Litanga 19:13 - KITABU KITAKATIFU

¹³ Kigira kuziiza kudiviza havundu yaaha. Yahova yamala kuhulira vindu vidamanu ligali via vandu va Sodoma vakora. Kulwayago yaakutumi kudivizi lidaala yili.”

Litanga 19:13 Iomraidhean Croise

Litanga 13:13

uwa vandu valio vaali avachamu kandi vakora uvwoni ku Yahova.

Litanga 18:20

Maku Yahova yavoola, “Aburahamu, inzi mali kuhulira ndi avandu va Sodoma na Gomora vakolaa uvudamanu vwizing'ano ziosi.

Litanga 19:12

Avasaza vaviri yava vaavoolera Loti, “Niiva oveeye nu mundu woosi hano ku vayaayi, avakaana anoho navizara anoho aviiko vovo vandi avamenyi mu lidaala yili, uvatulizi mu lidaala yili,

Isaya 3:11

Navuzwa avandu vadamanu valadivizwa; agavakolera avandi, navo kandi valakolerwa ndio.

Isaya 36:10

Muganaganaa ndali kwingilira kivala chienyu nukukidiviza vugira Yahova kongonya? Yahova mwene yambolera nduuki kuchingilira nukudiviza.”

Isaya 37:36

Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Jeremia 44:22

Kuduuka kalunu ndi, kivala chiinyu keveeye amang'anye kandi mundu siamenyi mucho mba. Kimali kugwa havundu hu kutihiza, kandi avandu vaatumikira lieta liacho kuli kilaamo, kigira Yahova si yaali anyala kwikuzira uvuchamu vwinyu kandi vikolwa vienyu vidamanu mba.

Kyavalevi 26:30

Ndononyia havundu hinyu hukusigamira ku vigulu, ndasambura uvwali vwinyu vwi kimuli kandi ndasiuva miviri jinyu mikuzu ku vifananyi vienyu viagwa. Mulivihilirwa liange linene.

Livalidza 16:21

“Mwiyahuli kutura ku vandu yava, ninzi ndavadiviza vwangu ligali.”

Vikolwa 12:23

Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.

Kwidzulitsa 28:45

“Vilaamo yivi viosi vilaza ku munyi kandi vilava ni munyi kuduuka lwa mudivizwa ligali, kigira simwahulira Yahova Nyasaye winyu nokugumira malago gege ga yamuuha mba.

Kwidzulitsa 4:26

Nangaa ligulu ni lirova kuli valolekizi ku munyi kalunu ndi, niiva simulahulira inzi mulatulaho vwangu kutura mu kivala yicho. Simulamenya ku ing'inga indambi mu kivala keveeye engeleka wa Jorodani ichamuveeye ahimbi kuvugura mba. Muladivizwa ligali.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.