Litanga 17:14 - KITABU KITAKATIFU

¹⁴ Vuli musaza utakevwa sialava mulala ku vandu vange mba, kigira siyalindi lilagana liange mba.”

Litanga 17:14 Iomraidhean Croise

Litanga 17:15

Nyasaye yavolera Aburahamu, “Ivi si ulalanga mukali woovo Sarai kandi mba; kutura kalunu ulamulanga Sara.

Litanga 34:14

Vamuvolera, “Kunyi si kunyala koleka mbozo wiitu azie ku musaza ukikiri kokevwa mba. Yago ganyala kuva gizisoni ku kunyi.

Zaburi 55:20

Wache wange yingilira avalina veve; umali kuvunaga lilagana lilie.

Kutwula 12:15

Yahova yavoola, “Ku madiku saba mutalia mugadi guzuganyiywi mu na mamera mba, mulie vuzwa ugutaveeye mu na mamera. Mulidiku liukutanga gamudukira mutulizi amamera goosi mu zinyumba zienyu, kigira niiva mulala ku munyi mumadiku saba yaga alalia mugadi goveeye mu na mamera, sialava mulala ku avandu vange mba.

Kutwula 12:19

Mu madiku saba, amamera gatanyooleka ku mu zinyumba zienyu mba, kigira mundu woosi wa Isiraeli noho mugeni uva nalia kizuganyiywi mu na mamera, alatulizwa hagati ha avandu va Isiraeli.

Kutwula 30:33

Mundu woosi olomba maguta kuli yaga, anoho utumikira maguta yaga ku mundu woosi utaveeye musaalisi, sialavalizwa kuva mulala ku avandu vange mba.’ ”

Kutwula 30:38

Niiva mundu woosi alombaa kimuli kuli yiki ku litumikira maguta gu mwayu, sialavalizwa kuva mulala ku avandu vange mba.”

Isaya 24:5

Avandu vononyi lirova mu livunanyia lilaga lia Nyasaye kandi kuvula kolonda lilaga lilie liayalomba kuva ho mihiga ni mihiga.

Isaya 33:8

Zimbarabara ziveeye nuvuhimwa ligali kali sihaveeye ho nogendanga kuzio mba. Vuhambani hagati hi vivala vutuliziywi ho, kandi livugilirizana liononywi. Siaveeye ho numulala ohevwa luyali mba.

Jeremia 11:10

Vamali kwirana kokora uvwoni vwa avaguuga vaavo, avasuuraa kuhulira amakuva gange. Vamali kugirung'ana kuzia kusigamira kandi kutumikira avanyasaye vandi. Avandu va Isiraeli na vandu vi Ivuyuda vamali kuvunaga lilagana lia ndaalomba na avaguuga vaavo.

Jeremia 31:32

Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Ezekieli 44:7

Vamali kwonogonyia Litembeli liange, nokoleka avageni vataveeye avasuuvirifu, avandu vavura kutia kwingira mulio lwahaana vindu vinolu kandi amasahi gi visiuviliru ku inzi. Kunangwa avandu vange vamali kuvunaga lilagana liange mulikola vindu viosi viu kuvihiliriza.

Kyavalevi 18:29

Munyi mumanyi vulahi ndi, mundu woosi okolaa kilala ku ivindu vidamanu viukuvihiliriza yivi, sialavalizwa kuli mulala ku avandu va Nyasaye mba.

Kyavalevi 19:8

Mundu woosi ulia ku, alava muhioli na alahevwa mageri kigira wononyi chaviikwa halovega kigira Inzi, Yahova. Mundu oyo sialavalizwa kuva mulala ku avandu vange mba.

Kyavalevi 23:29

umundu woosi ulia kindu choosi ku lidiku yilio sialavalizwa kandi kuva mulala ku avandu vange mba.

Kyavalevi 7:25

Mundu woosi uva nalia itinya yi inyama iva nihaaniwi kuli kihanwa chi chukulia ku Yahova, alatulizwa hagati ha vandu veve kandi sialavalizwa kuva mulala ku vandu va Nyasaye mba.

Kyavalevi 7:27

Mundu woosi uvunaga malago yaga alatulizwa hagati ha avandu veve kandi sialavalizwa kuva mulala ku avandu va Nyasaye mba.

Livalidza 9:13

Navuzwa mundu woosi oveeye mulahi kandi utaveeye ihale mu logendo, kandi uvula kusangalira Lipasaka, sialava mulala ku vandu vange mba, kigira si yahaana vihaanwa ku inzi ku ing'inga yalagwa mba. Mundu uyu alagiinga uvwoni vwivwe umwene.

1 Vakorintho 11:27

Kandi galava ndi, ku vosi ulia mugadi yigu anoho unwa kekombe chu Mwami munzira itaveeye nuluyali kuye, alava ni lihiolo liu kwononyia umuviri na masahi gu Mwami.

1 Vakorintho 11:29

Ku vosi uliizaa mugadi nu kunwa kutura mu kekombe natamanyiriza kivuni chu muviri gwu Mwami, yeleeteraa likalagirwa kuye mwene.