Litanga 13:8 - KITABU KITAKATIFU

⁸ Maku Aburamu yavolera Loti, “Kunyi kutarembana, anoho avandu vovo na vandu vange vatarembana mba, kigira kunyi koveeye avamwavo.

Litanga 13:8 Iomraidhean Croise

Litanga 13:9

Kunangwa oleke kwavukane. Otovole lovega lwikivala cha wenyaa. Niiva ulazia ku lovega lwu mukono mulungi, inzi ndazia ku lovega lwu mukono mumosi.”

Litanga 14:14

Lwa Aburamu yahulira ndi mwana wa amwavo weve amali kugumirwa, yalanga avasaza vosi vukukubana mu lihema lilie, vosi vaali 318, ma ni valondelera vami vane kuduuka Dani.

Litanga 45:24

Kunangwa yatuma avamwavo veve kuzia, navuzwa yavavolera, “Mutalembani ku nzira mba.”

Litanga 46:34

mu muvoolere ndi munyi mwaali vuzwa avayi kutura muvosoleri vwinyu, kuli avaguuga vinyu vaakora. Mu liiva kuli yili alaleka mumenye mukivala cha Gosheni.” Josefu yavoola yaga kigira avayi vaveeye livihilirizwa ku avandu va Egebeti.

Zaburi 133:1

Henza kuli voveeye vulahi, kandi kindu chukuyaanziza ku avandu va Nyasaye, komenya harara mu vuhambani!

Kutwula 2:13

Lidiku liakaviri, lwa yirana yalora avasaza vaviri ava Heburaina nivakubanaa. Yavolera waali mutindi, “Kigira ki ukuya Umuheburaina wacho?”

Tsing'ano 15:1

Litivula lia galaha lihomatizaa vutima, navuzwa litivula lia vwangu likora vutima vwiginga.

Tsing'ano 15:18

Vutima vululu voletaa mahangali, navuzwa vwikuziri voletaa mirembe.

Tsing'ano 20:3

Mundu musiru atangizaa mahangali, navuzwa voveeye vulahi kweleha kugo.

Matayo 5:9

“Vaveeye nuvugasu avalombi vimirembe, kigira valalangwa avana va Nyasaye.

Vikolwa 7:26

Mugamba gwalonda ku, yanyoora vandu va Isiraeli vaviri ni vakubana; yaageriza kuvahambanyia, navoora, ‘Munyi muveeye avamwavo; kigira ki musolanaa aveene ku vene?’

Varumi 12:10

Muyaanzane aveene na veene kuli avamwavo mu Vukristayo; na mwegombe kuhaanirana uluyali munyi aveene naveene.

Vafilipi 2:14

Mukore ivindu viosi vugira liegana anoho amahangari,

1 Vatesalonike 4:9

Sihaveeyeho nikivuni chu ku mung'oderaa ku liyaanza avamwavo vinyu mba munyi aveene mumali kwigizwa na Nyasaye kuli munyala kuyaanzana aveene naveene,

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Vahebraina 13:1

Muzizagiliri kuyaanzana aveene naveene kuli avaamitu Vakrisitayo.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 2:17

Muhaane uluyali ku vandu vosi; muyanze avaamitu avasuuviraa; muhaane luyali ku Nyasaye, kandi mutie mwamihi munene wamihaa ikivala.

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

1 Petro 4:8

Kuvita vindu viosi muyaanzane ligali aveene naveene, kigira uvuyanzi vukunikaa uvwoni uvunyingi.

2 Petro 1:7

na ku vunyasaye vwinyu, mumeede ku vulahi vwu vumiitu; na ku vulahi vwu vumiitu vwinyu, mumeede ku uvuyanzi.

1 Yohana 4:7

Avalina vange avayaanze, leki kuyaanzane, kigira uvuyanzi voveeye vwa Nyasaye. Umundu woosi uyanzaa aveeye mwana wa Nyasaye, kandi amanyi Nyasaye.

Vakalagi 9:26

Gaali umwana wa Ebedi yaza mu Shekemu na vamwavo veve, na avandu va Shekemu vaali nilisuvira muye.