Litanga 18:6 - KITABU KITAKATIFU

⁶ Aburahamu yazia vwangu mu lihema kandi navolera Sara, “Kola vwangu, vugula vusie vuvwo vulahi ligunia lilala, kandi olombe mugadi.”

Litanga 18:6 Iomraidhean Croise

Litanga 18:5

Ndamuletera kandi chukulia kikekeeke; kiduuki kumuha zinguru kuzizagilira nologendo lwinyu. Munyi mumali kumba luyali kuuza munyumba yange, kunangwa muleke inzi mutumikiri.” Kunangwa vavoola, “Kola kuli umali kovora.”

Litanga 18:7

Maku yanyagula zimbiru nazia mu mitugu gige natovora kemoli kedoto kandi kekomeru, ma naha mutumikiri, uwa didikana kukedeka.

Litanga 19:3

Navuzwa Loti yavagoonya, ligali, kunangwa zingelosi yava vavugilira kuzia na Loti munyumba yeeye. Yavolera avatumikiri veve kolomba mugadi gutaveeyemu na mamera, ma navalombera lilia lilahi.

2 Samweli 13:6

Kunangwa Amunoni yagona hasi niyiigadiza ndi alwalaa. Lwu mwami Daudi yazia kumulora, Amunoni yamuvolera, “Ndakayanzi mbozo wange Tamara yaaze kumba chukulia. Alombere chukulia yiki imbiri wi zimoni ziange, nindoraa, ma ndie kutura mu mukono gwigwe.”

Zaburi 119:60

Ngolaa vwangu vugira kulindagira kuhulira amalago googo.

Isaya 32:8

Navuzwa mundu wuluyali akolaa vindu nu vusuuvirifu, kandi aveeye muduukiru mu vindu viu vulungi.

Matayo 13:33

Yeso yavavolera lugano lundi: “Uvwami vwu mwigulu voveeye kuli amamera gu mukali yavugula nazuganyia mu kihinda chu vusie, kuduuka ni vugwa amamera vwosi ma nivuvimba.”

Vikolwa 16:15

Inyima wu mukali oyo harara navinyumba yeye vaali nivakabatizwa, yakwingiriza navoora, “Hambi mumenye munyumba yange niiva mumali kolola ndi mbeeye musuuviri wiligali mu Mwami. Yakogoonya kuzie naye.”

Varumi 12:13

Mukoonye Vakrisitayo vache mu vudaka vwavo. Muve avingirizi vavageni kandi avihuli vizinyumba zienyu.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vahebraina 13:2

Mwizurizi kwingiriza avageni mu zinyumba zienyu. Mu likora ndio vaali ho avalala vingiriza zingelosi nivatamanyi.

1 Petro 4:9

Mugenihizane aveene naveene vugira kwigana.

Vakalagi 6:19

Kunangwa Gidioni yazia munyumba nadeeka ekememe chimbuli, natumikira uvusie zikilo likomi na ndala ninusu vutazugaani mu namamera okolomba mugadi. Yavika inyama zana mungungi; ma naviika umuunyu gwayo munyingu nukuhilira engelosi wa Yahova hamusaala.

1 Samweli 28:24

Mukali oyo yita kemoli vwangu cha yaali naanetizaa nivakilia. Maku yavugula uvusie naavuduvula kandi yuminya umugadi gutali mu na mamera.