Litanga 10:2 - KITABU KITAKATIFU

² Vayaayi va Jafeza vaali, Gomeri, Magogi, Madai, Javani, Tubali, Mesheki na Tirasi.

Litanga 10:2 Iomraidhean Croise

Litanga 10:1

Yivi ni visukululwi via vayaayi va Nuhu, Shemu, Hamu, na Jafeza. Vavaga yava vanyoola avana vayaayi inyima wi migelera jamazi.

Litanga 10:21

Shemu muyaayi wanga Jafeza wukutanga kandi yaali guuga uwi zihiiri zia Eberi ziosi.

Litanga 9:27

Vwakaveeye vulahi Nyasaye akole Jafeza komeedeka mu vuhinda! Vwakaveeye vulahi visukululwi vivie vimenye na vandu va Shemu.” Kanaani alakave mutugwa wa Jafeza.

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

Zaburi 120:5

Komenya hagati hinyu koveeye vudamanu ligali kuli komenya mu Mesheki anoho komenya hagati havandu va Kedari.

Isaya 66:19

kandi valamanya ndi inzi Yahova mbana amageri kuvo. Navuzwa ndahonyia valala nukuvatuma ku zihiiri, ziveeye mu vivala vikagatanaa ni inyanza - Tarishishi, Libia, Lidia kivala keveeye na vasaza vaveeye ni limanya liu kulasa uvuta, Tubali kandi Ivuguriki. Avandu vakikiri kuhulira luyali lwange anoho avakikiri kolola ovonene kandi zinguru ziange, hagati hi zihiiri yizi, valalandiza ovonene vwange.

Ezekieli 27:19

Avandu va Dedani na Javani valeta kivia chatulwa, ovogongo, kandi mudarasini kutura Uzali kukiranyia ni munyi.

Ezekieli 27:7

Zimeri zienyu zialombwa ni zinguvu zie ikatani, mangirinya kutura Egebeti, zialoleka mukumanyikana kali nizive ihale. Zikatani zienyu zialombwa kutura ku zinguvu, zindahi, zie mizambarao kutura mu kisulu cha Saipurasi.

Ezekieli 32:26

“Mesheki na Tubali vaveeyeyo kandi, virindwa viavo viakumberizwa ni virindwa via vasikari vaavo, vosi si vaveeye avasuuvirifu mba, kandi viitirwa mu vulwani. Valeta litihiza mu kivala cha vandu vaveeye mwoyo.

Ezekieli 38:15

havundu hoho kolovega lwa Ivaale yi ihale, nuwimiriyi muganda munene gwi zinguru gwi liihi lia vasikari kutura mu zihiiri zinyingi, vosi ni vaveeye ku zibarasi.

Ezekieli 38:2

Yavoola, “Mwana wu Mundu, oporofete vudamanu vwa Goga, mwamihi munene wi zihiiri zia Mesheki na Tubali mu kivala cha Magogi. Oporofete vudamanu vwivwe,

Ezekieli 38:6

Avasaza vosi vakubana kutura muvivala via Goma na Bezi Togama kolovega lwa Ivaale vaveeye naye, harara na vasaza kutura mu zihiiri zindi zinyingi.

Ezekieli 39:1

Yahova Wuvunyali yavoola, “Mwana wu Mundu porofeta uvudamanu vwa Goga, mwamihi munene wi zihiiri zia Mesheki na Tubali. Umuvolere ndi, inzi mbeeye musigu weve.

Likunula 20:8

alatula ichova kugaada zihiiri ziosi iziasalana mu lirova liosi, avamanyikani kuli Goga na Magogi. Setani alavavungiza harara mu liihi, navo valava avanyingi kuli umuyeke ku lujinga lwinyanza.