Litanga 17:8 - KITABU KITAKATIFU

⁸ Inzi ndakakohe harara nivisukululwi vivio kivala yiki cha oveeye mu mugeni. Kivala choosi cha Kanaani kilakave chi visukululwi vivio mihiga ni mihiga, kandi inzi ndakave Nyasaye wavo.”

Litanga 17:8 Iomraidhean Croise

Litanga 12:7

Maku Yahova yaloleka ku Aburamu namuvolera, “Yiki nicho kivala cha nziza kuhaana ku visukululwi vivio.” Maku Aburamu yumbakira Yahova uvwali naloleki kuye ahene yaho.

Litanga 13:15

Inzi ndakuha harara nivisukululwi vivio kivala cha ololaa yiki choosi, kandi kilakave chicho mihiga ni mihiga.

Litanga 13:17

Kalunu, zia ogende mukivala choosi, kigira nziza kukuha choosi.”

Litanga 23:4

“Inzi mbeeye vuzwa mugeni omenyi hano hagati hinyu. Muyanze munguliziri kedonye chu mulimi kunangwa nduuki kuyaviramu muviri gwu mukali wange.”

Litanga 26:24

Ku vudiku yivwo Yahova yaloleka kuye kandi navoora, “Inzi mbeeye Nyasaye wa baba woovo Aburahamu. Utatia mba. Mbeeye harara nivi. Ndakugasiza kandi ndakuha visukululwi vinyingi kigira lilagana liange kumutumikiri wange Aburahamu.”

Litanga 28:4

Nyasaye ayaanze akugasizi harara ni visukululwi vivio, kuli yagasiza Aburahamu. Uvuguli miandu ji kivala yiki, icha ivi omenyi mu, kandi icha Nyasaye yahaana ku Aburahamu!”

Litanga 35:27

Yakobo yazia ku baba weve Isaka ha Mamure, ahimbi Heburoni, uwa Aburahamu na Isaka vamenya.

Litanga 36:7

Yazia kigira mukivala cha yamenya mu na mwavo weve Yakobo, chaali kekekeeke ligali ku mitugu jaavo. Vaali ni mitugu minyingi ligali, na si vaali vanyara komenya harara mba.

Litanga 37:1

Yakobo yaazizagilira komenya mukivala cha Kanaani, uwa baba weve Isaka yaali na menyi.

Litanga 48:4

Yambolera, ‘Inzi ndakuha lwivulu lwa vana vanyingi, kunangwa visukululwi vivio navive zihiiri zinyingi. Ndahaana kivala yiki ku visukululwi vivio keve miandu jaavo mihiga ni mihiga.’ ”

2 Samweli 23:5

Kandi nindio Nyasaye aligasiza kisukururwi change, kigira umali kolomba lilagana lie mihiga ni mihiga ninzi, lilagana ililivula kuvunanywa, lisuuvirizwa ililivula kugirung'anywa. Yicho nicho choosi (ichanzegombaa); ikiliva liguuta liange, Na Nyasaye alakakitwekizi.

1 Kyetsinyinga 16:18

Yavoola, “Ndakuha kivala cha Kanaani, kilakave miandu jinyu aveene.”

Zaburi 103:17

Navuzwa uvuyanzi vwa Yahova vuhindiraa mihiga ni mihiga ku yavo avamutizaa; kandi uvugasu vwivwe vuhindiraa ku makura goosi;

Zaburi 105:11

Yavoola, “Ndamuha kivala cha Kanaani, kilava miandu jinyu aveene.”

Zaburi 105:9

Alalinda lilagana lia yalomba na Aburahamu, kandi lisuuviriza lia yisuhira Isaka.

Kutwula 13:11

“Yahova alakamuleete mu kivala cha vandu va Kanaani, icha yisuhira munyi na avaguuga vinyu. Lwa akihaana ku munyi,

Kutwula 21:6

maku munene weve alamuhila havundu hukusigamira Nyasaye. Uwene yeyo alamusingiriza ku muliango anoho ku furemu yu muliango ma afuduli ugutu gwigwe nuluyali. Maku alava umutugwa weve mu livamwoyo lilie liosi.

Kutwula 29:45

Ndamenya hagati ha vandu vange Isiraeli, kandi ndava Nyasaye wavo.

Kutwula 32:13

Wizulizi Lilagana lia walomba na avatumikiri vovo Aburahamu, Isaka na Yakobo. Wizulizi lisuuviriza lia walomba navo ndi ulavaha visukululwi vinyingi kuli zing'ereng'ani ziu mwigulu, kandi kuvaha kivala chawavasuuviriza kuva miandu jaavo mihiga ni mihiga.”

Kutwula 40:15

Maku uvavake amaguta kuli wavaka baba wavo, kunangwa vaduuki kundumikira kuli avasaalisi. Livaka maguta yili lilavakola vave avasaalisi mihiga ni mihiga, muvisukululwi viavo viosi.”

Kutwula 6:4

Ndaalomba lilagana liange navo kandi, niimbasuuviriza kuvaha kivala cha Kanaani, kivala cha vamenya mu kuli avageni.

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Jeremia 25:5

Vaamuvolera mugirung'ane kutura kuzinzira zienyu zindamanu kandi ziu vuchamu, kunangwa muzizagiliri komenya mukivala cha Yahova yahaana kumunyi harara na avaguuga vinyu keve kuli miandu ji mihiga ni mihiga.

Jeremia 31:1

Yahova avoora, “Ing'inga yiza lwandakave Nyasaye wi zihiiri ziosi zia Isiraeli, kandi valakave avandu vange.

Ezekieli 11:20

Maku valakalonde malago gange muvusuuvirifu vwosi valakave avandu vange na inzi ndakave Nyasaye wavo.

Ezekieli 33:24

Yavoola, “Mwana wu Mundu, avandu vamenya mu madaala manene mang'anye gi kivala cha Isiraeli vavoola ndi: ‘Aburahamu yaali vuzwa mundu mulala, navuzwa yahevwa kivala choosi. Kunyi koveeye avanyingi, kunangwa kalunu kivala keveeye chiitu.’

Kyavalevi 14:34

Lwa muduuka mu kivala cha Kanaani, chamuhezaa kuva mwandu gwinyu, ma mbiki mu vulwaye vulandaa kuli vuguku muinyumba, mukivala yicho,

Kyavalevi 16:34

Malago yaga galakolwa lulala vuli muhiga kutakasa avandu va Isiraeli kutura muvwoni vwavo vwosi. Kunangwa, Musa yakola kuli Yahova yamulaga.

Kyavalevi 26:12

Ndava ni munyi; Ndava Nyasaye winyu, na munyi mulava avandu vange.

Zekaria 8:8

kandi ndakavilanyie kutura Ivugwi kandi Imadioli vaze komenya mu Jerusalemi; valakave vandu vange, na inzi ndakave Nyasaye wavo. Ndakavamiihi mu vusuuvirifu kandi mu vulungi.

Livalidza 10:29

Kunangwa Musa yavolera mukwasi weve Hobabu muyaayi wa Jezero kutura Midia, “Kunyi koveeye ahimbi kutanga ologendo kuzia mu kivala cha yahova yavoola, alakihaana ku kunyi. Hamba kuzie harara nive kulakokolera vulahi. Yahova umali kulaga vindu vilahi ku vandu va isiraeli.”

Livalidza 25:13

Oyo harara ni visukululwe vivie valava ni lilagana liu vusaalisi mihiga ni mihiga, kigira yaali nuvuha mulihaana luyali ku Nyasaye weve kandi yaleeta vusamiihi vwu vwoni ku vandu va Isiraeli.”

Livalidza 27:12

Yahova yavolera Musa, “Zia kondongozi yi kiguru cha Abarimu ma ohenze mu kivala chanzizaa kuhaana ku vandu va Isiraeli.

Vikolwa 7:5

Nyasaye siyaamuha ku ekedonye chi kivala yiki keve umwandu gwigwe; mba, navuzwa yamulaga alamuha kivala yiki keve chiche kandi chi ikisukulwi chiche. Ing'inga yene yeyo Aburahamu si yaali nu mwana mba.

Kwidzulitsa 14:2

Muveeye avandu vatovole va Yahova Nyasaye winyu. Kutura mu vandu vosi ku lirova, Yahova umali kotovola munyi muve avandu veve mwene.

Kwidzulitsa 26:18

Kalunu Yahova umali kumuvugilira kuli avandu veve, kuli yamusuuviriza; kandi mulagaa muhuliri amalago geege goosi.

Kwidzulitsa 29:13

kunangwa Yahova aduuki kudinyiriza munyi muve vandu veve, naye ave Nyasaye winyu; kuli yamusuuviriza harara na avaguuga vinyu, Aburahamu, Isaka na Yakobo.

Kwidzulitsa 32:49

“Zia ku vigulu via Abarimu mu kivala cha Moabu, kolovega lundi lwi lidaala linene lia Jeriko; niina ku Kiguru cha Nebo kandi ohenze ku kivala cha Kanaani icha mbeeye ahimbi kuhaana ku avandu va Isiraeli.

Kwidzulitsa 32:8

Oveeye Igulu Ligali kuvita yahaana zihiiri milimi jaavo. Yavukanyia avandu vosi, yavavikira zinzako ziavo kolondekana nilivaliza lia avandu va Isiraeli.

Kwidzulitsa 34:4

Maku Yahova yavolera Musa, “Yiki ni kivala cha ndaasuuviriza Aburahamu, Isaka na Yakobo ndi ndahaana ku visukululwi viavo. Umali kokelola, navuzwa sindaleka uzie yo mba.”

Kwidzulitsa 4:37

Kigira yayanza avaguuga vinyu, yatovola munyi, visukululwi viavo, kandi kuzinguru zizie zinene yamutuliza mu kivala cha Egebeti.

Kwidzulitsa 9:5

Sigaveeye kigira muveeye avalahi kandi mukoraa agaveeye amalungi mba, nandio Yahova amuleeka mwidikiri mu kivala chavo mba. Navuzwa gaveeye kigira vaveeye avadamanu kandi kigira Yahova Nyasaye winyu yenya aduukizi lisuuvirizwa lia yisuhira avaguuga vinyu, Aburahamu, Isaka na Yakobo.

Vahebraina 9:15

Kigira yaga, Kristo niyie olohizaa lilagana lihia, kunangwa yavo ava Nyasaye amali kulanga vaduuki konyoora vugasu vwi mihiga ni mihiga, vwa Nyasaye yavasuuviriza. Yaga ganyala kokolwa kigira likuza limali kuva ho; ilivohololaa avandu kutura mu mahiolo gavakolaa lwa lilagana liukutanga liali nilikikiri ho.

Joshua 1:2

Yavoola, “Mutumikiri wange Musa ukuzi Ivi harara na avandu vosi va Isiraeli, mwetegeke kalunu, mwambuki mugera gwa Jorodani nukwingira mu kivala cha muheezaa.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.