Litanga 2:17 - KITABU KITAKATIFU

¹⁷ navuzwa utalia makuyu ku musaala guhana limanyiriza uvulahi nuvudamanu mba. Niiva ulalia makuyu gagwo ligali ulakuza lidiku liene yilio.”

Litanga 2:17 Iomraidhean Croise

Litanga 2:9

Yahova Nyasaye yakola misaala josi milahi komera nukuhaana makuyu malahi. Musaala gwi livamwoyo nu musaala gwi limanyiriza agaveeye malahi namadamanu jaali mu mulimi hagati.

Litanga 20:7

Navuzwa kalunu, oleke mukali uyu yirani ku musaza weve. Musaza weve aveeye muporofeti, kandi alakusaalira kunangwa uvuli kukuza. Navuzwa niiva si ulamuleka yirani ku musaza weve, inzi gwiganihizaa ndi ivi harara na vandu vovo vosi mulakuza.”

Litanga 3:11

Nyasaye yamuteeva, “Nivwaha okovooleye ndi oveeye chahonyo? Uliiyi amakuyu gu musaala gwa ndakulaga ndi uvuli kulia ku?”

Litanga 3:17

Yahova Nyasaye yavolera musaza, “Ndalaama lirova kigira umali kuvugilira makuva gu mukali woovo, kandi umali kulia ku makuyu gu musaala gwa ndakulaga uvuli kulia. Ulayinzira vudinyu mu madiku gi limenya liilio liosi kunangwa onyoore cha ulia.

Litanga 3:19

Ivi ulayinzira vudinyu nukutura ologeri kunangwa uduuki konyoora chulia. Ivi walombwa kutura kumalova kandi ulakilane kumalova.”

1 Avami 2:37

Niiva ulatula na uzie engereka wu mugera gwa Kidironi, ivi ulakuza ligali, na amasahi googo galava ku mutwi gwugwo mwene.”

1 Avami 2:42

yatumana yaaze kuye navoora, “Ndakwisuuhiza ku lieta lia Yahova uvuli kutura Jerusalemi. Kandi ndakwiganihiza ndi niiva ulakola ndio, ulakuza ligali. Ivi wavugilira ma novoora ndi ulambulira?

Jeremia 26:8

kandi lwandaali nindakamara komoloma goosi aga Yahova yaali niyandagi kovora, vangumira nivahanzuka, “Gakuduukiraa witwi kulwayaga!

Ezekieli 18:13

kandi kwegobiza mabesa nu konyoora vukala. Mundu uyu si alamenya mba, kigira yamala kokora vindu vinyingi viukuvihiliriza. Maku alakuza kandi aladulwa kigira likuza lilie.

Ezekieli 18:32

Inzi sisangaliraa likuza liu mundu kali mulala mba. Mwiganiri uvwoni vwinyu na mumenye.” Yahova Wuvunyali avoora.

Ezekieli 18:4

Henza, avandu vosi vaveeye avange, avababa kandi avana vosi vaveeye avange. Mundu okolaa uvwoni niyie ulikuza.

Ezekieli 33:14

Niiva ndiganihiza umundu mudamanu ndi azizaa kukuza, ma alekele kokora uvwoni kandi akole malungi kandi malahi,

Ezekieli 33:8

Niiva ndarandiza ndi, umundu mudamanu azizaa kukuza navuzwa uvuli kumwiganihiza aleke uvwoni kunangwa ahone, maku alakuza nakikiri mwoni, kandi ndakudula kigira likuza lilie.

Livalidza 26:65

Yahova yaali navooye ndi vosi valakakuzili mwigendanyama, nitali Kalebu muyaayi wa Jefune harara na Joshua muyaayi wa Nuni.

Varumi 1:32

Kali niiva vamanya lilago lia Nyasaye livoora ndi, avandu vamenya munzira yiyi vaduukana likuza. Nitali sigaveeye vuzwa yavo vazizagilira kokora ivindu viene yivi, navuzwa vavugilira avandu vandi vakolaa vindu zana yivi.

Varumi 6:16

Si mumanyi ndi lwa mwitulizaa aveene kuli vatugwa kuhulira mundu wundi, munyi muveeye ligali avatugwa vu munene wa muhulira oyo-munyala kuva avatugwa vu vwoni, navwo voleetaa likuza, anoho munyala kuva avatugwa vi lihulira ilimwimiliraa muduuki kokolwa avalungi imbiri wa Nyasaye.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

Varumi 8:2

kigira Lilaga lia Roho, oleetelaa kunyi livamwoyo mu lihambanywa harara mu Kristo Yeso, limali komboholola kutura mu Lilaga liu vwoni kandi lie likuza.

1 Vakorintho 15:22

Kuli avandu vosi vaakuza mulihambana Adamu kandi ndio vosi valakasimugukizwi kuva mulihambana na Kristo.

1 Vakorintho 15:56

Ilikuza linyola zingulu zialio kusaliriza kutura ku vwoni, na uvwoni vonyoolaa zingulu ziavwo kutura ku Lilaga.

Vagalatia 3:10

Yavo vosi valonda agi Lilaga lienyaa, vaveeye hasi hi kilaamo. Mang'oda Matakatifu gavoora, “Mundu woosi, utahulira no kokora goosi agang'odwa mu kitabu chi Lilaga, aveeye hasi hi kilaamo cha Nyasaye.”

Vafeso 5:14

Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

Kwidzulitsa 27:26

“ ‘Alaamwe oyo uvula kuhulira amalago na amigizu goosi ga Nyasaye.’ “Avandu vosi valavoora, ‘Amini!’

Kwidzulitsa 30:15

“Henza, kalunu muheezaa litovola hagati hu vulahi nu vudamanu, livamwoyo ni likuza.

Kwidzulitsa 30:19

Inzi kalunu muheezaa litovola hagati hi livamwoyo ni likuza, hagati hu vugasu vwa Nyasaye ni kilaamo cha Nyasaye, kandi nangaa ligulu ni lirova kololekiza litovola lia mulomba. Tovoli livamwoyo kunangwa munyi harara ni visukululwi vienyu muduuki kuva mwoyo.

Vakolosai 2:13

Lwa mwaali nimwakuzira mu lihiola lienyu nu mulivula kokevwa miviri jinyu, Nyasaye yaarnuha livamwoyo harara na Kristo, yakusaameha uvwoni vwitu vwosi;

Yakobo 1:15

Maku likayirwa lilie lidamanu zana yilio liverekaa ma liivula uvwoni, nuvwoni lwa vumala kuviruka, vwivulanga likuza.

1 Yohana 5:16

Niiva mundu alolaa amwavo weve naakoraa uvwoni vutaveeye vumudukiza ku likuza, gamudukira amusaaliri ku Nyasaye, na Nyasaye alamuha livamwoyo litahera mba. Likuva yili mbolera yavo avakolaa uvwoni uvutavimiliraa kuduuka ku likuza. Navuzwa voveeye ho nu uvwoni vuhilaa vandu mu likuza. Simbolaa musaale Nyasaye ku vwene yivwo mba.

Likunula 2:11

“Uyu oveeye nu gutu, ahuliri aga Roho avolera amakanisa. “Uyu ugutaa sialanyoola kivi chi likuza lia kaviri mba.

Likunula 20:14

Maku likuza ni kivala cha vakuzu viasiuvwa mu inyanza yu muliru. Inyanza yu muliru yiyi nilio likuza lia kaviri.

Likunula 20:6

Vaveeye nuvugasu yavo avaveeye ni lisanga mu lisimugukizwa liu kutanga. Likuza lia kaviri siliveeye ni zinguru kuvo mba; valava avasaalisi va Nyasaye kandi ava Kristo, na valamiha harara naye ku mihiga elefu ndala.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Vakalagi 3:2

Yakola yaga kunangwa yigizi ivisukulurwi via vandu va Isiraeli viduuki kumanya kigira uvulwani, mbitilira yavo avaari nivakikiri kuziaku mu vulwani.

1 Samweli 14:39

Musuuviriza munyi ku lieta lia Yahova oveeye mwoyo, ohezaa vandu va Isiraeli liguuta, ndi umuhioli oyo aliitwa, kali yava naveeye muyaayi wange Jonazani.” Navuzwa sihaali numulala wavoola kindu.

1 Samweli 14:44

Saolo yamuvolera, “Nyasaye yanduyi nguzi niiva siuliitwa mba!”

1 Samweli 20:31

Si umanyi ndi kolohoono lwa Daudi mwana wa Jese aveeye mwoyo ku lirova, ivi ulava mwami wi kivala yiki? Kalunu tula uzie kumuleeta hano kigira kuduuka akuzi ligali!”

1 Samweli 22:16

Mwami yavoola, “Ahimeleki, ivi na viiko voko vosi kuduuka mukuze.”