Litanga 19:2 - KITABU KITAKATIFU

² navoora, “Avami vange, inzi mbeeye hano kutumikira munyi. Mwaza yaanzi muuzi munyumba yange. Mwisaave virenge vienyu kandi musoose mu vudiku vwa lero. Maku mulatula mugambazuri.” Navuzwa zingelosi yava vaativura, “Awa, kunyi kulava hano hagati hi lidaala linene vudiku vwa lero.”

Litanga 19:2 Iomraidhean Croise

Litanga 18:4

Leki muletere mazi mwisaave virenge. Munyi munyara kososera mu musaala yigu.

Litanga 19:1

Lwi zingelosi vaviri vaduuka mu lidaala lia Sodoma ing'inga ya ha mugolova, Loti yaali niyikaye ha kirivwa chi lidaala. Nonoho lwa yavalola, yazia navaganira. Yinama imbiri wavo

Litanga 19:3

Navuzwa Loti yavagoonya, ligali, kunangwa zingelosi yava vavugilira kuzia na Loti munyumba yeeye. Yavolera avatumikiri veve kolomba mugadi gutaveeyemu na mamera, ma navalombera lilia lilahi.

Litanga 24:31

Labani yavolera mundu, “Hamba kuzie yengo ivi oveeye mundu wa Yahova amali kugasiza. Kigira ki usingiyi ha kidaho? Munyumba yange mbeeye mu novogono vuduuka ivi harara ni zing'amia zizio.”

Litanga 43:24

Mutumikiri oyo yavahila munyumba ya Josefu kandi navaha mazi agu kwisaava virenge viavo. Kandi yahaana viukulia kuzibunda ziavo.

2 Samweli 11:8

Maku yavolera Uria, “Zia yengo osose hake.” Uria yatura nazia, Daudi yatuma kihanwa kuye yengo weve.

Ayubu 31:32

Ndaagenihiza avandu vokologendo munyumba yange, na sindavaleka vagone kuzinzira mba.

Tsing'ano 25:17

Utahongelera kuzia wu mutende woovo mba, ulamuluhiza naye alakuduunyila.

Lwimbu lwa Solomoni 5:3

Inzi mali kutuliza zinguvu ziange; kigira ki nzirane kuzievika? Mali kwisaava vilenge viange, kigira ki nzirane kuvimwaminya?

Luka 7:44

Yeso yagirung'ana nahenza mukali na avooreraa Simoni, “Olola mukali uyu? Nyingiyi munyumba yooyo, na ivi siombeeye amazi gu kwisaava virenge viange mba. Navuzwa mukali uyu usavizi virenge viange na maliga geege, kandi weeyi maliga zana ni liisu liu ku mutwi gwigwe.

Yohana 13:5

Maku yaazuka amazi mubenzeni natanga kusaaviza virenge via aviigi veve kandi kuveeya ni itahoro ya yaali niyevohi.

Vikolwa 16:15

Inyima wu mukali oyo harara navinyumba yeye vaali nivakabatizwa, yakwingiriza navoora, “Hambi mumenye munyumba yange niiva mumali kolola ndi mbeeye musuuviri wiligali mu Mwami. Yakogoonya kuzie naye.”

Vahebraina 13:2

Mwizurizi kwingiriza avageni mu zinyumba zienyu. Mu likora ndio vaali ho avalala vingiriza zingelosi nivatamanyi.