Litanga 13:9 - KITABU KITAKATIFU

⁹ Kunangwa oleke kwavukane. Otovole lovega lwikivala cha wenyaa. Niiva ulazia ku lovega lwu mukono mulungi, inzi ndazia ku lovega lwu mukono mumosi.”

Litanga 13:9 Iomraidhean Croise

Litanga 13:10

Loti yahenza muzimbega ziosi kandi nalora livona liosi lia Jorodani kutura Zohari liali na mazi manyingi kuli mulimi gwa Yahova anoho kuli kivala cha Egebeti. Yaga gaali imbiri wa Yahova yaali nakikiri kudiviza madaala manene ga Sodoma na Gomora.

Litanga 13:8

Maku Aburamu yavolera Loti, “Kunyi kutarembana, anoho avandu vovo na vandu vange vatarembana mba, kigira kunyi koveeye avamwavo.

Litanga 20:15

Yavolera Aburahamu, “Yiki ni kivala change choosi; unyala komenya havundu hoosi hakuyaanzizaa.”

Litanga 34:10

Maku ivi ulamenya ni kunyi mukivala chiitu. Ivi ulamenya havundu hoosi ahawenya, nokokola vukala kandi nukuva ni miandu.”

Zaburi 120:7

Lwa inzi mboraa nyenya mirembe, yavo venya uvulwani.

Jeremia 40:4

Kalunu, Inzi ngovoholoraa lidiku lia kalunu kutura ku minyororo jiveeye ku amakono googo. Niiva gaveeye amalahi ivi uzie ninzi Babiloni, hamba, kandi ndakulinda vulahi; navuzwa niiva sivoveeye vulahi ivi kuzia ninzi Babiloni, utaaza mba. Kivala yiki choosi keveeye chicho unyala kuzia wa uganaganaa haveeye halahi kandi halungi ku ivi.”

Varumi 12:18

Niganyalika kolovega lwinyu, muve ni mirembe na vandu vosi.

1 Vakorintho 6:7

Agiligali gaveeye ndi: kuva ni miyaalo hagati hinyu kumanyia ndi mwamala kugwa ligali; sivwakaveeye vulahi ligali ku munyi kwikuzira ku likolerwa uvudamanu mba? Si vwakaveeye vulahi ligali kuvita munyi kunuurwa mba?

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.