Litanga 14:3 - KITABU KITAKATIFU

³ Avami vatano yava valomba lihambana ma nivaganira mu livona lia Siddimu liveeye kalunu inyanza yi jumbi.

Litanga 14:3 Iomraidhean Croise

Litanga 10:19

kuduuka lwi zinzako zia Kanaani ziatula Sidoni, mulovega lwa Gerari ahimbi Gaza, kandi mulovega lwa Sodoma, Gomora, Adama na Zeboiimu ahimbi Lasha.

Litanga 14:10

Livona yili liali na malina gaali mu novodohi vunyingi. Lwa avami va Sodoma na Gomora vageriza kwiruka kutura mu liihi, vaagwa mu malina, navuzwa avami vandi vavaga vahononoka ni vazia kwivisa mu vigulu.

Litanga 14:4

Vaali nivaveeye hasi hu vwimiliri vwa Kedorilaomeri ku mihiga 12, navuzwa ku muhiga gwa 13 vibaara kuye.

Litanga 14:8

Maku avami va Sodoma, Gomora, Adima, Zeboiimu, na Bera anoho Zohari vaavugura avasikari vaavo ni vazia mu liihi mu livona lia Siddimu kandi nivalwana

Litanga 19:24

Nonoho Yahova yatuma muliru kuli imbura kutura mu ligulu nigusamba madaala ga Sodoma na Gomora.

Zaburi 107:34

Yakola kivala cha marova magunamu kuva kuli changalangwe chijumbi, kigira uvuchamu vwa vandu vamenya mucho.

Livalidza 34:12

kandi lulazia Isavaalu ku mugera gwa Jorodani kuduuka kunyanza yi Ijumbi. “Yizi zilava zinzako zine zie kivala chiinyu.”

Kwidzulitsa 3:17

Kolovega lwi imadioli kivala chavo chaduuka ku Mugera gwa Jorodani, kutura kunyanza ya Galilaya mu lovega lwa ivaale kusulunguta kunyanza yi jumbi kolovega lwi isavaalu kandi kuduuka hi wi kiguru cha Pisiga kitangiraa kolovega lwi ivugwi.

Joshua 3:16

amazi gasulungutaa kutura iluhia gasingira kogenda. Gavuunga kitumi lovega lulala, ihale ligali, hi lidaala lia langwa Adamu, iliveeye ahimbi na Zarezani. Amazi gasulungutaa kuzia munyanza yu Munyu gasingira. Kunangwa avandu zana yavo vaambuka ni vazia kolovega lundi, ku lujinga lwa Jeriko.