Litanga 18:25 - KITABU KITAKATIFU

²⁵ Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

Litanga 18:25 Iomraidhean Croise

Litanga 18:24

Ivi uladiviza lidaala liosi kali niiva liveeye mu na avandu 50 avataveeye nimbara?

1 Kyetsinyinga 16:33

Misaala giveeye mu militu girasangala imbiri wa Yahova, lwa Yahova yaazaa kukalagira avilirova.

2 Kyetsinyinga 19:7

Kunangwa kalunu, muhaane ku Yahova luyali, mwilindi ku goosi aga mukoraa, kigira Yahova Nyasaye wiitu sialiikuzira ku lichaminya uvulungi, anoho liyanzilira magondo mu likalaga, anoho livugula vikukula.”

Nehemia 9:33

Ivi wakola vulahi nu hana mageri ku kunyi, ivi waali musuuvirifu, kali niiva kunyi kwakora uvwoni,

Ayubu 34:10

Mbulirizi, munyi avandu vilimanya linyingi? Nyasaye Wuvunyali anyala kokora agaveeye madamanu?

Ayubu 34:12

Gaveeye agiligali ndi, Nyasaye siakolaa uvudamanu mba. Kandi Wuvunyali sialachaminya likalaga lirungi.

Ayubu 8:20

“Ligali, Nyasaye sialaleka avasuuvirifu veve mba, kandi sialakonya avakolaa uvudamanu mba.

Ayubu 8:3

Uganaganaa Nyasaye achaminyaa likalaga lirungi? Anoho uganaganaa Wuvunyali achaminyaa uvulungi?

Zaburi 50:6

Ligulu liosi limanya ndi, Nyasaye aveeye mulungi, kandi niye umwene ukalagiraa avandu veve.

Zaburi 58:11

Avandu valavoora, “Ligali avalungi valaheevwa madanyi; ligali aveeye ho Nyasaye ukalagiraa lirova.”

Zaburi 7:12

Niiva sivalagirung'anyia zinzira ziavo zindamanu, Nyasaye alahiagala kivavi chiche. Amali kunyiira uvuta vwivwe vwetegeki kulasa.

Zaburi 75:3

Kali niiva vilombe viosi mu lirova lidengeyizwa, inzi mwene niyie usingirizaa misingi jalio vudinyu.

Zaburi 94:2

Ivi oveeye mukalagi wa vandu vosi; singira na uhaane ku vandu avuluyayi kidukanaa navo!

Zaburi 98:9

kigira Yahova yaazaa kwamiiha lirova. Alamiiha avandu vi lirova ni likalaga lirungi kandi nilikalaga lilahi vugira liyaanzilira.

Kohelethu 3:17

Ndavoora mumwoyo gwange, “Nyasaye alakakaragiri avandu valungi na vachamu likalaga lilala, kigira vuli kindu kandi vuli kekolwa kilakekoleke ing'inga yakialagilwamu.”

Kohelethu 7:15

Limenya liange liveeye lia vuzwa, navuzwa mali kolola vindu viosi. Koveeye ho nu mundu mulungi ukuza mu vulungi vwivwe kandi koveeye ho nu mundu muchamu omenya madiku manyingi nokokola vindu vidamanu.

Jeremia 11:20

Maku ndaasaara nembora, “Yahova Wuvunyali, ivi oveeye mukalagi mulungi; kandi ogerizaa mioyo ja avandu kandi zing'anagani ziavo. Inzi mali kuviika makuva gange ku ivi. Ndakayanzi kokolola nuvanzaa kisaalia ku avasigu vange.”

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Ezekieli 18:25

“Navuzwa munyi muvooraa, ‘Likora lia Yahova si liveeye lirungi mba.’ Mumbulirizi kalunu, munyi avandu va Isiraeli. Muganaganaa likora liange si liveeye lirungi? Likora lienyu nilio litaveeye lirungi.

Malaki 3:18

Avandu vange valakalole kandi kindu kilakekoleke hagati ha vandu valungi na vandu vachamu, ku mundu undumikira kandi mundu utandumikilaa.”

Livalidza 16:22

Navuzwa Musa na Haruni vinama vweni vwavo nivudiira kumalova nivavoora, “O, Nyasaye, Ivi oveeye vutangiliru vwi livamwoyo lia vandu vosi. Lwu mundu mulala akolaa uvwoni, ulava nu vutima na vandu vosi?”

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.

Kwidzulitsa 1:16

“Ing'inga yene yeyo ndaavolera aviimiliri vinyu ndi, ‘Muhulirizi ovosooro voveeye hagati ha avandu vinyu muhelane likalaga liuvulungi ku vuli vosoolo, kali niiva vaveeye ku vandu vinyu anoho avageni vamenyi hagati hinyu.

Kwidzulitsa 1:17

Mutamanyia liyaanzilira lovega lulala mu likalaga lienyu mba. Mukalagiri mundu sa mulala keleng'ani; kali ave nivwaha, munene anoho mukekeeke. Mutatia mundu kali mulala mba, kigira likalaga lia muhaanaa litulaa ku Nyasaye. Niiva likuva liosi liveeye lidinyu kumunyi mulileete kuinzi, na ndalikalaga.’

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Vahebraina 12:23

Mumali kuuza mu livugana linene liuvusangali lia vandu va Nyasaye avatanga kwivulwa, avamita gaavo gang'odwa mwigulu. Mumali kuuza ku Nyasaye oveeye mukalagi wa vandu vosi, nu ku mioyo ja vandu vakolwa valungi.

Vakalagi 11:27

Awa, Inzi ngikiri kokogolera ku vudamanu vwosi mba. Ivi okolaa vudamanu lwawenya kunwaana. Yahova niye umukalagi. Alakalaga kalunu hagati ha vandu va Isiraeli na vandu va Amoni.”