Litanga 17:16 - KITABU KITAKATIFU

¹⁶ Inzi ndamugasiza, kandi ndamuha mwana muyaayi. Ndamugasiza kandi alava mama wi zihiiri zinyingi, kandi avami valakatuli mu visukululwi vivie.”

Litanga 17:16 Iomraidhean Croise

Litanga 1:28

Yavagasiza kandi navavoolera, “Mwivulane kandi mumedeke na mwizuli lirova kandi mu liamihi kandi mwamihi zisuzi kandi vilombe viosi viu mu mazi; manyonyi goosi gu mu ligulu kandi ku lirova, vimolaa ku lirova, mitugu kandi zinyama ziosi ziu muvulimu.

Litanga 12:2

Ndakokola ove ni visukululwi vinyingi, na valakave ihiiri enene ligali. Ndakugasiza kandi ulamanyikana ligali; kandi ulava ugasizaa.

Litanga 15:4

Maku Yahova yavolera Aburamu, “Mutugwa Elieza uyu si alavugula miandu jijo mba, navuzwa mwana woovo mwene niyie ulivugula miandu jijo.”

Litanga 17:15

Nyasaye yavolera Aburahamu, “Ivi si ulalanga mukali woovo Sarai kandi mba; kutura kalunu ulamulanga Sara.

Litanga 17:19

Navuzwa Nyasaye yavoola, “Awa. Mukali woovo Sara alakwivulira mwana muyaayi kandi ivi ulamugulika Isaka. Inzi ndalinda lilagana liange harara naye kandi ni visukululwi vivie mihiga ni mihiga. Liveeye lilagana litaveeye ne keheri.

Litanga 17:6

Inzi ndakuha visukululwi vinyingi, kandi valala kuvo valakave avami. Ivi ulakave ni visukululwi vinyingi kandi mu madiku gaaza valakave zihiiri.

Litanga 21:1

Yahova yagasiza Sara kuli yaali niyalaga,

Litanga 24:60

Maku vaagasiza Rabeka nivavoora, “Mukaana wiitu, uzie kwaganira zingavi, wivuli avandu avanyingi! Visukululwi vivio viguuti nukuvugula miandu ja amadara ga vasigu vaavo!”

Litanga 25:23

Yahova yamuvolera, “Zihiiri ziviri ziveeye munda mumwo; Ivi ulakivuli zihiiri ziviri, avandu vu kuhing'ana. Ihiiri indala ilakave nizinguru kuvita ihiiri yindi. Mukulundu alakatumikiri mwana mukekeeke.”

Litanga 35:11

Nyasaye yavolera Yakobo, “Inzi mbeeye Nyasaye Wuvunyali; ove nu lwivulu lunyingi. Zihiiri zilanyooleka kutura ku ivi, kandi avami valanyooleka kutura ku ivi.

Litanga 36:31

Yava na vami avamiiha mukivala cha Edomu imbiri wu mwami wundi woosi yaali nakikiri kwamiiha avandu va Isiraeli:

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Varumi 9:9

Lisuuvirizwa lia Nyasaye liali ndi: “Ndirana ku ivi ing'inga idukanaa, na Sara alanyoola umwana muyaayi.”

Vagalatia 4:23

Mwana weve wu mukali mutugwa yiivulwa kolondekana ku liiva liu muviri, navuzwa mwana wu mukali muvoholore yiivulwa kolondekana ku lisuuvirizwa lia Nyasaye.

1 Petro 3:6

Sara yaali ndio; yahulira Aburahamu naamulaga umwami weve. Munyi kalunu muveeye avakaana veve ni mukora vulahi nukuvula kutia kindu choosi.