Litanga 13:15 - KITABU KITAKATIFU

¹⁵ Inzi ndakuha harara nivisukululwi vivio kivala cha ololaa yiki choosi, kandi kilakave chicho mihiga ni mihiga.

Litanga 13:15 Iomraidhean Croise

Litanga 12:7

Maku Yahova yaloleka ku Aburamu namuvolera, “Yiki nicho kivala cha nziza kuhaana ku visukululwi vivio.” Maku Aburamu yumbakira Yahova uvwali naloleki kuye ahene yaho.

Litanga 13:17

Kalunu, zia ogende mukivala choosi, kigira nziza kukuha choosi.”

Litanga 15:18

Ku lidiku liene yilio, Yahova yalomba lilagana na Aburamu; Yavoola, “Inzi ndagaa kuhaana ku visukululwi vivio kivala yiki choosi kutura ku lwako lwu mugera gwa Egebeti kuduuka ku mugera gwa Efurate,

Litanga 15:7

Maku Yahova yamuvolera, “Inzi mbeeye Yahova, uwakoleta kutura Uru mukivala cha Babiloni, ninguha kivala yiki keve miandu jijo.”

Litanga 18:18

Visukululwi vivie vilakave ihiiri enene kandi yi zinguru. Kuvitira muye, inzi ndakagasizi zihiiri ziosi.

Litanga 24:7

Yahova, Nyasaye wu Mwigulu yaanduliza hango ha baba wange kandi mukivala cha viko vange, ma niyisuha kovora ndi, alamba kivala yiki kali kuduuka ku visukululwi viange. Alatuma engelosi yeeye imbiri woovo, kunangwa uduuki konyoore lamuyaayi wange mukali.

Litanga 28:13

Havundu hene yaho, yalora Yahova nasingiyi halovega. Yavoola, “Inzi mbeeye Yahova, Nyasaye wa Aburahamu kandi Nyasaye wa Isaka. Ndakahaane ku ivi kivala chogoniku yiki, harara ni visukululwi vivio.

Litanga 28:14

Visukululwi vivio vilakave vinyingi kuli luguchi loveeye ku lirova. Valalanda kutura Ivugwi kuduuka Imadioli, kandi kutura Ivaale kuduuka Isavaalu. Kuvitira mu ivi ni visukululwi vivio, ndakagasizi zihiiri ziosi.

Litanga 28:4

Nyasaye ayaanze akugasizi harara ni visukululwi vivio, kuli yagasiza Aburahamu. Uvuguli miandu ji kivala yiki, icha ivi omenyi mu, kandi icha Nyasaye yahaana ku Aburahamu!”

Litanga 35:12

Ndahaana ku ivi kivala cha ndahaana ku Aburahamu na Isaka, kandi ndahaana ku visukululwi vivio iviizaa inyima woovo.”

Litanga 48:4

Yambolera, ‘Inzi ndakuha lwivulu lwa vana vanyingi, kunangwa visukululwi vivio navive zihiiri zinyingi. Ndahaana kivala yiki ku visukululwi vivio keve miandu jaavo mihiga ni mihiga.’ ”

Litanga 50:24

Yavolera avamwavo veve, “Inzi mbeeye ahimbi kukuza, navuzwa Nyasaye alamulinda. Alamutuliza mukivala yiki nukumuhira mukivala chayisuhizira Aburahamu, Isaka, kandi Yakobo.”

1 Kyetsinyinga 16:18

Yavoola, “Ndakuha kivala cha Kanaani, kilakave miandu jinyu aveene.”

2 Kyetsinyinga 20:7

Ivi oveeye Nyasaye wiitu. Lwa vandu vovo Isiraeli vaduuka mu kivala yiki, waakunga avandu vamenya mucho, ma nukihaana ku visukululwi via Aburahamu, mulina woovo, komenya mu mihiga ni mihiga.

Zaburi 37:22

Yavo vosi ava Yahova yagasiza, valamenya mu kivala mihiga ni mihiga, navuzwa yavo avalaamwa valatulizwa mu kivala cha avasuuvirifu.

Zaburi 37:29

Avandu va Yahova, avalungi valanyora kivala chi miandu, na valamenya mu mihiga ni mihiga.

Kutwula 32:13

Wizulizi Lilagana lia walomba na avatumikiri vovo Aburahamu, Isaka na Yakobo. Wizulizi lisuuviriza lia walomba navo ndi ulavaha visukululwi vinyingi kuli zing'ereng'ani ziu mwigulu, kandi kuvaha kivala chawavasuuviriza kuva miandu jaavo mihiga ni mihiga.”

Kutwula 33:1

Yahova yavolera Musa, “Tuli havundu hano, ivi harara na avandu vawaleeta kutura Egebeti, kandi muzie mukivala cha ndasuuviriza kuhaana ku Aburahamu Isaka na Yakobo kandi kuvisukululwi viavo.

Isaya 63:18

Kunyi avandu vovo vatakatifu, kwavugula ahatakatifu hoho ku ing'inga ngekeeke, navuzwa avasigu viitu vaduvagira hasi Litembeli liilio.

Livalidza 34:2

malago yaga ku vandu va Isiraeli: “Lwa mwingila mu kivala cha Kanaani, kivala cha inzi mbana ku munyi, zinzako zie kivala chiinyu zilava kulindi:

Matayo 5:5

“Vaveeye nuvugasu avaveeye avahooma, kigira valanyora imiandu ji lirova.

Vikolwa 7:5

Nyasaye siyaamuha ku ekedonye chi kivala yiki keve umwandu gwigwe; mba, navuzwa yamulaga alamuha kivala yiki keve chiche kandi chi ikisukulwi chiche. Ing'inga yene yeyo Aburahamu si yaali nu mwana mba.

Kwidzulitsa 34:4

Maku Yahova yavolera Musa, “Yiki ni kivala cha ndaasuuviriza Aburahamu, Isaka na Yakobo ndi ndahaana ku visukululwi viavo. Umali kokelola, navuzwa sindaleka uzie yo mba.”

Kwidzulitsa 9:5

Sigaveeye kigira muveeye avalahi kandi mukoraa agaveeye amalungi mba, nandio Yahova amuleeka mwidikiri mu kivala chavo mba. Navuzwa gaveeye kigira vaveeye avadamanu kandi kigira Yahova Nyasaye winyu yenya aduukizi lisuuvirizwa lia yisuhira avaguuga vinyu, Aburahamu, Isaka na Yakobo.