Litanga 19:34 - KITABU KITAKATIFU

³⁴ Lidiku lialondaku, mukaana munene yavolera mukaana muke ndi, “Inzi ndaali harara na baba wiitu vudiku vwa mugolova. Kalunu genda kumuhe iwaini ahambiki vudiku vwa kalunu, ma ivi ove harara naye, maku vuli mulala ku kunyi yiivuli mwana na baba wiitu.”

Litanga 19:34 Iomraidhean Croise

Litanga 19:33

Vudiku vwene yivwo, vaaha baba wavo iwaini naanwa ma nahambika. Mukaana muhindira yamanya nava na baba weve; navuzwa yaali muhambiku ligali na si yamanyiriza cha yakola mba.

Litanga 19:35

Kunangwa vudiku vwene yivwo, vamuha iwaini ma nahambika ligali. Mukaana muke yaali harara naye, navuzwa yaali muhambiku ligali na si yamanyiriza cha yakola mba.

Isaya 3:9

Lihenza lie zimoni ziavo lilorekiza kuva liu kuhing'ana. Vamali kokora uvwoni havulavu, kuli lidaala linene lia Sodoma. Vamali kudiva! Vamali kwivika mu vudamanu aveene.

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Jeremia 6:15

Vaali nizisoni kigira vakora ivindu viukuvihiliriza yivi? Awa, sivali nizisoni kali hakuzu mba; sivaheendaku mwoyo mba. Kulwayago valagwa kuli avandu vandi vamali kugwa; lwanambahe amageri, yilio nalive limaliriza liavo. Inzi Yahova, mali, kovora.”

Jeremia 8:12

Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.