mugambazuri lidiku lialonda ku, Elikana harara na vinyumba yeeye vavuuka mu mavwevwe, kandi inyima wukusigamira Yahova, virana yengo wavo ha Rama. Elikana yaali harara numukali weve Hana na Yahova yamutivulira lisaala lilie.

1 Samweli 2:21

Yahova yagasiza Hana ligali, kandi yivula avayaayi vandi vavaga na vakana vaviri. Musoleri Samweli yaviruka mu vutumiki vwa Yahova