Litanga 18:14 - KITABU KITAKATIFU

¹⁴ Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

Litanga 18:14 Iomraidhean Croise

Litanga 17:16

Inzi ndamugasiza, kandi ndamuha mwana muyaayi. Ndamugasiza kandi alava mama wi zihiiri zinyingi, kandi avami valakatuli mu visukululwi vivie.”

Litanga 17:21

Navuzwa inzi ndalinda lilagana liange nu muyaayi woovo Isaka, uwa Sara alakivuli mu ing'inga kuli yinu muhiga guzaa.”

Litanga 18:10

Yahova yavoola, “Mieli tisa kutura kalunu inzi ndakirane, kandi mukali woovo Sara alakanyoole mwana muyaayi.” Sara yahulirizila inyima wi kiliango chi lihema.

Litanga 18:13

Maku Yahova yateeva Aburahamu, “Kigira ki Sara aseki nokovoora, ‘Inzi nyara ligali konyoora mwana lwa mbeeye mukeere?’

Litanga 18:15

Sara yaali nuvuti, nagaya navoora, “Inzi seki ku mba.” Navuzwa yavoola, “Yee ivi oseki.”

Litanga 21:1

Yahova yagasiza Sara kuli yaali niyalaga,

Litanga 21:2

kandi yavereka ma niyivulira Aburahamu mwana muyaayi lwa yaali naveeye musakulu. Mwana muyaayi yiivulwa ku ing'inga ya Nyasaye yavoola alakivulwi.

2 Avami 4:16

na Elisha yamuvolera; “Ku ing'inga yiyi muhiga guzaa, ulava nu gumiyi mwana muyaayi mu makono googo.” “Mukali oyo yahuga, Oh! Mwaza, mwami, utambehera mba. Ivi oveeye mundu wa Nyasaye!”

Ayubu 36:5

“Henza, Nyasaye aveeye wizingulu, sialegelizaa mundu vosi mba aveeye Wuvunyali ni zinguru zie limanyiriza.

Ayubu 42:2

“Inzi manya ndi ivi, Yahova oveeye ni zinguru ligali, ivi unyala kokora vindu viosi viawenyaa.

Zaburi 90:13

Uvutima vuvwo vulahindira kuduuka ng'inga ki? O, Yahova, overerere avatumikiri vovo.

Zaburi 93:1

Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

Zaburi 95:3

Yahova aveeye Nyasaye munene ligali; aveeye mwami munene ligali igulu ku vanyasaye vosi.

Isaya 50:2

“Kigira ki nivavula kundivulira lwa ndaazia kuvo kuvahonyia? Ndakaminya amazi mu zinyanza ku lilaga liange, kandi ndakaminya amazi mu migera jiosi nu kujikola jumi kuli changarangwi, kunangwa zisuzi ziduuki kukuza kigira uvuluhu vwa mazi.

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Jeremia 32:27

“Inzi mbeeye Yahova, Nyasaye wa avandu vosi. Keveeyeho ni kindu kinyala kutama inzi?

Danyeli 6:20

Lwa yaduuka ho, yalanga nu vuti, “Danieli, muyinziri wa Nyasaye oveeye mwoyo! Nyasaye woovo wa usaala mu giligali aveeye nu vunyali kokosola kutura mu zisimba?”

Mika 7:18

Nivwaha oveeye Nyasaye kuli ivi, usamihaa uvwoni kandi ukunikaa amahiolo ga yavo avatigara avavandu veve avatovole? Siaviika nu vutima vwivwe mihiga ni mihiga kigira usangalaa muvuyaanzi vutaveeye nekeheri.

Zekaria 8:6

“Gaamanya galoleke gokogenyia ku vandu vahononoka mu madiku yaga, si galava gokogenyia ku inzi mba.

Livalidza 11:23

Yahova yativulira Musa, “Zinguru ziange zinyala kogehizwa? Kalunu ulalora aga inzi mali kovora galekoleka anoho galavula kwekoleka!”

Matayo 14:31

Ahene yaho Yeso yanyira mukono gwigwe, namugumira, namuvolera, “Ivi wilisuuvira likekeeke! Kigira ki nuhayahayiza?”

Matayo 19:26

Navuzwa Yeso yavahenza navoora, “Ku vandu, likuva yili silinyalika mba, navuzwa ku Nyasaye, ivindu viosi vinyalikaa.”

Matayo 3:9

Mutiganaganyia aveene kovora, ‘Kunyi koveeye na guuga wiitu Aburahamu!’ Muvooleraa agiligali, Nyasaye anyala kolombera Aburahamu avana kutura ku magina yaga.

Marko 10:27

Yeso yavahenza, navavoolera, “Siganyala kunyalika ku avandu mba, navuzwa ku Nyasaye sigaveeye ndio, kigira ku Nyasaye vindu viosi vinyalikaa.”

Luka 1:13

Navuzwa engelosi yamuvolera, “Utatia mba, Zakaria, kigira Nyasaye ahuliyi lisaala liilio. Mukali woovo Sabeti alakwivulira mwana muyaayi, na ulamugulika Yohana.

Luka 1:18

Zakaria yateeva Engelosi, “Inzi ndamanya ndi amakuva yaga? Inzi mbeeye musakulu na mukali wange yakeera.”

Luka 1:37

Kigira ku Nyasaye, si keveeye ho kindu ikitanyalikaa mba.”

Luka 8:50

Navuzwa lwa Yeso yahulira ndio, yavolera Jairo, “Utatia mba. Usuuviri vuzwa, na alahona.”

Varumi 4:21

Yaali nagiligali ndi Nyasaye anyala kokora cha amali kulaga.

Vafeso 3:20

Kalunu uyu, wi zinguru zizie ziyinziraa mu kunyi, anyala kokora amanyingi ligali kuvita yago agakunyala koteeva anoho kuganaganaa.

Kwidzulitsa 30:3

maku Yahova, Nyasaye winyu alava ni zimbavasi ni munyi. Alamwiranyia kutura mu zihiiri uwa yaali namali kumusalanyia kandi alamukola muve ni limeedeka.

Kwidzulitsa 7:21

Kunangwa mutatia avandu yava mba. Yahova Nyasaye winyu aveeye harara ni munyi; aveeye Nyasaye munene kandi mulala wukutivwa.

Vafilipi 3:21

Alakagirung'anyie imiviri jietu midedekere yiji nukujikola kuva kuli umuviri gwigwe umwene gwu vukumi; Alakatumikiri zinguru yizio koleta ivindu viosi isi wu vwamihi vwivwe.

Vafilipi 4:13

Nyara kokora ivindu viosi kuvitira mu Kristo, uhaana ku inzi, izingulu kusingira.

Vahebraina 11:19

Aburahamu yasuuvira ndi Nyasaye yaali unyala kusimugukiza Isaka kutura mu likuzu; kandi kovora agiligali, Aburahamu yanyoora mwana weve kutura mu likuzu.

Vakalagi 13:3

Engelosi wa Yahova yaloleka ku mukali uyu namuvolera, “Ukikiri kwivura ku avana, navuzwa vwangu, ulaheliza na ulivuula umwana umuyaayi.

1 Samweli 14:6

Jonazani yavolera musoleri zana, “Genda kwambuki kuzie mu hokososa ha vandu va Filisitia vasindi yavo. Hawundi Yahova alakokoonya; niiva akola ndio, sikeveeye ho kindu kimwigalira avuli kuha kunyi liguuta, kali nikoveeye vakekeeke kuli ndi!”